ពិធីបុណ្យប្រចាំឆ្នាំនៅទីក្រុងតូក្យូ “បុរសរុំចំបើង ផ្លុំសំបកខ្យង ត្រូវ​គេ​ជះ​ទឹក និង​ដង្ហែតាមដងផ្លូវ”

នេះជាពិធីបុណ្យដែលឆ្កួតលីលាបំផុតនៅប្រទេសជប៉ុន និយាយអំពីរឿងគ្រោះ​រាំងស្ងួត និង​សត្វ​នាគ។

កាលពីព្រេងនាយ មានភូមិមួយនៅជប៉ុនធ្លាក់ក្នុងស្ថានភាពគ្រោះរាំងស្ងួតអូសបន្លាយ។ ប្រជាជនត្រូវការទឹកភ្លៀង​យ៉ាង​ខ្លាំង ហើយនេះក៏ជាប្រភពដើមនៃពិធីបុណ្យប្រចាំឆ្នាំនៅទីក្រុងតូក្យូផងដែរ។

大森の水止舞という奇祭をみてきました
ワラに包まれた人がホラ貝を吹いと引きづられ水をぶっかけられるというエライ目に遭うお祭りですがメタメタ面白かったです☆#東京刺激クラブ #水止舞 #大森 #奇祭 pic.twitter.com/WZ2I4U6HM6

— 東京刺激クラブ (@onda3simai4) July 14, 2019

ជាទូទៅពិធីបុណ្យរដូវក្តៅរបស់ជប៉ុនមានប្រភពមកពីជំនឿសាសនា និយាយពីទំនាក់ទំនងជាមួយទេវតា វិញ្ញាណ ផ្សារភ្ជាប់នឹងធម្មជាតិ។ ពិធីបុណ្យ Mizudome no Mai ធ្វើឡើងនៅប្រាសាទ Gonshoji ផ្លូវ Omori ស្រុក Ota ទីក្រុង​តូក្យូ។

ជាច្រើនឆ្នាំមុន ត្រលប់ទៅឆ្នាំ ១៣២១ ប្រជាជននៅ Musashi no Kuni (ភាគខាងកើតប្រទេសជប៉ុនសព្វថ្ងៃ) ឆ្លងកាត់គ្រោះរាំងស្ងួតអាក្រក់បំផុត។ ផ្ទៃដីស្ងួត ដំណាំមិនអាចប្រមូលផល ប្រជាជនក្នុងតំបន់ទៅរកព្រះចៅ​អធិការ​វត្ត Gonsho ដោយអង្វរគាត់អោយសុំទេវតាប្រទានទឹកភ្លៀង។

ដោយ​ស្តាប់តាម​ការ​អង្វរ​របស់​ប្រជាជន ព្រះសង្ឃធ្វើនាគ​ចំបើង។ ក្នុងវប្បធម៌ជប៉ុននាគផ្សារភ្ជាប់ជាមួយទឹក និងភ្លៀងក្នុងរឿងបុរាណ។ មិនយូរប៉ុន្មាន ការបន់ស្រន់ត្រូវបានទទួលយក ភ្លៀងក៏ធ្លាក់បន្ទាប់ពីគ្រោះរាំងស្ងួតអូសបន្លាយ។

គ្រប់យ៉ាងហាក់ដូចជាល្អ ប៉ុន្តែ​នៅ​ឆ្នាំ​បន្ទាប់ ប្រជាជនត្រូវប្រឈមនឹងបញ្ហាផ្ទុយមកវិញ។ ភ្លៀង​ធ្លាក់​ខ្លាំង​ធ្វើ​ឱ្យ​ទឹក​លិច​ស្រែ និងបង្កបញ្ហាជាច្រើនដល់កសិករ ផល​វិបាកធ្ងន់ធ្ងរ​ដូច​គ្រោះ​រាំង​ស្ងួត។ នៅពេលនេះពួកគេខឹងសម្បារ​ចំពោះ​​ព្រះ​ចៅ​អធិការ ដោយគិត​ថា​ទង្វើ​របស់​គាត់​ជា​មូលហេតុគ្រោះ​មហន្តរាយ​បន្តបន្ទាប់។

ដូច្នេះ​ម្តង​ទៀត ព្រះសង្ឃ​ត្រូវ​ទទួល​ខុស​ត្រូវ។ លោកធ្វើរបាំងមុខតោ ព្រោះតោក្នុងភាសាជប៉ុនអានថា “Shishi” ប៉ុន្តែ​ប្រសិន​បើសរសេរជា Kanji ហើយអានក្នុងន័យមិនច្បាស់លាស់ “Shishi” អាចមានន័យថា “ឈប់ភ្លៀង” ។

លើក​នេះព្រះចៅអធិការប្រគល់របាំងមុខអោយអ្នកភូមិ ណែនាំពួកគេឱ្យរាំ វាយ​ស្គរ និង​ផ្លុំ​សំបក​ខ្យង។ លោកនិយាយថា ធ្វើ​បែប​នេះ​នឹងធ្វើអោយនាគដែលកំពុងបង្ក​ភ្លៀងស្ងប់។ ពិត​ណាស់ ភ្លៀង​បាន​ឈប់ ហើយ​ទឹក​ជំនន់​ក៏​បាន​បញ្ចប់ដែរ។

ដើម្បីរំឮកដល់ព្រឹត្តិការណ៍នេះ ជារៀងរាល់ឆ្នាំនៅ Gonshoji នឹងប្រារព្ធពិធី Mizudome no Mai (ប្រែថា៖ របាំបញ្ឈប់ភ្លៀង) ។ ចំណុចពិសេសបំផុតនៃព្រឹត្តិការណ៍នេះគឺបុរសពីរនាក់ ជាទូទៅមានមាឌធំ ត្រូវគេរុំក្នុង​គំនរ​ស្មៅ ហើយលើក​ដង្ហែ​តាម​ដង​ផ្លូវ Omori ។ ពួកគេផ្លុំសំបកខ្យង ហើយត្រូវគេ “ជះទឹក” ដោយគ្មានមេត្តា។

【奇祭】男を藁でぐるぐる巻きにして、街中をゴロゴロ転がし、容赦なく水をぶっかける『水止舞』が、東京都大田区大森で7月10日(日)13時～15時開催。ぶっかけられた男はそのたびに法螺貝を吹く。https://t.co/XUHp2lKG1m pic.twitter.com/sUt8Kts1xS

— ほいじんが (@garaguda) June 29, 2022

បុរសទាំងពីរនេះតំណាងឱ្យនាគនាំយកព្យុះភ្លៀង ហើយប្រជាជនត្រូវនាំពួកគេទៅកាន់ Gonshoji ។ ជាការពិតណាស់ នាគ​មិន​ទៅ​ដោយ​ខ្លួន​ឯងទេ ប៉ុន្តែត្រូវការអ្នកជូនដំណើរ។

ពិធីបុណ្យ Mizudome no Mai ធ្វើឡើងក្នុងខែកក្កដា ស្របនឹងពេលអាកាសធាតុក្តៅនៅជប៉ុន ដូច្នេះត្រូវជះទឹកមិន​មែន​អាក្រក់​នោះ​ទេ។ លើពីនេះ ដោយសារទម្ងន់របស់នាគ ក្បួនដង្ហែត្រូវឈប់ញឹកញាប់ ហើយនៅពេលដែលក្រុម​ទៅ​ដល់​គោល​ដៅ ក្រុមអ្នករាំពាក់របាំងមុខតោចេញមកសម្តែង បង្ហាញអំពីរបាំងមុខ និងរបាំដែលព្រះចៅ​អធីការ​បាន​​ធ្វើ។

អ្នកចូលរួមពិធីបុណ្យស្លៀកអាវមានរូបត្រីកោណ នោះជាស្រកានាគ។

គួរអោយស្តាយពិធីបុណ្យ Mizudome no Mai មិនអាចប្រារព្ធធ្វើឡើងក្នុងឆ្នាំ ២០២០ និង ២០២១ ដោយសារជំងឺ​រាត​ត្បាត។ ពិធី​បុណ្យ​ត្រលប់​មកវិញនៅឆ្នាំ ២០២២ វេលាម៉ោង ១ រសៀលថ្ងៃអាទិត្យទី ១០ ខែខែកក្កដា។

ព័ត៌មាន

 Gonshoji / 厳正寺

អាស័យដ្ឋាន៖ Tokyo-to, Ota-ku, Omori Higashi Sanchome 7-27

 東京都大田区大森東三丁目7番27号

Sacchan