វិសោធនកម្មច្បាប់ស្តីពីការគ្រប់គ្រង និងសុខុមាលភាពសត្វស្នើឱ្យដាក់បន្ទះឈីបទៅក្នុងសត្វចិញ្ចឹមចាប់ពីខែមិថុនា

មជ្ឈមណ្ឌលលក់សត្វចិញ្ចឹមនៅជប៉ុនស្នើឱ្យដាក់មីក្រូ​ឈីប​អេឡិចត្រូនិកទៅក្នុងសត្វ ដោយសារតែវិសោធនកម្មច្បាប់​ស្តី​ពី​ការ​គ្រប់គ្រង និងសុខុមាលភាពសត្វដែលចូលជាធរមានកាលពីថ្ងៃទី ១ ខែមិថុនា។

គោលបំណងវិសោធនកម្មនេះដើម្បីការពារស្ថានភាពម្ចាស់បោះបង់ចោលសត្វចិញ្ចឹម និងជួយកំណត់អត្តសញ្ញាណម្ចាស់​សត្វដែលគេបោះបង់ចោលក្នុងករណីមានគ្រោះមហន្តរាយកើតឡង។

បន្ទះឈីបរាងស៊ីឡាំងមានប្រវែងប្រហែល ១០ មីលីម៉ែត្រ អង្កត់ផ្ចិត ២ មីលីម៉ែត្រ។ ជាទូទៅបន្ទះឈីបត្រូវបានបញ្ចូល​នៅជិតករបស់សត្វដោយប្រើសឺរ៉ាំង។ បន្ទះឈីបនេះមានលេខសម្គាល់ ១៥ ខ្ទង់ដែលអាចស្កេនដោយប្រើឧបករណ៍​ពិសេស ហើយត្រូវបានត្រួតពិនិត្យដោយផ្អែកលើមូលដ្ឋានទិន្នន័យរបស់ក្រសួងបរិស្ថានដើម្បីកំណត់ព័ត៌មាន​របស់ម្ចាស់។

ពេទ្យសត្វ ឬគិលានុបដ្ឋាយិកាដែលទទួលខុសត្រូវចំពោះការបញ្ចូលមីក្រូឈីប ការចំណាយចាប់ពី ៣០០០ យ៉េនដល់ ១០,០០០ យ៉េន។ ច្បាប់វិសោធនកម្មតម្រូវឱ្យអ្នកបង្កាត់ពូជ ហាងលក់សត្វចិញ្ចឹមជាដើម ត្រូវបញ្ចូលបន្ទះឈីបទៅក្នុង​សត្វ​ដែលលក់ ក៏ដូចជាសត្វបង្កាត់ពូជ ដើម្បីកែលម្អបរិយាកាសចិញ្ចឹម។

វិធានការដាក់ទណ្ឌកម្មចំពោះការបំពានរួមមានទណ្ឌកម្មរដ្ឋបាល។ ច្បាប់នេះក៏តម្រូវឱ្យមានការចុះឈ្មោះទិន្នន័យរបស់ម្ចាស់ រួមមានព័ត៌មានដូចជាឈ្មោះ អាស័យដ្ឋាន និងលេខទូរស័ព្ទ រួមជាមួយនឹងទិន្នន័យសត្វចិញ្ចឹម រួមមាន​ពូជ ថ្ងៃខែឆ្នាំកំណើត ជាដើម នៅលើមូលដ្ឋានទិន្នន័យរបស់រដ្ឋាភិបាល។ នៅពេលទិញសត្វចិញ្ចឹមនៅហាងលក់សត្វចិញ្ចឹម ពួកគេត្រូវតែចុះឈ្មោះធ្វើជាម្ចាស់ក្នុងរយៈពេល ៣០ ថ្ងៃ។

តម្លៃចុះឈ្មោះតាមអនឡាញ ៣០០ យ៉េន។ ទោះយ៉ាងណាក៏ដោយ នឹងមិនមានការផាកពិន័យចំពោះបុគ្គលដែល​ទិញ​សត្វ​ចិញ្ចឹម​តែមិន​បាន​ចុះ​ឈ្មោះ​ឡើយ។ មនុស្ស​មួយ​ចំនួន​មាន​ការ​ព្រួយ​បារម្ភ​ចំពោះ​ហានិភ័យ​សុខ​ភាព​សត្វដែល​​ត្រូវ​បញ្ចូល​​បន្ទះ​ឈីប ដោយសារបន្ទះឈីបនេះត្រូវបញ្ចូលទៅក្នុងខ្លួនសត្វនៅពេលដែលវាមានអាយុប្រហែល ៨ សប្តាហ៍។

លើសពីនេះ មនុស្សជាច្រើនចាត់ទុកថាប្រព័ន្ធនេះមិនអាចអនុវត្តបាន ប្រសិនបើអ្នករាល់គ្នាមិនចុះឈ្មោះព័ត៌មាន​​របស់​​ពួក​​គេ​ក្នុង​នាម​ជាម្ចាស់ពេល​ទិញ​សត្វ​ចិញ្ចឹម។

ច្បាប់ស្តីពីសុខុមាលភាពសត្វត្រូវបានធ្វើវិសោធនកម្មនៅឆ្នាំ ២០១៩ ប៉ុន្តែការអនុវត្តត្រូវបានពន្យារពេល។

Sacchan