ហេតុ​តែខ្លាចបាត់អ្នកប្រើគណនី Twitter ធ្វើគំរូអាហារក្លែងក្លាយ Natto ជាប់លើដងឆ័ត្រកុំអោយគេលួច

ជប៉ុន​ល្បី​ខាង​សិល្បៈ​ធ្វើ​គំរូអាហារក្លែងក្លាយដែលមើលទៅដូចរបស់ពិត ហើយក៏ជាជំនួយសម្រាប់ភ្ញៀវទេស​ចរណ៍​បរទេស​ដែល​មិន​ចេះ​ភាសា​ជប៉ុន មិន​អាច​អាន​ម៉ឺនុយ​ក្នុង​ហាង​បាន។

សិប្បកម្មទាំងនេះល្បីឈ្មោះរហូតដល់ថ្នាក់មាន Fandom ដោយផ្ទាល់ ជាកន្លែងដែលប្រមូលផ្តុំអ្នកចូលចិត្តគំរូអាហារក្លែងក្លាយ។ អ្នកប្រើគណនី Twitter Kanapei (@kanapei_fflab) ជាផ្នែកមួយនៃ Fandom ដល់ថ្នាក់កំណត់ខ្លួន​ឯង​ជា “មនុស្សឆ្កួតនឹងគំរូអាហារក្លែងក្លាយ” ។

ដោយសារមានមនុស្សជាច្រើនប្រើឆ័ត្រប្លាស្ទិកថ្លានៅប្រទេសជប៉ុន ដូច្នេះពេលទុកឆ័ត្រនៅមុខហាងលក់ទំនិញ ពិត​ជា​ពិបាក​បែងចែកឆ័ត្រមួយណាជារបស់នរណាណាស់។ ដូច្នេះ​ហើយ ចោរ​ឆ្លៀតឳកាសនេះមានចេតនាយក​ទៅ។

Kanapei បានរកឃើញវិធីមួយកែលម្អឆ័ត្រស្តង់ដារនេះទៅជាឆ័ត្រដែល… គ្មាននរណាម្នាក់ចង់យកច្រឡំ។

#ホイップスペース

前回フライングしたのでリアルタイムでは初参加です。食品サンプル愛好家のkanapei(かなぺい)です！

それでは聞いてください「絶対に持っていかれない傘」 pic.twitter.com/Hz00Ynyj9c

— kanapei＠食品サンプル愛好家 (@kanapei_fflab) June 17, 2022

Natto ជាប់លើដងឆ័ត្រមែនទេ? តាមពិតទៅ វាគ្រាន់តែជាគំរូអាហារ Natto តែប៉ុណ្ណោះ។ Natto មានលក្ខណៈជាប់ស្អិត និងមានក្លិនឆួលខ្លាំង។ ទោះបីជាអ្នកចូលចិត្តញ៉ាំ Natto ក៏មិនប្រាកដថាចង់យកដៃចាប់ Natto ដែរ។

មិនច្បាស់ថាគំនិតនេះអនុវត្តបានដល់កម្រិតណានោះទេ ប៉ុន្តែវាទទួលបានការគាំទ្រយ៉ាងខ្លាំងពីអ្នកប្រើបណ្តាញ​អុីនធឺណេត។ រហូតដល់ថ្នាក់អ្នកចូលចិត្ត Natto ចង់អោយមានលក់ឆ័ត្រ Natto ស្អិតនេះ ដើម្បីអោយពួកគេអាច​រក​ទិញ។

ឥឡូវមិនដឹងថាលោកបងចោរគិតម៉េចទេ?

Sacchan