ពាក់កណ្តាលក្រុមហ៊ុននៅជប៉ុនតែងតែមាន “បុគ្គលិកម្នាក់មិនព្រមធ្វើការ”

ថ្ងៃពុធ 08/06/2022 | 12:14 ល្ងាច

គ្មានអ្វីអាចសម្រេចបានដោយខ្លួនឯងទេបើគ្មានអ្នកធ្វើ។

នៅពេលចូលរួមក្រុមមួយ គ្មាននរណាម្នាក់ចង់ក្លាយជាមនុស្សខ្សោយនោះទេ។ ផ្ទុយទៅវិញ បន្ទាប់ពីធ្វើការមួយរយៈពេលយូរ មនុស្សជាច្រើនមានអារម្មណ៍ធុញទ្រាន់ ហើយធ្វើការល្មមមិនត្រូវបណ្តេញចេញប៉ុណ្ណោះ ចំណុចនេះធ្វើឱ្យមនុស្សជាច្រើនដែលកំពុងខិតខំធ្វើការមានអារម្មណ៍មិនល្អ។

ដើម្បីស្វែងយល់បន្ថែមអំពីបាតុភូតនេះ ក្រុមហ៊ុនប្រឹក្សា Shikigaki បានធ្វើការស្ទង់មតិលើបុគ្គលិកជាង ៣០០ នាក់ដែលកំពុងធ្វើការនៅក្រុមហ៊ុន ជាមួយនឹងសំណួរថា “ក្នុងក្រុមហ៊ុនរបស់អ្នកមាន (បុគ្គលិកមិនព្រមធ្វើការ) ដែរទេ?”

ក្នុងករណីនេះគេប្រើពាក្យ “Ojisan” ភាសាជប៉ុនន័យចំសំដៅលើ “ពូ” ។ បុគ្គលដែលក្រុមហ៊ុន Shikigaki ចោទសួរជាកម្មករដែលមានអាយុចន្លោះពី ២០ ទៅ ៣៩ ឆ្នាំ ដូច្នេះ “Ojisan” ក្នុងសំណួរសំដៅលើអាយុ ៤០ ឆ្នាំឡើង។

លទ្ធផលអ្នកចូលរួមស្ទង់មតិចំនួន ៤៩,២ បានឆ្លើយថាមាន។

សំណួរបន្ទាប់៖ បើពួកគេមិនធ្វើការ តើពួកគេធ្វើអ្វី?

ចម្លើយដែលនិយមទាំង ៣ រួមមាន “សម្រាក ជក់បារី ញ៉ាំអាហារសម្រន់” ។ ចម្លើយសូវមានច្រើនដូចជា “សញ្ជឹងគិត និយាយលេង មើលបណ្តាញសង្គម” ជាដើម។

ក្រុមហ៊ុន Shikigaki ចង់ស្វែងរកមូលហេតុអ្នកទាំងនេះមិនធ្វើការ ហើយសាកសួរគំនិតបុគ្គលដែលចូលរួមការស្ទង់មតិ។ មូលហេតុទូទៅបំផុតគឺ “អ្នកទាំងនេះគ្មានបំណងចង់ធ្វើការ” “ក្រុមហ៊ុនទូទាត់ប្រាក់ខែផ្អែកលើអតីតភាពការងារតែមិនខ្វល់ពីផលិតភាព” “គ្មានអ្នកណាទុកចិត្តប្រគល់ការងារអោយពួកគេ” ។ល។

មនុស្សជាច្រើនក៏បានត្អូញត្អែរថាក្រុមហ៊ុនមិនមានគោលនយោបាយសុខុមាលភាពច្បាស់លាស់ ដើម្បីអោយបុគ្គលិកខិតខំប្រឹងប្រែងបន្ថែមទៀត។ ពួកគេស្នើឱ្យមានបទប្បញ្ញត្តិវាយតម្លៃច្បាស់លាស់ ក៏ដូចជាការរឹតបន្តឹងបទប្បញ្ញត្តិស្តីពីការបណ្តេញចេញ។