Cherry មួយផ្លែតម្លៃជាង ១ លានរៀលបំបែកកំណត់ត្រាក្នុង​ពិព័រណ៍​ដេញ​ថ្លៃ​ជប៉ុន

ផ្លែឈើជប៉ុនល្បីដោយសារគុណភាព ឧទាហរណ៍ដូចជាផ្លែ Cherry ជប៉ុន ផ្លែធំ ក្រហមរលោង មិនត្រឹមតែឆ្ងាញ់ ថែមទាំងរាងបេះដូងស្អាតទៀតផង។ ពេលក្រឡេកមើលផ្លែ Cherry ទាំងនេះ តើអ្នកចង់ទិញដែរទេ?

ប្រសិនបើអ្នកចង់ទិញ កុំភ្លេចមើលតម្លៃជាមុនសិន។

ម៉ាកយីហោ Cherry Juno Heart បាន​រៀបចំ​ការ​ដេញ​ថ្លៃ​លើក​ដំបូងក្នុង​រដូវ​កាល​នេះ​នៅ​កន្លែង​តាំង​ពិព័រណ៍ Hachinohe ខេត្ត Aomori កាល​ពី​ថ្ងៃ​ទី ២៥ ខែមិថុនា។ ផ្លែ Cherry ធំទុំរាងដូចបេះដូង ម៉ាក Cherry ឈានមុខគេបាន​បង្កើត​កំណត់​ត្រាថ្មីជាមួយនឹងប្រអប់ Cherry ១៥ ផ្លែមានតម្លៃ ៦០០,០០០ យ៉េន។

មនុស្សគ្រប់គ្នាមានវត្តមានក្នុងការដេញថ្លៃសរសើរ និងទះដៃយ៉ាងខ្លាំងចំពោះ​តម្លៃ​ខ្ពស់​កប់​ពពក​របស់​ផលិតផល។ គិត​ទៅ​ផ្លែ Cherry នីមួយៗក្នុងប្រអប់មានតម្លៃ ៤០,០០០ យ៉េន ជាង ១ លានរៀល ហើយខ្ពស់ជាងតម្លៃកំណត់ត្រាក្នុង​ឆ្នាំ ២០២១ ទៅ​ទៀត។

តើអ្នកថាឆ្ងល់នរណាហ៊ាននឹងតម្លៃ​ខ្ពស់​កប់​ពពកនេះមែនទេ? ចម្លើយគឺ Nagatsuka Seika ដែលជាអ្នក​ចែក​ចាយ​ផ្លែ​ឈើ និង​បន្លែ​នៅ​ទីក្រុង Chiba ឈ្នះការដេញថ្លៃ ៣ ឆ្នាំជាប់ៗគ្នា។

Sacchan