អាកាសធាតុក្តៅខ្លាំងខុសធម្មតា អ្នកដែលរស់នៅជប៉ុនគួរកត់សម្គាល់ស្ថានភាពខ្វះជាតិទឹក

បច្ចុប្បន្ននេះជប៉ុនកំពុងប្រឈមនឹងរដូវក្តៅខ្លាំង អាកាសធាតុក្តៅភ្លាមៗអាចបណ្តាលអោយមនុស្សជាច្រើនត្រូវបញ្ជូនទៅសង្គ្រោះបន្ទាន់ដោយសារ​រង​កម្តៅ​ហួស​ហេតុ។ ជាពិសេសបុគ្គលដែលត្រូវយកចិត្តទុកដាក់គឺមនុស្សចាស់ និង​កុមារ។

រស់នៅប្រទេសជប៉ុនអំឡុងពេលនេះ អ្នកត្រូវដឹងអំពីស្ថានភាពខ្សោះជាតិទឹក ស្លាប់ដោយសាររងកម្តៅហួសហេតុ អនុវត្ត​វិធាន​ការការពារ និងសង្គ្រោះ​បឋម​អោយ​បាន​សម​ស្រប។

យោងទៅតាមស្ថិតិរបស់ទីភ្នាក់ងារគ្រប់គ្រងគ្រោះមហន្តរាយ ក្រសួងកិច្ចការផ្ទៃក្នុង និងទំនាក់ទំនង ចំនួនអ្នកដែលត្រូវបញ្ជូនទៅសង្គ្រោះបន្ទាន់ ដោយ​សារ​កំដៅ​កើន​ឡើង​យ៉ាង​ឆាប់​រហ័ស​ក្នុង​ខែ​កក្កដា​ជា​រៀង​រាល់​ឆ្នាំ។ ទោះជាយ៉ាង​ណា នៅឆ្នាំនេះ មនុស្សចំនួន ៤៥៥១ នាក់ (តួលេខបឋម) ត្រូវបានបញ្ជូនទៅមន្ទីរពេទ្យនៅទូទាំងប្រទេសក្នុង​​រយៈ​​ពេល​ត្រឹម​តែ ១ សប្តាហ៍ កើនឡើងចំនួន ៣៤៤៨ នាក់ បើធៀបនឹងរយៈពេលដូចគ្នាកាលពីឆ្នាំមុន។

មនុស្សជាច្រើនស្លាប់ដោយសារពួកគេមិនទាន់អាចសម្របខ្លួនទៅនឹងកម្តៅខ្លាំងកំណត់ត្រា។ លើសពីនេះ ជំងឺដាច់សរសៃឈាមខួរក្បាលដែលបណ្តាលមកពីការខ្សោះជាតិទឹកក្នុងរយៈពេលយូរ ប៉ុន្តែស្ថានភាពខ្សោះជាតិទឹកមិនងាយ​កត់​សម្គាល់​នោះ​ទេ។

ជាពិសេស មនុស្សចាស់មានបរិមាណទឹកក្នុងខ្លួនទាបជាងមនុស្សវ័យក្មេង ហើយកម្រមានអារម្មណ៍ស្រេកទឹក។ ដូច្នេះហើយ សូមព្យាយាមបរិភោគអោយបានទៀតទាត់ និងផឹកទឹកញឹកញាប់ទោះអ្នកមិនស្រេកក៏ដោយ។ ព្យាយាម​ផឹកទឹកប្រហែល ១ កែវក្នុងមួយម៉ោង។ មនុស្សមួយចំនួនខ្ជិលផឹកទឹកព្រោះមិនចង់ចូលបន្ទប់ទឹក ប៉ុន្តែការ​ពារ​ស្ថាន​ភាព​ខ្សោះជាតិទឹកគួរតែជាអាទិភាពចម្បង។

មនុស្សចាស់ងាយនឹងរងកម្តៅខ្លាំងមិនថានៅក្នុងផ្ទះក៏ដោយ ស្លៀកសម្លៀកបំពាក់រលុងមានដៃអាវ និងកធំទូលាយ។ មនុស្សកាន់តែចាស់មិនងាយចាប់អារម្មណ៍នឹងសីតុណ្ហភាពឡើយ ត្រូវមើលទែម៉ូម៉ែត្រ និងកែតម្រូវសីតុណ្ហភាព​ក្នុង​បន្ទប់។

ទន្ទឹមនឹងនេះ ត្រូវរក្សាកម្លាំងសាច់ដុំឱ្យបានច្រើនតាមដែលអាចធ្វើទៅបាន ដោយធ្វើលំហាត់ប្រាណស្រាលនៅ​ពេល​ព្រឹក​ព្រលឹម និង​សម្រួល​មុខ​ងារ​បញ្ចេញញើស។

មិន​ត្រឹម​តែ​មនុស្ស​ចាស់​កុមារ​ក៏​ងាយ​ខ្វះ​ជាតិ​ទឹក​ដែរ។ ដោយសារការដុតរំលាយអាហារក្នុងខ្លួនកុមារលឿនជាង តម្រូវ​ការ​ទឹក​ក៏​កាន់​តែ​ច្រើន មិនត្រឹម​តែប៉ុណ្ណឹង​មុខងារគ្រប់គ្រងសីតុណ្ហភាពមិនទាន់ពេញលេញនៅ​ឡើយ។

តើត្រូវធ្វើអ្វីពេលខ្វះជាតិទឹក?

ផ្តល់ជាតិទឹកភ្លាមៗជាមួយនឹងដំណោះស្រាយជាតិទឹកមានលក់នៅឱសថស្ថាន។ សារធាតុរាវមានអំបិល និងស្ករ ដែល​ជួយ​ឱ្យ​រាង​កាយស្រូបយកទឹកបានលឿន។

ស្ថានភាពនឹងកាន់តែអាក្រក់ទៅៗតាមពេលវេលា ដូច្នេះនៅពេលដែលអ្នកមានអារម្មណ៍ថារាងកាយមានសញ្ញា​ខុស​​ធម្មតា អ្នក​ត្រូវ​ទៅ​ពិគ្រោះជាមួយវេជ្ជបណ្ឌិតឱ្យបានឆាប់តាមដែលអាចធ្វើទៅបាន។

ប្រើម៉ាស៊ីនត្រជាក់

តាម​ការ​ព្យាករ​អាកាសធាតុ ក្តៅខ្លាំងអាច​នឹង​អូសបន្លាយ​រយៈពេល​យូរ​ជាង​នេះ។ មនុស្សមួយចំនួនមិនប្រើម៉ាស៊ីនត្រជាក់ដើម្បីសន្សំសំចៃភ្លើង ប៉ុន្តែបើគិតដល់កម្រិតក្តៅខ្លាំងខុសពីធម្មតា ហើយនៅតែបន្តកើនឡើងទៀតនោះ គួរប្រើម៉ាស៊ីនត្រជាក់អោយបានត្រឹមត្រូវ កុំប្រើហួសប្រមាណ។

នៅហាងទូទៅដូចជា “Shibuya Loft” (Tokyo) ទំនិញប្រហែល ៣៥០ ប្រភេទត្រូវបានដាក់តាំងនៅកន្លែងឯក​ទេស។ ក្នុង​នោះ​មាន​ខ្សែ​ក​ត្រជាក់​សម្រាប់​មនុស្សគ្រប់​វ័យ មួក​ដែល​ធ្វើ​ពី​វត្ថុធាតុ​ដើមពិសេស​អាចស្រូបយកទឹក និងត្រជាក់។

◆ ចំណុចគួរចាប់អារម្មណ៍ការពារការរងកម្តៅខ្លាំង

・កែតម្រូវការកំណត់សីតុណ្ហភាពរបស់ម៉ាស៊ីនត្រជាក់ និងការប្រើប្រាស់កង្ហារអគ្គិសនី។

・ផឹកទឹកឱ្យបានញឹកញាប់ទោះបីជាមិនស្រេកក៏ដោយ។

・ពេលបែកញើស អ្នកក៏អាចបន្ថែមអំបិលបានដែរ។

・ដោះម៉ាសចេញពេលគ្មានមនុស្ស។

・ប្រើឆ័ត្រ ឬមួកពេលចេញទៅក្រៅ ធ្វើដំណើរទៅកាន់កន្លែងត្រជាក់ប្រសិនបើអ្នកមានអារម្មណ៍មិនស្រួលខ្លួន។

・ជៀសវាងការចេញទៅក្រៅតាមដែលអាចធ្វើទៅបាន អំឡុងពេលមានការព្រមានក្តៅខ្លាំង។

 ◎ ដំបូន្មានផ្អែកលើឯកសាររបស់ក្រសួងបរិស្ថាន និងក្រសួងសុខាភិបាល ការងារ និងសុខុមាលភាព។

Sacchan

មើលបន្ថែម: