កំពូលនាវាចម្បាំង និងមូលហេតុចម្បងដែលបណ្តាលឱ្យជប៉ុន​​បរាជ័យ​​លើ​​សមរភូមិ​​ជើង​ទឹក

សង្គ្រាមលោកលើកទី ២ អូសទាញប្រទេសជាច្រើន ដែលក្នុងនោះសមរភូមិចម្បងនៃប្រទេសកោះដូចជាជប៉ុនស្ថិតនៅ​លើ​សមុទ្រ។

បច្ចេកវិទ្យាធ្វើកប៉ាល់របស់ជប៉ុនបានអភិវឌ្ឍយ៉ាងឆាប់រហ័សនៅចុងសម័យសាមូរ៉ៃ។ បុគ្គលដែលនៅពីក្រោយការអភិវឌ្ឍន៍​ដ៏អស្ចារ្យ​នេះត្រូវគេហៅថា “កំពូលនាវាចម្បាំង” ។

ទោះជាយ៉ាងណា គំនិតរបស់បុគ្គលម្នាក់នេះត្រូវគេចាត់ទុកជាមូលហេតុ​បណ្តាលអោយជប៉ុនបរាជ័យ។

តើអ្នកចង់ដឹងអំពីភាពបរាជ័យរបស់គាត់ដែរទេ?

ដើមឡើយ អ្នកស្រាវជ្រាវប្រវត្តិសាស្ត្រយល់ថា ជប៉ុនមិនមានលក្ខណៈសម្បត្តិគ្រប់គ្រាន់ប្រកួតប្រជែងជាមួយសហរដ្ឋ​អាមេរិក​ទេ។ បើនិយាយពី GNP ជប៉ុនមានប្រហែល ៩% ធៀបនឹងសហរដ្ឋអាមេរិកប៉ុណ្ណោះ។ សហរដ្ឋ​អាមេរិកជា​ប្រទេស​ខ្លាំង​ស្ទើរគ្រប់វិស័យ ប៉ុន្តែហេតុ​អ្វីបានជាប្រទេសនេះដឹងថាជប៉ុនមានការគំរាម​កំហែងចំពោះខ្លួន?

ដោយសារបច្ចេកវិទ្យាធ្វើកប៉ាល់​របស់​ជប៉ុន​ជាបច្ចេកវិទ្យាដែលល្អបំផុតសម័យនោះ។

លើសពីនេះ មានមតិខ្លះនិយាយថា ជប៉ុនបរាជ័យ​ព្រោះ​តែផ្តោត​លើ​ការ​ផលិតនាវាចម្បាំង​យក្ស ហើយមើលងាយ​យន្តហោះ​ចម្បាំង ប៉ុន្តែតាមពិតមិនមែននោះទេ។

នាវាផ្ទុកយន្តហោះក្នុងរូបភាពខាងក្រោមគេហៅថា Houshou ដែលត្រូវបានផលិតឡើងក្នុងគោលបំណងធ្វើជានាវាផ្ទុកយន្តហោះដំបូងគេនៅលើ​ពិភព​លោក។

នាវានេះបង្ហាញយ៉ាងច្បាស់ថា ជនជាតិជប៉ុនដឹងអំពីអត្ថប្រយោជន៍របស់​យន្តហោះ​ចម្បាំង។

លើសពីនេះទៅទៀត ការប្រកួតផលិតនាវាចម្បាំងរបស់ជប៉ុនជាមួយសហរដ្ឋអាមេរិក អង់គ្លេស បារាំងដែលជាអ្នកឈ្នះក្នុងសង្គ្រាមលោកលើកទី ១ កំពុងខ្លាំងឡើង។ នៅឆ្នាំ ១៩២២ ភាពជាម្ចាស់នាវាចម្បាំងត្រូវបានដាក់កម្រិតចំពោះប្រទេសនីមួយៗ។

ជប៉ុនអាចកាន់កាប់ប្រហែល ៦០% បើប្រៀបនឹងសហរដ្ឋអាមេរិក ឬចក្រភពអង់គ្លេស។

ប្រសិនបើមិនមាននាវាចម្បាំងច្រើន ជនជាតិជប៉ុនត្រូវត្រៀមនាវាល្បាតតូច និងមានល្បឿនលឿន ព្រម​ទាំង​នាវាចម្បាំង​តូច។

ប៉ុន្តែចំពោះកំពូលនាវាចម្បាំង ការកំណត់ទាំងនេះគ្មានន័យអ្វីឡើយ។

គាត់បានបង្កើតនាវាចម្បាំងប្រភេទតូចមានឈ្មោះថា Yubari ដែលត្រូវបានបញ្ចប់នៅឆ្នាំ ១៩២៣ ។

កប៉ាល់មានទម្ងន់ ៣១០០ តោននេះត្រូវបានរចនាឡើងយ៉ាងអស្ចារ្យ ដើម្បីបង្កើនសមត្ថភាពប្រយុទ្ធស្មើរនឹងនាវាចម្បាំងទម្ងន់ ៥៥០០ តោន។

ពិភពលោកភ្ញាក់ផ្អើលយ៉ាងខ្លាំងនៅពេលដែល Yubari ត្រូវបានប្រកាស ហើយ Mamoru Hiraga កំពូលនាវាចម្បាំង​​ដែល​ជា​អ្នក​រចនា Yubari ជាស្ថាបត្យករកងនាវាចរវរជនសកល។

បើទោះជាបទប្បញ្ញត្តិនាវាចម្បាំងចំពោះប្រទេសជប៉ុនមានភាពតឹងរ៉ឹងជាងនេះ ក៏ Hiraga និងកប៉ាល់តូចដែលមានមុខងារចល័តខ្ពស់ សក្ដានុពល​​យោធា​​ដែន​សមុទ្រ​របស់​ប្រទេស​នេះ​​មិនមានការរឹតត្បិតឡើយ។

ប៉ុន្តែ​មានចំណុចមួយក្នុង​ការ​រចនា​កំពូលនាវាចម្បាំងនេះ។ វាងាយនឹងត្រូវគ្រាប់បែកបាញ់វាយប្រហារ។

នៅពេលនាវាត្រូវគ្រាប់បែកវាយប្រហារ នឹងធ្លុះប្រហោង ទឹកចូល ហើយលិច។ ប៉ុន្តែនាវាធម្មតាត្រូវបានរចនាឡើង​អាច​ទប់ទល់នឹងបរិមាណទឹកចូលខ្លះ។

ឥឡូវ​នេះ សូមក្រឡេកមើលការរចនាខាងក្រោម។

ការរចនាខាងលើគេបង្អស់ជារបស់ Hiraga ចំណែកនៅកណ្តាលជារបស់ជនជាតិអាមេរិក និងខាងក្រោមគេជារបស់​ជន​ជាតិ​អង់គ្លេស។ ដូច្នេះ ចូរយើងក្រឡេកមើលភាពខុសគ្នា។

ការរចនារបស់ Hiraga ធ្វើជញ្ជាំងបាំងបណ្តោយពីក្បាលដល់ចុងនាវា។ នាវាកម្រិតស្រាលខូចទ្រង់ទ្រាយដោយសារកម្លាំង​រលក​កំឡុងពេលប្រតិបត្តិការ។ ព្រោះតែមូលហេតុ​នេះលោកបានបន្ថែមជញ្ញាំងបញ្ឈរដើម្បីកាត់បន្ថយទម្ងន់ ។ ទោះ​បី​ជា​សម​ហេតុផល ប៉ុន្តែជាគុណវិបត្តិធ្ងន់ធ្ងរសម្រាប់នាវាចម្បាំង។

គ្រាប់បែកតែងតែវាយប្រហារនាវាពីចំហៀង ប្រសិនបើបាញ់ត្រូវ និងធ្វើអោយធ្លុះប្រហោង ទឹកនឹងហូរចូលតាមនោះ។ ប៉ុន្តែដោយសារជញ្ជាំងបញ្ឈរ ទឹកចូលតែម្ខាង ដូច្នេះ​កប៉ាល់​បាត់បង់​លំនឹង។ ចំពោះកប៉ាល់​របស់​អង់គ្លេស និង​អាមេរិក ត្រូវគ្រាប់បែកវាយប្រហារមិនអាចដំណើរការទៀតទេ ប៉ុន្តែមិនលិច។ ប៉ុន្តែ​ចំពោះ​កប៉ាល់​ជប៉ុន កប៉ាល់​​ដែល​​បាត់​បង់​លំនឹង​នឹង​ក្រឡាប់ ហើយនៅទីបំផុតនឹងលិច។

នៅពេលផ្ទៀងផ្ទាត់ជាមួយបច្ចេកវិទ្យាសព្វថ្ងៃ គេបានរកឃើញថាមិនមានភាពខុសគ្នាខ្លាំងចំពោះកម្លាំងពេលជញ្ជាំង​បញ្ឈរ​ដំឡើង​នោះ​ទេ។

នេះជាចំណុចតែមួយគត់ដែល Hiraga កំពូលនាវាចម្បាំងធ្វើខុស។ ហើយ​ដោយ​សារ​តែ​បែប​នេះនាវាជប៉ុន​ត្រូវ​វាយពន្លិច​ម្តង​មួយ​ៗ។

ទាំងនេះក៏ត្រូវបានឆ្លុះបញ្ចាំងក្នុងតួលេខផងដែរ។ បើប្រៀបធៀបចំនួននាវាចម្បាំងតូចដែលគេហៅថានាវាពិឃាត​លំដាប់​ទីមួយ ត្រូវវាយពន្លិច ជប៉ុន​បាត់​បង់ ១២៨ គ្រឿង ខណៈអាមេរិកបាត់បង់តែ ៧១ គ្រឿងប៉ុណ្ណោះ។

នៅពេលដែលមិនមាននាវាចម្បាំងគ្រប់គ្រាន់ Yamato នាវាចម្បាំងធំបំផុតលើពិភពលោកបានបង្ហាញខ្លួន។

Yamato រួមបញ្ចូលទាំងនាវាចម្បាំងដែលមានស្រាប់ ដែលមានភារកិច្ចចម្បងវាយប្រហារភាគីពីខាងក្រៅបរិវេណដំណើរការនាវាចម្បាំងរបស់សត្រូវ ប៉ុន្តែដោយសារតែចំនួននាវានៅជុំវិញ និងការពារ Yamato មិនគ្រប់គ្រាន់ ដូច្នេះ​មិន​អាច​បញ្ចេញ​ថាម​ពល ហើយត្រូវវាយពន្លិច។

ជាការពិតណាស់ រឿងអតីតកាលមិនអាចត្រឡប់វិញបានទេ ប៉ុន្តែខ្ញុំគិតថា ប្រសិនបើកំពូលនាវាចម្បាំងមើលឃើញ​កំហុស​របស់​ខ្លួន ជប៉ុន​ប្រាកដ​ជា​មិនចាញ់ធ្ងន់ធ្ងរបែបនេះទេ។

Kengo Abe