មកដល់ទៀតហើយផលិតផលជប៉ុនថ្មីប្លែក “ភួយដណ្តប់រដូវក្តៅត្រជាក់ស្រួល”

រដូវរងាមកដល់ គ្រាន់តែពាក់អាវ ដណ្តប់ភួយជាការស្រេច ប៉ុន្តែរដូវក្តៅបើក្តៅពេក ទោះបីជាបើកកង្ហារក៏នៅតែក្តៅ ចំណែក​ម៉ាសុីន​ត្រជាក់​ចំណាយច្រើន។

ក្រុមហ៊ុនជប៉ុនមួយឈ្មោះថា Thanko–yes អាចជួយដោះស្រាយបញ្ហានេះដោយផលិតផលពិសេសប្លែកដែលមានឈ្មោះ​ថា Fanneru ។

ឈ្មោះផលិតផល Fanneru ជាការរួមបញ្ចូលគ្នារវាង Fan (កង្ហារ) និង Neru (កិរិយាសព្ទ“ដេក”) ក្នុងភាសាជប៉ុន។ នេះជាប្រភេទ Futon មានខ្យល់ចេញចូលរួមជាមួយកង្ហារពីរ។ គោលបំណង Thanko បង្កើតផលិតផលនេះ ដើម្បី​ដោះ​ស្រាយបញ្ហាដែលមនុស្សជាច្រើនជួបប្រទះនៅយប់នារដូវក្តៅ ភ្ញាក់​កណ្តាល​យប់​ព្រោះតែ​ក្តៅ​ពេក ប៉ុន្តែពេល​បើក​កង្ហារញើសក៏ហួត ហើយមានអារម្មណ៍ថាត្រជាក់ត្រូវដណ្តប់ភួយ ធ្វើបែបនេះពេញមួយយប់​អាច​ប៉ះ​ពាល់ដល់​ការ​គេង។

ទិញភួយមួយនេះ អ្នកមិនចាំបាច់បើកម៉ាស៊ីនត្រជាក់ពេញមួយយប់ទៀតទេ សន្សំសំចៃណាស់។

ជាមួយនឹងការបញ្ចូលកង្ហារពីរ Fanneru មានឧបករណ៍បញ្ជាពីចម្ងាយ ដូច្នេះអ្នកអាចកំណត់ល្បឿនកង្ហារដោយមិន​ចាំ​បាច់​ក្រោក​ឡើង។ ផលិតផល​នេះ​ក៏​មាន​ប្រព័ន្ធកំណត់ម៉ោងក្នុងករណីអ្នកជាមនុស្សងាយនឹងត្រជាក់នៅ​ពេល​​យប់។

បែកញើសតិច បាត់បង់ជាតិទឹកតិច

Fanneru មានរន្ធខ្សល់ចេញចូលនៅស្រទាប់ខាងក្នុងចំនួន ៦ ដូច្នេះទោះបីជាអ្នកមិនបើកកង្ហារ ក៏អ្នកនៅតែអាចបញ្ចេញខ្យល់ក្តៅ។ វត្ថុធាតុដើម Futon ក៏ត្រជាក់ស្រួល ហើយស្ងួតរហ័ស។ ភួយអាចបោកដោយម៉ាស៊ីន (តែ​ត្រូវ​យក​កង្ហារ​ចេញពេលបោក) ងាយស្រួលក្នុងការសម្អាត។

Fanneru មានលក់នៅលើហាងអនឡាញរបស់ Thanko ក្នុងតម្លៃ ៩៨០០ យ៉េន។ ជាការពិតណាស់ តម្លៃខ្ពស់​បើ​ធៀប​ទៅ​នឹង​ភួយ​ធម្មតា ប៉ុន្តែចូរគិតថាផលិតផលអាចជំនួសម៉ាស៊ីនត្រជាក់ អ្នកប្រាកដជាឃើញថា “សន្សំសំចៃ” ជាង​មុន។

Sacchan

មើលបន្ថែម: