សាលាជប៉ុនទទួលយក “ឈុតហែលទឹកមិនបែងចែកភេទ” សម្រាប់សិស្សប្រុស និងសិស្សស្រី
ការផ្លាស់ប្តូរការរចនាឈុតហែលទឹកនៅសាលាវិទ្យាល័យជប៉ុន។
ក្រុមហ៊ុនផលិតនៅ Sumida ទីក្រុងតូក្យូ បានបង្កើត និងចាប់ផ្តើមលក់ “ឈុតហែលទឹកមិនបែងចែកភេទ” ជាមួយនឹងការរចនាដូចគ្នា ដែលអាចប្រើបានទាំងសិស្សប្រុស និងសិស្សស្រី។
ឈុតហែលទឹកត្រូវបានរចនាឡើងជួយកាត់បន្ថយបញ្ហាមិនបញ្ចេញសាច់ ហើយបានក្លាយជាប្រធានបទល្បីលើប្រព័ន្ធផ្សព្វផ្សាយសង្គម។ មតិវិជ្ជមានជាច្រើននិយាយថាពួកគេពិតជាចង់ប្រើឈុតហែលទឹកនេះ។
ឈុតហែលទឹកមិនបែងចែកភេទនេះគឺជាឈុតហែលទឹកមានពីរផ្នែក ផ្នែកខាងលើជាអាវដៃវែងមានខ្សែរ៉ូត ចំណែកផ្នែកខាងក្រោមជាខោខ្លី។
ក្រៅពីកាត់បន្ថយមិនបញ្ចេញសាច់ ចំណុចផ្សេងទៀតស្ថិតលើការកែប្រែដូចជាដើមទ្រូង និងគូទត្រូវបានដេរពង្រីកធំដើម្បីអោយមានភាពងាយស្រួល។
ខណៈពេលដែលក្រុមហ៊ុនផលិតកំពុងអភិវឌ្ឍសម្លៀកបំពាក់ហែលទឹក ភាគីខាងសាលាក៏កំពុងណែនាំយ៉ាងសកម្ម “ឯកសណ្ឋានមិនបែងចែកយេនឌ័រ” និងជម្រុញចលនាគាំទ្រដល់សិស្សជនជាតិភាគតិច។ ឈុតហែលទឹកប្រភេទនេះសាកសមបំផុតសម្រាប់សិស្សជនជាតិភាគតិច ក៏ដូចជាកាត់បន្ថយអារម្មណ៍ខ្មាស់អៀនពេលប្អូនៗស្លៀកឈុតហែលទឹកដែលបញ្ចេញសាច់ដូចពីមុន។
“ឈុតហែលទឹកមិនបែងចែកភេទ” នេះត្រូវបានដាក់បង្ហាញនៅសាលាចំនួនបីក្នុងទីក្រុងតូក្យូ និងសង្កាត់ Hyogo ក្នុងឆ្នាំនេះ ហើយនឹងដាក់លក់ជាសាធារណៈនៅឆ្នាំក្រោយ។
នៅពេលដែលឈុតហែលទឹកត្រូវបានប្រកាសនៅលើបណ្ដាញសង្គមទទួលបានមតិវិជ្ជមានជាច្រើនដូចជា៖
- ខ្ញុំមិនចូលចិត្តឈុតហែលទឹកដែលបញ្ចេញសាច់ពេកទេ ដូច្នេះខ្ញុំពិតជាគាំទ្រឈុតហែលទឹកប្រភេទនេះសម្រាប់សិស្ស។
- ខ្ញុំគិតថាមានមនុស្សជាច្រើនមិនចូលចិត្តសិស្សប្រុសស្លៀកតែខោខ្លី និងមិនពាក់អាវ។
…
ការរចនាឈុតហែលទឹករបស់សាលាផ្លាស់ប្តូរទៅតាមពេលវេលា ប៉ុន្តែឆ្ពោះទៅរកគំនិតរួមមិនបញ្ចេញសាច់។ ឧទាហរណ៍៖
នៅឆ្នាំ ១៩៧០ កុមារា កុមារីស្លៀកឈុតដែលទឹកបញ្ចេញភ្លៅ។
តាំងពីឆ្នាំ ២០០០ កុមារាស្លៀកខោខ្លី ចំណែកកុមារីស្លៀកឈុត all-in-one (បិទបាំងភ្លៅ) ។
ថ្មីៗនេះ សិស្សកាន់តែច្រើនជ្រើសរើសស្លៀកឈុតហែលទឹកអាវដៃវែងដើម្បីការពារកម្តៅថ្ងៃ និងការពារកាំរស្មីយូវី។
ម្យ៉ាងវិញទៀត ប៉ុន្មានឆ្នាំថ្មីៗនេះ សាលារៀនកាន់តែច្រើនមិនកំណត់ពណ៌សម្លៀកបំពាក់ហែលទឹក (កាលពីមុនពណ៌ដែលត្រូវបានកំណត់គឺទឹកប៊ិចក្រម៉ៅ) ដូច្នេះប្អូនៗអាចជ្រើសរើសដោយសេរី។
Reiko Sano ខាងផ្នែកអប់រំរបស់សាលានៃក្រុមហ៊ុនផលិតឧបករណ៍ហែលទឹក “Footmark” បាននិយាយថា “ខ្ញុំពិតជារីករាយណាស់ដែលទទួលបានមតិកែលម្អជាច្រើន។ ខ្ញុំសង្ឃឹមថា ឈុតហែលទឹកមិនបែងចែកភេទនេះនឹងក្លាយជាជម្រើសឈុតហែលទឹករបស់សាលារៀន ដើម្បីអោយអ្នករាល់គ្នាអាចរៀនហែលទឹកដោយសេរី មិនចាំបាច់បារម្ភពីក្រសែភ្នែករបស់អ្នកដទៃ” ។
Sacchan
-
សិស្សស្រីចោទសួរបទបញ្ជាផ្ទៃក្នុងសាលា “ហេតុអ្វីបានជាហាមនារីចងសក់កន្ទុយសេះ?” -
សិស្សស្រីវិទ្យាល័យជប៉ុនម្នាក់ត្រូវផាកពិន័យឱ្យរៀនដាច់ដោយឡែក ៣ ថ្ងៃព្រោះតែកោរចិញ្ចើម -
Yokai Tempura យកទម្រង់តាមរឿងព្រេងនិទានជប៉ុន -
សាលាបឋមសិក្សាជប៉ុនប្រើគំនូររបស់សិស្សធ្វើ Sticker ប្រឆាំងនឹងបញ្ហាសម្លុតធ្វើបាប -
កុំគិតជ្រុលអោយសោះ “អត្តន័យសិល្បៈកៅអីដ៏ចម្លែក” របស់ជប៉ុន -
រូបគំនូរគួរអោយខ្លាចមួយចំនួនរបស់វិចិត្រករ Avogado6
-
សួនផ្កា Tulip រាប់ពាន់ដើមត្រូវបំផ្លាញចោលដោយសារការពារមនុស្សប្រមូលផ្តុំគ្នា -
នារីបម្រើជនជាតិជប៉ុនម្នាក់ត្រូវបណ្តេញចេញពីការងារដោយសារលាយឈាមរបស់ខ្លួនក្នុងស្រាក្រឡុក -
រកឃើញហើយហាង Ramen ផ្តល់បរិយាកាសឯកជន តម្លៃសមរម្យ អាហារឆ្ងាញ់ -
ក្រុមហ៊ុនផ្លូវដែកជប៉ុនខាងកើតរចនាត្រាចំនួន ៧៨ ត្រាឡើងវិញសម្រាប់ស្ថានីយ៍កណ្តាលទីក្រុងតូក្យូ -
ដំបូន្មានល្អៗជួយឲ្យប្តីប្រពន្ធរស់នៅចុះសម្រុងគ្នាពីតារាល្បីជនជាតិជប៉ុន -
គម្រោងបិតទឹកសុីអុីវក្នុងផ្លូវរូងក្រោមដី Shinetsu Line ប្រទេសជប៉ុន