ប្រជាជនជប៉ុនមានអាយុវែងដោយសារទទួលទានស៊ុបនេះប្រចាំថ្ងៃ

ស៊ុប miso គឺជាមុខម្ហូបដែលពេញនិយមរបស់ជប៉ុន ជួយការពារឆ្អឹងសន្លាក់ ការការពារជំងឺសរសៃឈាម។

តើស៊ុប Miso ជាអ្វី?

ស៊ុប Miso ជាមុខម្ហូបប្រចាំថ្ងៃរបស់ប្រជនជប៉ុន។ មុខម្ហូបនេះរួមមានគ្រឿងផ្សំដូចជាសារ៉ាយសមុទ្រ តៅហ៊ូ Miso និង​ស្លឹក​ខ្ទឹម។

ក្រៅពីនេះ អាស្រ័យលើរសជាតិពួកគេបន្ថែមគ្រឿងផ្សំមួយចំនួនទៀតស្របតាមរូបមន្តនៅតំបន់នីមួយៗ ក៏ដូច​ជា​ចំណូល​ចិត្តរបស់មនុស្សម្នាក់ៗផងដែរ។ ដូចជាផ្សិត ដំឡូង ខ្ទឹមបារាំង ។ល។ ហើយក៏អាចបន្ថែមបង្គា ក្តាម ត្រី ឆៃ​ថាវ​ជា​ដើម។ រសជាតិផ្អែមរបស់ miso លាយបញ្ចូលគ្នាជាមួយគ្រឿងផ្សំផ្សេងទៀត នាំមកនូវស៊ុបឆ្ងាញ់ និងមាន​ជីវជាតិ។

អត្ថប្រយោជន៍របស់ miso ចំពោះសុខភាពមនុស្ស

ការពារសុខភាពឆ្អឹង៖ ស៊ុប miso ជាប្រភពសម្បូរទៅដោយកាល់ស្យូម isoflavone និង vitamin K ដែលទាំងអស់នេះជួយកែលម្អ និងថែ​រក្សា​សុខ​ភាព​ឆ្អឹង។ ហើយជួយកាត់បន្ថយហានិភ័យជំងឺពុកឆ្អឹងផងដែរ។

ប្រឆាំងភាពចាស់៖ ប្រភេទស៊ុបនេះប្រើតែគ្រឿងផ្សំធម្មជាតិប៉ុណ្ណោះ លក្ខណៈសម្បត្តិប្រឆាំងភាពចាស់របស់ស៊ុប miso ដោយសារមាន​សារ​ធាតុ​ប្រឆាំង​អុកស៊ីតកម្ម វាដើរតួយ៉ាងសំខាន់ក្នុងការកាត់បន្ថយដំណើរការចាស់មុនអាយុ។

ជួយរក្សារាងស្លីម៖ នៅក្នុងស៊ុប miso មានសារធាតុចិញ្ចឹម និងសារធាតុរ៉ែខុសៗគ្នា ហើយមានលក្ខណៈគ្រប់គ្រាន់។ ទន្ទឹមនឹងនោះ ការទទួលទានស៊ុប miso ជួយបាក់តេរី និង enzyme ធ្វើការរួមគ្នាសម្រួលដំណើរការរំលាយអាហារ និងការស្រូបអាហារ។

ពង្រឹង​ប្រព័ន្ធ​ភាព​សុំា៖ ប្រព័ន្ធភាពស៊ាំដើរតួនាទីយ៉ាងសំខាន់ក្នុងការការពាររាងកាយប្រឆាំងនឹងបាក់តេរី។ ការទទួលទានស៊ុប miso ជាដំណោះស្រាយដ៏ល្អផ្គត់ផ្គង់ដល់រាងកាយប្រភេទវីតាមីន និងសារធាតុចិញ្ចឹមល្អបំផុត។ សារធាតុក្បងក្នុងស៊ុបមានឥទ្ធិពលវិជ្ជមានលើរាងកាយ ជួយឱ្យរាងកាយមានសុខភាពល្អ ការពារជំងឺ និងមេរោគផ្សេងៗ។ គ្រាន់​តែទទួលទានស៊ុប miso មួយចានអាចជួយបំពេញវីតាមីន​ទប់ទល់​នឹង​កត្តាមិនល្អក្នុងរាងកាយ។

ប្រព័ន្ធប្រសាទមានសុខភាពល្អ៖ អត្ថប្រយោជន៍​​របស់​ស៊ុប​ miso ក៏​រួម​បញ្ចូល​ការ​ពង្រឹង​ប្រព័ន្ធ​ប្រសាទ។ ក្នុងស៊ុប​ miso ផ្ទុកមាន​វីតាមីន B12 ដែល​ជួយ​រក្សា​ប្រព័ន្ធ​សរសៃប្រសាទ​ឱ្យ​មាន​សុខភាព​ល្អ និង​ជួយ​បង្កើត​កោសិកា​ឈាម​ផង​ដែរ ។

ប្រភព៖ news.skydoor