បញ្ហាបទបញ្ជាផ្ទៃក្នុងសាលាជប៉ុន “សិស្សស្រីម្នាក់និយាយថា គ្រូបានស្តីបន្ទោស ថែមទាំងទាញសក់របស់នាង”
សិស្សវិទ្យាល័យជប៉ុនម្នាក់និយាយថា គ្រូបានស្តីបន្ទោស ហើយថែមទាំងទាញសក់របស់នាង ដោយសារតែសក់ពណ៌ត្នោត។
សិស្សស្រីមានសក់ពណ៌ត្នោត ព្រោះតែសក់របស់នាងត្រូវកម្តៅថ្ងៃអំឡុងពេលរៀនហែលទឹកតាំងពីអាយុ ៣ ឆ្នាំរហូតដល់វិទ្យាល័យ។ នាងបាននិយាយថា ពណ៌សក់របស់នាងពេលចូលវិទ្យាល័យ Hyogo ស្របតាមបទបញ្ជារបស់សាលា។ យ៉ាងណាមិញ នៅថ្ងៃទី ១៤ ខែមេសា គ្រូស្រី និងបុគ្គលិកសាលាម្នាក់បានព្រមាននាងអំពីពណ៌សក់។
បើតាមសិស្សម្នាក់នេះនិយាយថា រូបនាងបានយកទូរស័ព្ទ ហើយព្យាយាមហៅទៅកាន់ម្តាយ ដើម្បីពន្យល់ប្រាប់បុគ្គលិកសាលា។ ប៉ុន្តែពួកគេចងដៃ និងទាញសក់របស់នាងជាច្រើនដង។ នៅពេលនោះសិស្សភ័យស្លន់ស្លោ និងបាត់បង់ស្មារតី។ នាងភ្ញាក់ដឹងខ្លួនក្នុងរថយន្តសង្គ្រោះ ប៉ុន្តែមិនត្រូវបានបញ្ចូលទៅមន្ទីរពេទ្យនោះទេ។
ប្អូនស្រីត្រូវបានធ្វើរោគវិនិច្ឆ័យថាមានជំងឺថប់បារម្ភនៅគ្លីនិកវិកលចរិក ហើយអវត្តមានមិនបានទៅសាលារៀនប្រហែល ២ សប្តាហ៍។ បច្ចុប្បន្នសិស្សបានត្រឡប់ទៅរៀនវិញ។
សាលាបានធ្វើការស្ទង់មតិមិនលាក់ឈ្មោះតាមសំណើរបស់ឪពុកម្តាយសិស្ស។ ក្នុងនោះការឆ្លើយតបនិយាយថា៖ “គ្រូបាននិយាយរឿងជាច្រើនដោយប្រើសម្លេងធ្ងន់ ហើយទាញសក់ក្មេងស្រី” ។
នាយកសាលាបានជួបជាមួយឪពុកម្តាយសិស្សកាលពីខែឧសភា ហើយសុំទោស ដោយនិយាយថាសកម្មភាពរបស់បុគ្គលិកទាំងពីរ “មិនស្របតាមការណែនាំ” ។ ទោះជាយ៉ាងណា នាយកសាលាបាននិយាយថា គ្រូដែលពាក់ព័ន្ធមិនបានសារភាពទាញសក់ប្អូននោះទេ។
នាយករងសាលាបាននិយាយថា “យើងបានពិភាក្សាបញ្ហានេះជាមួយអាណាព្យាបាលសិស្សស្រី ហើយស្វែងរកដំណោះស្រាយ។ ដោយសារករណីនេះពាក់ព័ន្ធបុគ្គលសិស្ស ខ្ញុំមិនអាចនិយាយអ្វីបន្ថែមឡើយ” ។ ក្រុមប្រឹក្សាអប់រំតំបន់ក៏បានអោយដឹងថា មិនធ្វើអត្ថាធិប្បាយលើករណីបុគ្គលនោះទេ។
ក្នុងរយៈពេលប៉ុន្មានឆ្នាំថ្មីៗនេះ នៅទូទាំងប្រទេសជប៉ុនចាត់វិធានការលុបចោលបទប្បញ្ញត្តិបង្ខិតបង្ខំ តម្រូវឱ្យសិស្សដាក់ឯកសារបញ្ជាក់ពណ៌សក់របស់ពួកគេជាសក់ធម្មជាតិ។ ទោះជាយ៉ាងណា សិស្ស និងអាណាព្យាបាលមួយចំនួនស្នើសុំឱ្យរក្សាសំណើនេះ។
ក្នុងករណីលើកនេះ សិស្ស និងគ្រូបានជូនដំណឹងដល់សាលាអំពីពណ៌សក់របស់ប្អូនដោយផ្ទាល់។
សិស្សរូបនេះបាននិយាយថា នាងមិនដែលទទួលបានការព្រមានអំពីពណ៌សក់របស់ខ្លួនពីមុនមកទេ ហើយហាក់ដូចជាទង្វើ “មិនស្របតាមការណែនាំ” របស់បុគ្គលិកសាលាកើតឡើងដោយសារតែការប្រាស្រ័យទាក់ទង។
សិស្សស្រីបានបន្ថែមថា “ខ្ញុំចង់មានជីវិតដូចសិស្សធម្មតា ប៉ុន្តែឥឡូវនេះខ្ញុំខ្លាចទៅសាលា ព្រោះគិតថានឹងជួបគ្រូទាំងនោះ” ។
Sacchan
-
សិស្សស្រីវិទ្យាល័យជប៉ុនម្នាក់ត្រូវផាកពិន័យឱ្យរៀនដាច់ដោយឡែក ៣ ថ្ងៃព្រោះតែកោរចិញ្ចើម -
ករណីវាយធ្វើបាបតាមសាលាបណ្តាលឱ្យសិស្សមានជំងឺធ្លាក់ទឹកចិត្តរហូតត្រូវផ្ទេរសាលារៀន -
សិស្សប្រុសអាយុ ១៤ ឆ្នាំម្នាក់បាត់បង់ជីវិតព្រោះត្រូវមិត្តរួមថ្នាក់ចាក់សម្លាប់ -
សិស្សស្រីជនជាតិជប៉ុនលួចបន្លំ និងបង្ហាញសំណួរប្រឡងចូលសកលវិទ្យាល័យ -
រកឃើញសាកសពសិស្សស្រីម្នាក់ក្នុងទូទឹកកកនៅហាងមួយ -
ជំងឺកូវីដ ១៩ និងអាកាសធាតុក្តៅខ្លាំង តើគួរពាក់ ឬមិនពាក់ម៉ាសកំពុងបង្កចម្រូងចម្រាសនៅក្នុងប្រទេសជប៉ុន
-
អាថ៌កំបាំងនៃដើម Yakusugi ដែលមានអាយុកាលចំណាស់ជាង ៧០០០ ឆ្នាំមកហើយ -
ហេតុអ្វីបានជាប្រទេសជប៉ុនចាញ់សង្រ្គាមប៉ុន្តែមិនបែកបាក់គ្នា? -
កន្លែងទេសចរណ៍ដែលទទួលបានរង្វាន់ពី Japan Travel Awards ឆ្នាំ ២០២២ -
តើការរចនាលិខិតឆ្លងដែនថ្មីរបស់ជប៉ុនមានលក្ខណៈពិសេសអ្វីខ្លះ? -
ជប៉ុនបញ្ជាក់ពីករណីស្លាប់ដំបូងដោយជំងឺរលាកថ្លើមចំពោះកុមារ -
បញ្ហាលែងលះនៅសម័យអេដូ តើស្រ្តីសម័យមុនមានទស្សនៈយ៉ាងណាចំពោះអាពាហ៍ពិពាហ៍?