ជប៉ុនអនុញ្ញាតអោយញញឹម​ពេល​ថត​រូប​ប័ណ្ណ​បើក​បរ​នៅតំបន់មួយចំនួន

នៅប្រទេសជប៉ុនទទួលបានប័ណ្ណបើកបរមិនមែនជារឿងងាយស្រួលនោះទេ នៅពេលដែលអ្នកជម្នះរាល់ឧបសគ្គទាំង​អស់ ហេតុ​អ្វី​បាន​ជាអ្នកមិនអាចញញឹមក្នុងរូបថតប័ណ្ណបើកបរដែលពិបាកណាស់ទើបទទួលបាន?

ការ​ចេញ​ប័ណ្ណ​បើកបរ​ស្ថិត​ក្រោម​សមត្ថកិច្ច​របស់​នាយកដ្ឋានប៉ូលីស។ កាល​រដូវ​ស្លឹក​ឈើ​ជ្រុះ​ឆ្នាំមុន អគ្គស្នងការប៉ូលិស​ជាតិ​បានស្នើឱ្យនាយកដ្ឋានមូលដ្ឋានពិនិត្យមើលបទប្បញ្ញត្តិរូបថតប័ណ្ណបើកបរ និង​បន្ធូរបន្ថយ​ការ​រឹតបន្តឹង​ដែល​​មិន​ចាំបាច់។ Osaka ត្រូវគេចាត់ទុកជាមជ្ឈមណ្ឌលរឿងកំប្លែងជប៉ុន បានសម្រេចចិត្តលុបចោលបម្រាម​ហាម​មិន​​ឱ្យ​សើច​ក្នុង​រូប​ថត ចំណែកទីក្រុងតូក្យូក៏ឈានដល់ការសម្រេចចិត្តដូចគ្នាភ្លាមៗនោះ។

តាមពិតទៅបម្រាមហាមមិនឱ្យ​សើច​ត្រូវបានដាក់ចេញ ដើម្បីឱ្យរូបថតនៅលើប័ណ្ណបង្ហាញពីទម្រង់មុខធម្មជាតិរបស់ម្ចាស់ មិនខូចទ្រង់ទ្រាយ។ ដូច្នេះ ទោះបីជាអ្នកបើកបរនៅទីក្រុងតូក្យូ និងអូសាកាឥឡូវនេះអាចញញឹមមុខ​កាមេរ៉ា ប៉ុន្តែពួកគេមិនគួរញញឹមស្រស់ពេកទេ។ មាត់អាចញញឹម តែបបូរមាត់ត្រូវបិទជិត ភ្នែកវិញត្រូវ​បើក​ធំ។

នៅទីក្រុងតូក្យូក៏អនុញ្ញាតឱ្យប្រើ Contact Lens ពណ៌នៅពេលថតរូបប័ណ្ណបើកបរ ដោយមានលក្ខខណ្ឌពណ៌ទាំងនោះ “ស្រដៀងទៅនឹងពណ៌ភ្នែកធម្មជាតិ” ។ តំបន់មួយចំនួនផ្សេងទៀតអនុញ្ញាតឱ្យប្រើ background ពណ៌ក្នុងរូបថត ឧទាហរណ៍ពណ៌ស្រស់ដូចជាពណ៌ផ្កាឈូកឬលឿង អោយតែបុគ្គលក្នុងនៅតែលេចធ្លោ ចំណែកពណ៌មិនច្របូក​ច្របល់​ចូល​គ្នា។

បទប្បញ្ញត្តិជាក់ស្តែងខុសគ្នាពីកន្លែងមួយទៅកន្លែងមួយ ដូច្នេះពេលអ្នកទទួលបានប័ណ្ណបើកបរនៅកន្លែងណា​មួយ សូម​​ពិនិត្យ​​ឱ្យ​​បាន​​ច្បាស់​បទ​ប្បញ្ញត្តិ​ប័ណ្ណ​​បើក​បរ​ ប្រសិនបើអ្នកចង់ឱ្យរូបថតប័ណ្ណស្រស់តាមបំណងរបស់ខ្លួន។

Sacchan

មើលបន្ថែម: