រកឃើញសពនៅចំណតរថយន្ត សមត្ថកិច្ចសង្ស័យថាស្លាប់ជាង ២ ឆ្នាំមកហើយ

ថ្ងៃអង្គារ 14/06/2022 | 9:13 ព្រឹក

គ្រោងឆ្អឹងមួយផ្នែកដែលនៅសល់អាចមើលឃើញតាមរយៈបង្អួចខាងក្រោយរថយន្ត។

កាលពីយប់ថ្ងៃពុធ កម្លាំងប៉ូលិសទទួលបានការរាយការណ៍មានករណីលួចនៅមជ្ឈមណ្ឌលពាណិជ្ជកម្មខ្នាតតូចក្នុងសង្កាត់ Ubagawama ទីក្រុង Niigata ។ ពុំមានព័ត៌មានលទ្ធផលស្រាវជ្រាវរកជនសង្ស័យលួចនោះទេ ប៉ុន្តែប៉ូលិសបានរកឃើញរថយន្តដែលមានសាកសពនៅចំណតរថយន្តមជ្ឈមណ្ឌលពាណិជ្ជកម្ម។

សាកសពរបស់បុរសម្នាក់ដេកស្លាប់ខាងក្រោយកៅអីរថយន្ត Kei ។ សពមួយផ្នែកនៅសល់តែឆ្អឹង ដែលបង្ហាញថាមនុស្សម្នាក់នេះបានស្លាប់យូរមកហើយ។ ទោះបីជា Niigata មិនមានការអភិវឌ្ឍន៍ដូចទីក្រុងផ្សេងទៀតនៅប្រទេសជប៉ុន ប៉ុន្តែមជ្ឈមណ្ឌលពាណិជ្ជកម្មនេះមានទីតាំងនៅលើផ្លូវធំ និងមានចំនួនអតិថិជនថេរ។ ករណីមានសាកសព ហើយមិនត្រូវគេប្រទះឃើញក្នុងរយៈពេលយូរមិនធម្មតាឡើយ។

គ្មាននរណាម្នាក់ក្នុងចំណោមបុគ្គលមជ្ឈមណ្ឌលពាណិជ្ជកម្ម ឬបុគ្គលិកថែទាំចងចាំពេលរថយន្តមកដល់លើកដំបូងទេ ប៉ុន្តែក្រុមអ្នកស៊ើបអង្កេតប៉ាន់ស្មានរថយន្តនៅទីនោះប្រហែល ២ ឆ្នាំកន្លះ។

ប៉ូលិសបានកំណត់អត្តសញ្ញាណម្ចាស់រថយន្តជាអ្នករស់នៅ Niigata អាយុប្រហែល ៥០ ឆ្នាំ ដែលបានបាត់ខ្លួនកាលពីខែវិច្ឆិកា ឆ្នាំ ២០១៩ ។

ពេលឆែកឆេររថយន្ត ពួកគេរកឃើញកាបូបលុយមួយ និងរបស់របរផ្សេងទៀតដែលអាចជារបស់អ្នកបាត់ខ្លួនព្រមទាំងបង្កាន់ដៃចាក់សាំងមួយចំនួនផងដែរ។ បង្កាន់ដៃចុងក្រោយបំផុតនៅខែតុលា ឆ្នាំ ២០១៩ ។

ចំណុចនេះបង្ហាញថាឡានមិនបានផ្លាស់ទីចាប់តាំងពីពេលដែលបុរសនោះត្រូវគេរាយការណ៍ថាបាត់ខ្លួន ទោះបីជាមិនស្របនឹងពេលវេលាស្លាប់ក៏ដោយ។ ប៉ូលិសគិតថា បុរសម្នាក់នេះ រស់នៅខាងក្រៅមួយរយៈពេលយូរទើបស្លាប់។

ក្រៅពីនេះ បង្ហាញអោយឃើញថារថយន្តចតក្នុងបរិវេណរយៈពេលជាង ៣០ ខែ ដោយគ្មានអ្នកណារាយការណ៍ឡើយ។ បុរសនោះក៏បានស្លាប់រយៈពេលជាយូរមកហើយ ទើបសាកសពចាប់ផ្តើមរលួយ។ មូលហេតុស្លាប់មិនទាន់ត្រូវបានប្រកាសនៅឡើយទេ។

ថ្វីត្បិតតែចំណតរថយន្តក្នុងតំបន់ទីក្រុងមានច្រកទ្វារ អ្នកយាមទ្វារ និងកន្លែងគិតប្រាក់ ប៉ុន្តែចំពោះកន្លែងដែលនៅខាងក្រៅមជ្ឈមណ្ឌលទីក្រុង មានកន្លែងចតឡានឥតគិតថ្លៃច្រើនគ្មានច្រកទ្វារ និងអ្នកយាម។ នេះជាករណីមជ្ឈមណ្ឌលពាណិជ្ជកម្មខាងលើ។ ប្រហែលជាបុគ្គលិកគិតថារថយន្តជារបស់នរណាម្នាក់ប្រើចំណតដោយឥតគិតថ្លៃ ប៉ុន្តែមិនដឹងថាឡានមិនបានផ្លាស់ទីប៉ុន្មានឆ្នាំមកហើយ។

Sacchan