ចង់ឃើញភ្លៀងធ្លាក់ខ្លាំង តោះមកទទួលយកបទពិសោធភ្លៀងធ្លាក់ខ្លាំងដោយបច្ចេកវិទ្យា VR នៅសាកលវិទ្យាល័យ Yamaguchi

មុនពេលរដូវវស្សាមកដល់ សាកលវិទ្យាល័យ Yamaguchi ជាមួយដៃគូអភិវឌ្ឍ Video VR ដែលអនុញ្ញាតឱ្យអ្នកទទួលបាន​បទពិសោធកម្រិតទឹកភ្លៀង។

នេះ​ជា​ព្រឹត្តិការណ៍​សហការ​ជាមួយ​វិទ្យាស្ថាន​ជាតិ​ស្រាវជ្រាវ​វិទ្យាសាស្ត្រ​ផែនដី និង​ការពារ​គ្រោះមហន្តរាយ ដើម្បីកាត់បន្ថយការខូចខាតដែលបណ្តាល​មក​ពី​ភាព​យឺត​យ៉ាវ​ពេលទឹកជំនន់កើតឡើង។ Video VR ជួយអោយអ្នកដឹងអំពីអាំង​តង់​ស៊ី​តេ​ទឹក​ភ្លៀង។

ព្រឹត្តិការណ៍ទទួលយកបទពិសោធន៍វីដេអូ VR នេះត្រូវបានធ្វើឡើងក្នុងបរិវេណទីក្រុង Ube ហើយនិស្សិតបញ្ចប់ការសិក្សាចូលរួម។

ឯកសារដែលប្រើប្រាស់ក្នុង VR ត្រូវបានកត់ត្រាដោយ “មជ្ឈមណ្ឌលពិសោធភ្លៀងធ្លាក់ខ្លាំង” នៃវិទ្យាស្ថានស្រាវ​ជ្រាវ​ជាតិ​ស្តី​ពី​វិទ្យាសាស្ត្រ​ផែនដី និងការពារគ្រោះមហន្តរាយ។ កម្រិតទឹកភ្លៀងជាង ៦០ មីលីម៉ែត្រដល់ ៣០០ មីលីម៉ែត្រ​ក្នុង​មួយ​ម៉ោងត្រូវបានបង្ហាញដោយកាមេរ៉ា ៣៦០ ដឺក្រេតាមទស្សនៈ​របស់​មនុស្ស​កាន់​ឆ័ត្រម្នាក់។

តាមបទពិសោធន៍ រូបភាពត្រូវបានបញ្ចាំងនៅលើអេក្រង់ dome ហើយនៅពេលដែលកម្រិតទឹកភ្លៀងក្នុងមួយម៉ោង​ខ្ពស់​ជាង ១៨០ មីលីម៉ែត្រ។ អ្នកចូលរួមភ្លឹកនឹងសំឡេង​ភ្លៀង​ធ្លាក់​យ៉ាង​ខ្លាំង​ដែល​ពួក​គេ​មិន​ធ្លាប់ឃើញ។

និស្សិតដែលធ្លាប់ទទួលយកបទពិសោធន៍​និយាយ​ថា “មានអារម្មណ៍ជាក់ស្តែងជាជាងមើល​អេក្រង់​រាបស្មើ។ ខ្ញុំមានអារម្មណ៍ថា ពួកគេបង្ហាញបានយ៉ាងល្អ” ។

សាស្ត្រាចារ្យ Yoshihisa Akamatsu នៃសាកលវិទ្យាល័យ Yamaguchi អ្នកចូលរួមក្រុមអភិវឌ្ឍន៍បាននិយាយថា “ប្រសិន​បើប្រើ​វ៉ែនតា VR នោះ​អេក្រង់​នឹង​ស្រអាប់។ ម្យ៉ាងដោយសារជំងឺកូវីដ ១៩ ចាំបាច់ត្រូវសម្លាប់មេរោគលើកញ្ចក់ ប៉ុន្តែប្រសិនបើប្រើអេក្រង់មិនចាំបាច់ព្រួយបារម្ភបញ្ហាទាំងនេះឡើយ។ ខ្ញុំក៏ចង់ឆ្ពោះទៅការបញ្ចេញ VR នេះដោយ​ឥត​គិត​ថ្លៃ​ផង​ដែរ” ។

Sacchan