ទំព័រដើម
Japo- ថ្ងៃនេះ
ព្រៃឈើដែលបំផុសគំនិតដល់អ្នកដឹកនាំរឿង Hayao Miyazaki ធ្វើអោយ Totoro ទៅជាតំបន់អភិរក្សធម្មជាតិ

ព្រៃឈើដែលបំផុសគំនិតដល់អ្នកដឹកនាំរឿង Hayao Miyazaki ធ្វើអោយ Totoro ទៅជាតំបន់អភិរក្សធម្មជាតិ

ថ្ងៃចន្ទ 13/06/2022 | 17:08 ល្ងាច

គម្រោងនេះមានតម្លៃ ២,៦ ពាន់លានយ៉េនដើម្បីការពារដើមឈើប្រហែល ៧០០០ ដើម។

ធ្វើដំណើរឆ្លងកាត់តំបន់ជនបទជប៉ុន អ្នកប្រាកដជាមើលឃើញកន្លែងមួយចំនួនរំលឹកដល់ទេសភាពស្អាតក្នុងរឿងគំនូរជីវចល My Neighbor Totoro របស់ Studio Ghibli ។ ទេសភាពតំបន់ជនបទស្ងប់ស្ងាត់ជាការបំផុសគំនិតសម្រាប់ខ្សែភាពយន្ត ជាពិសេសព្រៃនៅទីក្រុង Tokorozawa ភាគខាងជើងទីក្រុងតូក្យូ ខេត្ត Saitama ។

អ្នកដឹកនាំរឿង Hayao Miyazaki ត្រូវបានបំផុសគំនិតដោយការដើរជុំវិញតំបន់ Kaminoyama ហើយទំនាក់ទំនងរបស់គាត់នឹងកន្លែងនេះនៅតែបន្តបន្ទាប់ពីចាក់បញ្ចាំងរឿង Totoro ក្នុងឆ្នាំ ១៩៨៨ ។ លោក Miyazaki រស់នៅក្នុងទីក្រុងនេះតាំងពីឆ្នាំ ១៩៧០ ដូច្នេះហើយគាត់ចាត់ទុកការអភិរក្សធម្មជាតិនៅទីនេះជាតួនាទីផ្ទាល់ខ្លួន។ ភាពរីករាយរបស់លោក Miyazaki ជម្រុញឱ្យអាជ្ញាធរមូលដ្ឋានធ្វើសកម្មភាពក្រោមទ្រង់ទ្រាយធំ។ នៅពេលដើរមើលជាមួយអភិបាលក្រុង Tokorozawa លោក Masato Fujimoto ក្នុងឆ្នាំ ២០១៨ លោក Miyazaki បានសង្កត់ធ្ងន់ថា “ទិដ្ឋភាពនេះបានផ្តល់កំណើតដល់ Totoro មានសារៈសំខាន់ណាស់សម្រាប់ខ្ញុំ ហើយក៏ជាហេតុផលដែលខ្ញុំជ្រើសរើសរស់នៅក្បែរនោះផងដែរ” ។

ពាក្យទាំងនេះបានបណ្តុះគំនិតបង្កើតជាគម្រោង Tokorozawa ដោយធ្វើអោយដីទំហំ ៣,៥ ហិកតានៅ Kaminoyama ក្លាយជាតំបន់បៃតងដែលត្រូវបានអភិរក្ស។ ម្ចាស់ដីបានយល់ព្រមលក់ដីរបស់ពួកគេទៅអោយអាជ្ញាធរក្នុងតម្លៃជិត ២,៦ ពាន់លានយ៉េន តំបន់ត្រូវការពារមានដើមឈើប្រមាណ ៧០០០ ដើម។

ក្រៅពីនេះមូលនិធិរបស់រដ្ឋាភិបាល ដែលជាយុទ្ធនាការប្រមូលថវិកាសហគមន៍ ដោយមានការគាំទ្រពី Studio Ghibli នឹងរៀបចំឡើងដើម្បីផ្គត់ផ្គង់ការចំណាយមួយផ្នែក។ Ghibli នឹងផ្តល់ background artwork ចំនួន ៥ ដោយ My Neighbor Totoro ជាមួយនឹងឈុតគំនូរទំហំ B4 (25,7 x 36,4 សង់ទីម៉ែត្រ) ជាថ្នូរនឹងការសន្យាចំនួន ២៥,០០០ យ៉េន។ ទាំងប្រជាជន Tokorozawa និងអ្នករស់នៅក្រៅទីក្រុងសុទ្ធតែអាចធ្វើប្រតិបត្តិការនេះ។