ច្បាប់​ថ្មី​អនុញ្ញាត​ឱ្យ​តារា​សម្តែងរឿងសិចអាច​បញ្ចប់​​កិច្ច​សន្យា​​ដោយ​​គ្មាន​លក្ខខណ្ឌ​ក្នុង​រយៈពេល ១ ឆ្នាំបន្ទាប់​ពី​ភាពយន្តចេញផ្សាយ

ជួបបញ្ហាផ្នែកហិរញ្ញវត្ថុបានបង្ខំអោយស្ត្រីម្នាក់សម្តែងខ្សែភាពយន្តអាសអាភាសជាង ១០ រឿងទាំងនាងមានអាយុ ៤០ ឆ្នាំ។ នាងក៏​បាន​បង្ហាញ​ពី​បំណង​ចង់​យក​ឈ្នះ​របួសផ្លូវចិត្ត បន្ទាប់ពីក្លាយជាជនរងគ្រោះផ្លូវភេទច្រើន​ដង។

ស្ត្រី​រូប​នេះ​ទទួល​បាន​ប្រាក់ ១ លាន​យ៉េន​ក្នុង​មួយ​រឿង ហើយ​ធ្លាប់​មាន​អារម្មណ៍ខ្លួនដូចជាតារាសម្តែង។ ទោះ​ជា​យ៉ាង​​​ណា ប្រាក់​មិន​ផ្តល់នូវអ្វីដែលនាងចង់បានឡើយ។

សេចក្តីព្រាងច្បាប់ជួយដល់អ្នកថតរឿងអាសអាភាស និងភាពយន្ត “កម្សាន្តសម្រាប់មនុស្សពេញវ័យ” ផ្សេងទៀតក្នុង​ការ​បញ្ចប់កិច្ចសន្យា ការពារភាពឯកជន និងសុខភាពរបស់ពួកគេ ត្រូវបានអនុម័ត​សេចក្តី​សម្រេច​កាលពី​ថ្ងៃ​ទី ១៥ ខែ​មិថុនា ដោយមានការយល់ព្រមក្នុងសម័យប្រជុំពេញអង្គរបស់ព្រឹទ្ធ​សភា។

បើតាមច្បាប់ថ្មី អាចបញ្ចប់កិច្ចសន្យាដោយគ្មានលក្ខខណ្ឌក្នុងរយៈពេលមួយឆ្នាំគិតចាប់ពីថ្ងៃចេញផ្សាយខ្សែភាព​យន្ត ដោយមិនគិតពីអាយុ និងភេទ។

តារា​សម្ដែង​ក៏​អាច​ស្នើ​ឱ្យ​បញ្ឈប់​ការ​លក់ និង​ការ​ចែកចាយ​ភាពយន្ត។

ទោះជាយ៉ាងណា បុគ្គលដែលធ្លាប់សម្តែងខ្សែភាពយន្តមនុស្សពេញវ័យជាង ១០ រឿងនៅដើមអត្តបទបាននិយាយ​ថា​ច្បាប់​ថ្មី “ខ្វះព័ត៌មានលម្អិត និងមិនជាក់លាក់” 

នាងបាននិយាយថា “បណ្តាញសុវត្ថិភាព” របស់រដ្ឋាភិបាល និងមូលដ្ឋានមិនអាចចូលទៅជិតបុគ្គលដែលត្រូវស្ថាន​ភាព​បង្ខំ​អោយសម្តែងរឿងមនុស្សធំ និងអាជីវកម្មទាក់ទងនឹងផ្លូវភេទផ្សេងទៀត ក៏ដូចជាការជួញដូរផ្លូវភេទ។

ជាការពិតណាស់ មានច្រើនករណីតួសម្តែងមិនស្ម័គ្រចិត្តតែត្រូវបង្ខំឱ្យចុះហត្ថលេខា។ មនុស្សជាច្រើនមិនត្រូវបង្ខំ ប៉ុន្តែ​ដោយសារស្ថានភាព (ភាគច្រើនដោយសារហិរញ្ញវត្ថុ) ត្រូវបង្ខំអោយសម្តែងរឿងមនុស្សធំ។ នាង​បាន​និយាយ​ថា នាង​​មិន​ដែលមើល​រឿង​ដែល​ខ្លួនសម្តែងនោះទេ ហើយក៏មិនដែលប្រាប់ប្តីអំពីអាថ៌កំបាំងកាលពីអតីតកាលដែរ។

ជីវិតឯកជនរបស់អ្នកទាំងនេះអាចរងផលប៉ះពាល់អវិជ្ជមានបន្ទាប់ពីខ្សែភាពយន្តចេញលក់នៅលើទីផ្សារ ហើយមនុស្សនៅជុំវិញដែលដឹងរឿងនេះ។

ដូច្នេះហើយ ច្បាប់ថ្មីអនុញ្ញាតឱ្យលុបចោលកិច្ចសន្យាដោយគ្មានលក្ខខណ្ឌក្នុងរយៈពេលមួយឆ្នាំ បន្ទាប់ពីខ្សែភាព​យន្ត​ចេញ​ផ្សាយ ទោះបីជាកិច្ចសន្យាមិនមានបញ្ហាក៏ដោយ។

ក្នុងរយៈពេល ២ ឆ្នាំបន្ទាប់ពីច្បាប់ចូលជាធរមាន អ្នក​ដែល​ទទួល​រង​ផល​ប៉ះពាល់មានសិទ្ធិធ្វើបែបនេះក្នុងរយៈពេល ២ ឆ្នាំ​គិត​ចាប់​ពីថ្ងៃដែលខ្សែភាពយន្តចេញផ្សាយ។

អ្នកដែលទទួលខុសត្រូវក្នុងការផលិត និងចែកចាយវីដេអូបែបនេះត្រូវរៀបចំកិច្ចសន្យា បញ្ជាក់សកម្មភាពផ្លូវ​ភេទ​ដែលត្រូវថត ដោយលើកឡើងថាបុគ្គលអាចនឹងត្រូវគេស្គាល់ពេលបង្ហាញខ្លួនក្នុងវីដេអូ។ បន្ទាប់មក ពួកគេត្រូវ​បញ្ជូន​វីដេអូ​ទៅ​ឱ្យតួអង្គដែលចូលរួម។

ធ្លាប់មានការជជែកវែកញែកចំពោះគុណសម្បត្តិ និងគុណវិបត្តិនៃសកម្មភាពផ្លូវភេទដើម្បីរកប្រាក់ ដោយចាប់ផ្តើមពិភាក្សាលើសេចក្តីព្រាងច្បាប់។ ព្រឹទ្ធ​សភា​​សម្រេច​​ថា បញ្ហា​នេះ​នឹង​ត្រូវ​លើក​យក​មក​ពិភាក្សា​ក្នុង​រយៈពេល​ពីរ​ឆ្នាំ​ខាង​មុខ។

ច្បាប់​ថ្មី​នេះ​មាន​សេចក្តី​សម្រេច​បន្ថែម​ចំនួន​ពីរ​ដែល​ត្រូវ​បាន​អនុម័ត​ដោយ​ព្រឹទ្ធសភា និងសភា​តំណាង។

ដំណោះស្រាយចង្អុលបង្ហាញពីតម្រូវការបង្កើតបរិយាកាស ជាកន្លែងដែលអ្នករងផលប៉ះពាល់អវិជ្ជមានពេលសម្តែង​តួឯក​ក្នុង​ខ្សែ​ភាព​យន្តបែបនេះអាចទទួលបានការណែនាំសមរម្យ។

ច្បាប់ថ្មីនេះក៏បញ្ជាក់ផងដែរថា រដ្ឋាភិបាលកណ្តាល និងមូលដ្ឋាននឹងផ្តល់ជំនួយចាំបាច់ ដើម្បីដោះស្រាយបញ្ហាឫស​គល់ ដូច​ជាភាពក្រីក្រ និងអំពើហិង្សាផ្លូវភេទ ដែលជាមូលហេតុ​បង្ខំ​បុគ្គល​មួយ​ចំនួនធ្លាក់​ក្នុង​ស្ថានភាព​គ្មានជម្រើស​ផ្សេង​ក្រៅ​​ពី​​ចូល​រួម​​សម្តែងរឿង។

ទោះ​ជាយ៉ាង​ណា នៅតែមិនទាន់ច្បាស់ថាច្បាប់​ថ្មី​អាច​ដោះស្រាយ​បញ្ហា​បាន​ដល់​កម្រិត​ណា​នោះ​ទេ។

Sacchan

មើលបន្ថែម: