តើយើងគួរបត់ភួយពេលចេញពីផ្ទះសំណាក់ជប៉ុននៅថ្ងៃ check-out ដែរអត់?

ដើម្បីបង្ហាញពីភាពគួរ​សមបន្ទាប់ពី​ភ្ញាក់​យើងគួរតែបត់ភួយ។ សូម្បីតែពេលប្រើសេវាកម្មសណ្ឋាគារ ផ្ទះសំណាក់ សកម្មភាព​​នេះត្រូវបានអោយតម្លៃខ្ពស់។

ស្នាក់នៅផ្ទះសំណាក់ជប៉ុនជាបទពិសោធន៍ដ៏គួរឱ្យចាប់អារម្មណ៍ដែលអ្នកអាចរីករាយនឹងវប្បធម៌ប្រទេសនេះ។ បន្ទប់ត្រូវបានរចនាតាមបែបជប៉ុន ក្រាលកន្ទេល Tatami ពូក Futon ដាក់ផ្ទាល់នៅលើឥដ្ឋ ទ្វាររុញ Shoji ជា​ដើម។ បង្កើតបរិយាកាសបែបជប៉ុនដែលនាំមកនូវភាពរីករាយ បើធៀបទៅនឹងសេវាកម្មសណ្ឋាគារបែបអឺរ៉ុប។ តើអ្នក​គួរ​តែ​​បត់​​ភួយបន្ទាប់ពីភ្ញាក់នៅព្រឹកថ្ងៃសងបន្ទប់ដែរអត់?

ជាដំបូង រូបភាពខាងក្រោមបង្ហាញពីបន្ទប់ដែលអ្នកទើបតែមកដល់នៅថ្ងៃដំបូង។

ដូចដែលអ្នកមើលឃើញនៅទីនេះ ពូក Futon មិនទាន់ក្រាលនោះទេ ដូច្នេះភ្ញៀវដែលមកដល់មិនដឹងថាខ្លួនត្រូវគេង​​នៅ​​កន្លែង​​ណា​ឡើយ។ តាមពិតទៅ ដើម្បីពង្រីកបរិយាកាសសម្រាប់ភ្ញៀវសម្រាកបន្ធូរអារម្មណ៍ ជាទូទៅពូកទុក​​ក្នុង​ថត​ទូ។ បន្ទាប់ពីភ្ញៀវចេញទៅទទួលទានអាហារពេលល្ងាច បុគ្គលិកផ្ទះសំណាក់នឹងចូលបន្ទប់នីមួយៗក្រាល​ពូក​សម្រាប់​ភ្ញៀវ ឬអ្នកអាចក្រាលដោយខ្លួនឯងមុនពេលចាកចេញ។

សំណួរ​សួរថា នៅព្រឹកថ្ងៃចេញពីផ្ទះសំណាក់ តើ​អ្នក​គួរ​បត់ភួយខ្នើយមុនពេល​ចាកចេញដែរទេ? បើអ្នកជាមនុស្សមានសណ្តាប់ធ្នាប់ មិនបាច់ចាំដល់ថ្ងៃចេញទេ មនុស្សមួយចំនួនទម្លាប់បត់ភួយរាល់ពេលក្រោកពីគេង។ នេះជា​ទម្លាប់​ល្អ​ណាស់ ហើយគួរតែបន្ត។ ប៉ុន្តែប្រសិនបើអ្នកគ្រាន់តែធ្វើដើម្បី​បង្ហាញ​ការ​​គួរ​សម និង​សម្រួល​ការងារ​បុគ្គលិក​រៀប​ចំបន្ទប់ តាមពិតទៅផ្ទុយស្រឡះទាំងស្រុង។

ការអនុវត្តស្តង់ដារនៅផ្ទះសំណាក់ជប៉ុន បុគ្គលិកនៅទីនេះតែងតែត្រួតពិនិត្យ Futon និងកន្លែងផ្សេងទៀត ដើម្បីមើលថាតើភ្ញៀវភ្លេចអ្វីឬអត់? ដូច្នេះ ទោះបីជាអ្នកបត់ Futon មុនពេលចាកចេញក៏ដោយ ចំណុចទីមួយពេលចូលរៀបចំបន្ទប់ បុគ្គលិកនឹងបើក Futon ដើម្បីពិនិត្យមើលខាងក្នុង និងខាងក្រោមពូក។

លើសពីនេះទៀត ពួកគេត្រូវដោះស្រទាប់ Futon ដែលហៅថា Shikibuton និងកម្រាលពូកយកទៅបោក។ ដូច្នេះ​ប្រសិន​​បើ​អ្នក​មិន​មែន​ជា​ប្រភេទមនុស្សទម្លាប់បត់​ភួយពេលភ្ញាក់​ពី​គេង អ្នកក៏មិនចាំបាច់ធ្វើដោយសារភាពគួរ​សម​ដែរ ព្រោះ​អ្នកកំពុងជួយបុគ្គលិកសម្អាតកាន់តែលឿន។

Sacchan