មកដល់ហើយ Maid Dentist គ្លីនិកធ្មេញមានអ្នក​ជំនាញ​ស្លៀក​ឈុត​អ្នក​​បម្រើស្រី​បើកឆាប់ៗ​នេះ​នៅ Akihabara

នេះជាគ្លីនិកធ្មេញដែលនឹងធ្វើឱ្យក្តីស្រមៃរបស់ Otaku ក្លាយជាការពិត។

នៅតំបន់ Akiba (Akihabara) ជាឋានសួគ៌របស់ Otaku ជាពិសេសល្បីនឹងវប្បធម៌ Manga- Anime ជាកន្លែងដែលអ្នកអាចទទួលបានបទពិសោធហាង Maid Cafe ជាមួយនឹងនារីស្លៀកឈុតអ្នកបម្រើស្រីគួរឱ្យស្រឡាញ់។ មិនត្រឹម​តែ​មាន​ហាង​កាហ្វេ​ប៉ុណ្ណោះ​ទេ ទម្រង់នារីស្លៀកឈុតអ្នកបម្រើស្រីកំពុងបើកទូលាយ ហើយថ្មីៗនេះគឺគ្លីនិកធ្មេញអ្នក​បម្រើ​ស្រី។

ទៅជួបពេទ្យធ្មេញមិនមែនជារឿងសប្បាយអ្វីទេ ប៉ុន្តែ … ប្រសិនបើពេទ្យធ្មេញស្រស់ស្អាតស្លៀកឈុតអ្នកបម្រើស្រីពិនិត្យ​អោយ​អ្នក​យ៉ាង​ម៉េច​វិញ?

គ្លីនិកធ្មេញមិនធម្មតានេះមានឈ្មោះថា Akiba Shika ។ មិនដូចជាគ្លីនិកធ្មេញផ្សេងទៀតទេ គ្លីនិកនេះមានអ្នកជំនាញ​ផ្នែក​ធ្មេញ​ស្លៀកឈុតអ្នកបម្រើស្រី។ ហើយដើម្បីឱ្យអតិថិជនអាចទម្លាប់នឹងទម្រង់ដ៏ចម្លែកនេះ ព្រឹត្តិការណ៍ Preview ត្រូវបានធ្វើឡើងចាប់ពីថ្ងៃទី ១០ ដល់ ១២ ខែមិថុនាមុនពេលគ្លីនិកធ្មេញបើកជាផ្លូវការនៅខែកក្កដា។

មិនត្រឹមតែភ្ញាក់ផ្អើលនឹងសម្រស់របស់អ្នកបម្រើស្រីប៉ុណ្ណោះទេ សូម្បីតែគ្រឿងសង្ហារិមគ្លីនិកទាំងមូលក៏ទំនើប ស្អាត និង​អនាម័យ​ផង​ដែរ មិនដូច​ជា​អារម្មណ៍​​ភ័យខ្លាច​ពេលទៅជួបពេទ្យធ្មេញរាល់ដងទេ។

ប្រសិនបើអ្នកធ្លាប់ទៅ Maid Cafe តែមិនពេញចិត្ត ព្រោះមិនអាចជួបជាមួយនារី Maid ដូចដែលអ្នកស្រមៃ ការពិនិត្យ​ធ្មេញ​នៅ​គ្លីនិក​ធ្មេញ Maid នឹងនាំមកនូវបទពិសោធន៍ជាក់ស្តែង។

នេះជា Riko Konoe អ្នកជំនាញ Maid ម្នាក់នៅ​គ្លីនិក នាងជា Cosplayer និងជាអ្នកជំនាញដែលមានសមត្ថ​ភាព។ ទៅ​ជួប​អ្នក​ជំនាញ​ធ្មេញ​ស្រស់​ស្អាត និងមានទេពកោសល្យផ្តល់ទំនុកចិត្ត។ បន្ទាប់ពីធ្វើ​រួច មិន​ត្រឹមតែធ្មេញស្អាត សូម្បីតែអារម្មណ៍ក៏ស្រស់ស្រាយផងដែរ។

ឥឡូវ​យើងសាកសួរទៅកាន់លោក Joji Yukawa ប្រធាន​គ្លីនិក​ពី​មូលហេតុ​បង្កើត​កន្លែង​នេះ​។

“ខ្ញុំគិតថាមនុស្សជាច្រើនខ្លាចពេទ្យធ្មេញ ព្រោះពួកគេមានភាពភ័យខ្លាចពេលទៅពិនិត្យធ្មេញ។ ដំបូងគោល​បំណង​របស់​គ្លីនិក​ចង់លើកទឹកចិត្តមនុស្សបែបនេះឱ្យមកជួបពេទ្យធ្មេញ។ ហើយនៅពេលគិតធ្វើយ៉ាងណាទាក់​ទាញ​ពួកគេ ខ្ញុំគិតថាទំនាក់ទំនងល្អជាមួយបុគ្គលិកគ្លីនិកជាចំណុចវិជ្ជមាន។ ពិតជាល្អណាស់ដែលមានអ្នកជំនាញនៅ​ទី​នេះ មិនត្រឹមតែពិនិត្យធ្មេញរបស់ពួកគេប៉ុណ្ណោះទេ ថែមទាំងអាចជជែកគ្នា និងជួយអោយពួកគេស្ងប់ចិត្ត” ។

ទោះជាយ៉ាងណា ប្រសិនបើបញ្ចូល Maid និងអ្នកជំនាញមាត់ធ្មេញ ច្បាស់ណាស់នឹងធ្វើឱ្យមនុស្សជាច្រើនដែលខ្លាចពេទ្យ​ធ្មេញ ព្រួយបារម្ភចំពោះសុវត្ថិភាពគ្លីនិក។ ដូច្នេះ Yukawa ពន្យល់បន្ថែមថា៖

“ជារឿងធម្មតាទេដែលមនុស្សជាច្រើនគិតបែបនេះ (ចំណាប់អារម្មណ៍ចំពោះ Maid មិនមានពាក់ព័ន្ធនឹងពេទ្យធ្មេញ និងការសង្ស័យចំពោះគុណភាព) ដូច្នេះនៅទីនេះ ខ្ញុំយកចិត្តទុកដាក់លើការប្រើប្រាស់ឧបករណ៍វេជ្ជសាស្ត្រកម្រិត​ខ្ពស់ នោះ​​ជា​​អ្វី​ដែល​ខ្ញុំ​ប្រុង​ប្រយ័ត្ន​បំផុត” ។

វេជ្ជបណ្ឌិត Yukawa បញ្ចប់ការសិក្សានៅសាកលវិទ្យាល័យពេទ្យធ្មេញ Matsumoto, Nagano ផ្តល់សេវាព្យាបាលជំងឺ​ពុក​ធ្មេញ និង​ជំងឺ​អញ្ចាញ​ធ្មេញ ក៏ដូចជាសេវាកម្មដាំបង្គោលធ្មេញ សម្អាត និងធ្វើឱ្យធ្មេញស។

គ្លីនិកបើកដំណើរពីម៉ោង ២ រសៀល ដល់ ១១ យប់។

ជាការពិតណាស់នេះមិនមែនជាម៉ោងធ្វើការធម្មតារបស់គ្លីនិកធ្មេញទេ។ ដើម្បី​ឆ្លើយ​នឹង​សំណួរ​នេះ លោក​វេជ្ជបណ្ឌិត Yukawa មាន​ប្រសាសន៍​ថា៖

“ព្រោះគោលដៅគ្លីនិកមិនមែនជាកុមារទេ ប៉ុន្តែជាអ្នករស់នៅ Akihabara” ។

ប្រជាជនដែលរស់នៅតំបន់ Akihabara ភាគច្រើនជាបុគ្គលិកការិយាល័យ ជាបុគ្គលដែលជាទូទៅមិនអាចចេញពីកន្លែងធ្វើការចាប់ពីម៉ោង ៩ យប់ ជាពេលដែលពិបាករកពេទ្យធ្មេញ។ ដូច្នេះហើយពេទ្យធ្មេញ Akiba ប្រាកដជាសម្រេចចិត្តច្បាស់មុនពេលកំណត់ម៉ោងនេះ។

ព័ត៌មាន៖

 Akiba Dental Clinic / アキバ歯科

អាស័យដ្ឋាន៖ Tokyo-to, Chiyoda-ku, Sotokanda 4-4-3, អគារ Ogiso 2F

 東京都千代田区外神田4-4-3 小木曾ビル2F

ម៉ោងធ្វើការ៖ 2:00PM-11:00PM

បិទទ្វារនៅថ្ងៃអង្គារ និងថ្ងៃពុធ

Website

Sacchan