iPhone របស់ជប៉ុនអស់ពីស្តុក និងបញ្ហាប្រាក់យ៉េនធ្លាក់ចុះខ្លាំង

ថ្ងៃចន្ទ 04/07/2022 | 11:37 ព្រឹក

នៅប្រទេសជប៉ុនក៏ដូចជាកន្លែងផ្សេងទៀតនៅលើពិភពលោក មានអ្នកគាំទ្រទូរស័ព្ទ iPhone ច្រើន។ ទូរស័ព្ទ iPhone ដែលប្រើរួចត្រូវបានដោះដូរក្នុងតម្លៃខ្ពស់នៅជប៉ុន ប៉ុន្តែថ្មីៗនេះ មានរឿងគួរឱ្យអស់សំណើចមួយកំពុងកើតឡើង។

ហាងជជុះមួយចំនួនកំពុងប្រមូលទិញទូរស័ព្ទក្នុងតម្លៃស្មើ ឬថ្លៃជាងតម្លៃទូរស័ព្ទថ្មី។

សរុបទៅ តើមកពីមូលហេតុអ្វី?

មូលហេតុដោយសារតម្លៃប្រាក់យ៉េនធ្លាក់ចុះខ្លាំង។ ដោយសារតែការធ្លាក់ចុះនេះ បើប្រៀបធៀបទៅនឹងកន្លែងផ្សេង iPhone នៅជប៉ុនមានតម្លៃថោក។ ក្នុងរយៈពេលដ៏ខ្លី iPhone ទាំងអស់នៅលើទីផ្សារជជជុះរបស់ជប៉ុនអស់ ប៉ុន្តែតម្រូវការនៅតែមានកម្រិតខ្ពស់ ដូច្នេះតម្លៃទិញខ្ពស់ជាងម៉ាស៊ីនថ្មីទៅទៀត។

បច្ចុប្បន្ននៅតែអាចទិញផលិតផលថ្មី ប៉ុន្តែត្រូវចំណាយពេល ២ ទៅ ៤ សប្តាហ៍ បន្ទាប់ពីបញ្ជាទិញរហូតដល់ពេលដឹកជញ្ជូន។ ជាក់ស្តែង មនុស្សមួយចំនួនត្រូវរង់ចាំពីរបីខែ អាស្រ័យលើពណ៌ និងផ្នែកផលិតផល។

អាជីវកម្មបរទេសមួយចំនួនទិញទូរស័ព្ទប្រើរួចក្នុងបរិមាណច្រើននៅជប៉ុន ប៉ុន្តែពេលត្រឡប់ទៅប្រទេសវិញ ពួកគេត្រូវចាប់តាមរយៈការត្រួតពិនិត្យអីវ៉ាន់ រឹបអូស និងផាកពិន័យ។

ចំពោះការទិញទូរស័ព្ទតម្លៃថោកនៅជប៉ុនមិនមែនជាបញ្ហានោះទេ ប៉ុន្តែសូមអនុវត្តតាមច្បាប់។ ពិបាកណាស់ទើបអាចទិញទូរស័ព្ទ iPhone ចាស់ក្នុងតម្លៃថោក កុំទុកអោយត្រូវរឹបអូស។

តើអ្នកគិតថាការធ្លាក់ចុះប្រាក់យ៉េនមានរយៈពេលយូរប៉ុណ្ណា? បច្ចុប្បន្ន ១ ដុល្លារស្មើនឹង ១៣៦ យ៉េន។ ដើម្បីងាយស្រួលប្រៀបធៀបក្នុងរយៈពេល ៨ ខែ ប្រាក់យ៉េនធ្លាក់ចុះចំនួន ១៦០ យ៉េន តើស្ថានភាពនេះនឹងអូសបន្លាយ ហើយកាន់តែអាក្រក់ទៅដែរទេ?

បញ្ហាប្រាក់យ៉េនធ្លាក់ថ្លៃមិនត្រឹមតែនាំមកនូវហានិភ័យ ហើយក៏ផ្តល់អត្ថប្រយោជន៍ផងដែរ។ ប្រសិនបើអ្នកធ្វើដំណើរទៅប្រទេសជប៉ុន តម្លៃសណ្ឋាគារ តម្លៃអាហារ និងវត្ថុអនុស្សាវរីយ៍នឹងទាប។ ហើយប្រសិនបើជនបរទេសមកដល់ទីនេះច្រើន ហើយចំណាយប្រាក់ច្រើននៅទីនេះនឹងផ្តល់អត្ថប្រយោជន៍យ៉ាងច្រើនដល់ប្រទេសជប៉ុន។

Kengo Abe