ជនសង្ស័យប្រុសស្រីជនជាតិជប៉ុនត្រូវចាប់ខ្លួនពីបទរៀបចំពិធីជប់លៀងផ្លូវភេទជាក្រុមដែលមានអ្នកចូលរួម ១២០ នាក់

បុរសម្នាក់ និងស្រ្តីម្នាក់ត្រូវចាប់​ខ្លួន​កាលពី​ថ្ងៃ​ទី ១២ ខែ​មិថុនាពីបទ​រៀបចំ​ពិធី​ជប់លៀងផ្លូវភេទដែលមាន​អ្នក​ចូល​រួម​ចំនួន ១២០ នាក់ក្នុងប្រទេសជប៉ុន។

ប៉ូលីសខេត្ត Shizuoka បានចាប់ខ្លួន Teruaki Tabuchi អាយុ ៥៤ ឆ្នាំ ដែលអះអាងថាជាមន្ត្រីកងកម្លាំងស្វ័យការ​ពារ​មក​ពី Narashino ខេត្ត Chiba និង Saeko Kato អាយុ ៥១ ឆ្នាំ ជាគិលានុបដ្ឋាយិកាមកពីទីក្រុង Funabashi ក្នុង​​ខេត្ត Chiba ដែរ។ ជនសង្ស័យ​ទាំង ២ នាក់ត្រូវគេសង្ស័យ​ថាជាអ្នក​រៀបចំ​ពិធី​ជប់លៀង​ផ្លូវ​ភេទ ហើយ​ក៏​បាន​​ទទួល​ស្គាល់​ការ​​ចោទ​ប្រកាន់​ផងដែរ ។

អ្នកទាំងពីរបានរៀបចំពិធីជប់លៀងផ្លូវភេទដែលមានអ្នកចូលរួមប្រមាណ ១២០ នាក់នៅកន្លែងផ្ទះជួលក្នុងទី​ក្រុង Kosai ខេត្ត Shizuoka ទល់​មុខ​បឹង Hamana ចាប់ពីថ្ងៃទី ១១ ដល់ថ្ងៃទី ១២ ខែមិថុនា។ បើតាមប៉ូលិសពួក​គេ​ជ្រើសរើសអ្នកចូលរួមតាមរយៈបណ្តាញសង្គម និងមធ្យោបាយផ្សេងទៀត។ បុគ្គលម្នាក់ៗបង់ថ្លៃចូលរួមប្រហែល ១ ម៉ឺនយ៉េន។

ជាងនេះទៅទៀត ប៉ូលិសក៏បានចាប់ខ្លួនបុគ្គលពីរនាក់នៅកន្លែងកើតហេតុ ដោយសង្ស័យថាមានអាកប្បកិរិយាមិនសមរម្យនៅទីសាធារណៈ ជាក់​ស្តែង​ចោទ​ប្រកាន់​ថាឱប​គ្នាអាក្រាត​កាយនៅកន្លែងកំសាន្តវេលា​ម៉ោង​ ៣ៈ៤០ នាទី​ទៀប​ភ្លឺ​ថ្ងៃ​ទី ​១២ មិថុនា ។ អ្នកទាំងពីររួមមានបុរសអាយុ ៥២ ឆ្នាំម្នាក់ជានាយកក្រុមហ៊ុន និងស្ត្រីអាយុ ៣៤ ឆ្នាំជាសិស្សសាលាបង្រៀនអាជីព ដែលជាអ្នកចូលរួមពិធី​ជប់លៀងផ្លូវភេទ​ខាង​លើ។

ប៉ូលិស​បានស៊ើបអង្កេតករណីនេះ បន្ទាប់​ពី​ទទួល​បាន​ព័ត៌មាន​អនាមិក​ដែលរាយការណ៍ជូន​អគ្គស្នងការ​នគរបាល​ជាតិ។

Sacchan

មើលបន្ថែម: