រឿងអាស្រូវបុគ្គលិកស្ថានីយទូរទស្សន៍លួងលោមស្រ្តីជនភៀសខ្លួនអ៊ុយក្រែនរួមភេទ

បច្ចុប្បន្នព័ត៌មាននេះមិន​ទាន់ត្រូវបានបញ្ជាក់ឡើយ មិន​មាន​ការ​បង្ហាញ​អត្តសញ្ញាណ​បុគ្គល​ដែល​ពាក់ព័ន្ធ​នោះ​ទេ ប៉ុន្តែ​​បើ​​ពិត រឿងនេះពិតជាអាក្រក់ណាស់។

បុគ្គលិករបស់ TBS ម្នាក់ដែលជាស្ថានីយ៍ទូរទស្សន៍ជប៉ុនចូលទៅជិតស្ត្រីជនភៀសខ្លួនអ៊ុយក្រែនដើម្បីសុំនាងឱ្យគេង​ជា​មួយ​ខ្លួន។ ចូរយើងហៅបុរសនោះថា O និង​ស្ត្រី​ដែល​ពាក់ព័ន្ធ A ។

ដោយសារតែមានបទពិសោធសម្ភាសន៍ ម្យ៉ាងស្រ្តី A យល់ថាតួនាទីរបស់ខ្លួនគឺបង្ហាញការលំបាកទៅកាន់អន្តរជាតិ ដូច្នេះបានទទួល​យកបទសម្ភាសន៍ពីស្ថានីយ៍ទូរទស្សន៍ជប៉ុនជាច្រើនដង។ លោក O ជាបុគ្គលម្នាក់ក្នុងចំណោម​អ្នក​ចូល​រួម​យក​ព័ត៌មាន។

លោក O ហៅ A ទៅកាន់បារមួយកន្លែងនៅ Shibuya ដោយមូលហេតុ​សម្ភាសន៍។ ព្រោះតែជឿទុកចិត្ត O ស្រ្តី A ក៏យល់ព្រម។ រាល់ដងតែងតែមានក្រុមអ្នកយកព័ត៌មាន ប៉ុន្តែលើកនេះមានតែ O ប៉ុណ្ណោះ។

ពួកគេចាប់ផ្តើមសន្ទនាទាក់ទងនឹងជីវិតប្រចាំថ្ងៃ និយាយបានពាក់កណ្តាល O ប្រើមុខងារបកប្រែសំឡេងនៅលើស្មាតហ្វូន ហើយនិយាយទៅកាន់ A ដូចតទៅ៖

តើនាងចង់រួមភេទជាមួយខ្ញុំទេ?

ខ្ញុំនឹងហៅបុរសម្នាក់ទៀតមក យើងទាំងបីនាក់ទៅ​សណ្ឋាគារ។

ពាក្យទាំងនេះដូចជាទទួចសុំអោយរួមភេទ។ ស្ត្រី A មានអារម្មណ៍មិនល្អ បន្ទាប់​មក​ភ័យ​ស្លន់ស្លោពេល​ឃើញ O ទាញ​ទូរស័ព្ទហៅទៅកាន់ម្នាក់ទៀត នាងរត់ចេញពីហាង។

រឿងនេះកំពុងត្រូវបានចែករំលែកនៅលើ Twitter ហើយស្រ្តី A បានទទួលសារសុំទោសពី O ។ ស្រ្តី A និយាយថា “ហេតុ​អ្វី​បាន​ជា​អ្នក​និយាយពាក្យទាំងនោះដាក់ខ្ញុំ? តាំងពីដើមគោលបំណងរបស់លោកគឺខ្លួនប្រាណរបស់ខ្ញុំឬ?” ប៉ុន្តែ​មិន​ទាន់​មាន​ការ​ឆ្លើយ​តប។

ស្រ្តី A ទៅកាន់ស្ថានទូត​អ៊ុយក្រែន​ដើម្បី​រាយការណ៍ស្ថានភាព។ ស្ថានទូតបានស្នើឱ្យ O និង TBS សុំទោស A ប៉ុន្តែ A ក្នុងនាមជាអ្នកកំពុងជម្លៀស មិនចង់ធ្វើអោយរឿងធំ។

“ខ្ញុំមិនចង់ទាក់ទងនឹង TBS ទៀតទេ”

ដោយសារ A បានច្រានចោលដំណោះស្រាយរបស់ស្ថានទូត ដូច្នេះពួកគេមិនអាចផ្តល់ជំនួយឡើយ។

តើអ្នកគិតថារឿងនេះពិតដែរទេ? ថ្វីត្បិតតែរឿងនេះកំពុងត្រូវបានចែករំលែក និងក្លាយជាប្រធានបទល្បីលើបណ្តាញ​អុីនធឺណេត ប៉ុន្តែ​មិន​មាន​ព័ត៌មានផ្លូវការណាមួយផ្សព្វផ្សាយឡើយ។

កម្មវិធីទូរទស្សន៍ដែលផ្សាយជាសាធារណៈគួរតែរក្សាភាពអព្យាក្រឹត និងបង្ហាញទស្សនៈសាធារណៈ។ ប៉ុន្តែប្រសិនបើពួកគេបដិសេធមិនលើកយកបញ្ហាកំពុងល្បីនេះ គ្រាន់តែអាចយល់ក្នុងន័យស្ថានីយ៍ទូរទស្សន៍កំពុងស្វែងរកវិធីការ​ពារ​ខ្លួន។

បុគ្គលម្នាក់ដូចជា O ជា​ការ​អាម៉ាស់​ចំពោះ​ប្រទេស​ជប៉ុន ប៉ុន្តែវិស័យទូរទស្សន៍ប្រទេសនេះក៏កំពុងបិទបាំង​មនុស្ស​អាក្រក់។

Kengo Abe