មេដឹកនាំក្រុមភេរវករដ៏ល្បីឈ្មោះនៃកងទ័ពក្រហមជប៉ុន Shigenobu Fusako ត្រូវបានដោះលែង

មនុស្សជាច្រើនចាត់ទុកជប៉ុនជាប្រទេសដែលមានសុវត្ថិភាព គ្មានឧក្រិដ្ឋកម្មច្រើន។ ប្រសិនបើអ្នកជាមនុស្សម្នាក់ក្នុងចំណោមអ្នកគិតបែបនោះ មើល​ទៅ​ដូច​ជាអត្តបទនេះ​នឹង​ផ្លាស់​ប្តូ​រ​គំនិត​របស់​អ្នក​។

តួអង្គក្នុងរូបភាពខាងក្រោមនេះគឺ Shigenobu Fusako ជាមនុស្សម្នាក់ដែលបានប្រព្រឹត្តអំពើឃោរឃៅជាច្រើន។

https://www.asahi.com/articles/ASQ5X36M9Q5WUTIL01R.html

Shigenobu Fusako អាយុ ៧៦ ឆ្នាំ ទើបតែត្រូវបានដោះលែងបន្ទាប់ពីជាប់ពន្ធនាគាររយៈពេល ២០ ឆ្នាំ។

តើ​ស្ត្រី​ម្នាក់​នេះ​បាន​ប្រព្រឹត្ត​បទ​ឧក្រិដ្ឋ​អ្វី? លោកស្រីជាតួអង្គសំខាន់នៃកងទ័ពក្រហមជប៉ុន (Nihon sekigun) ជាអង្គភាពភេរវករ​ដែល​ឈាន​ដល់​កម្រិត​ទូទាំងពិភពលោក។

ជប៉ុន​ជា​ប្រទេស​សេរី​ទាំងគំនិត និងការបញ្ចេញមតិ។ ក្នុង​នាម​ជា​អ្នក​ឆ្វេងនិយម កងទ័ពក្រហមជប៉ុនស្មោះត្រង់នឹងកុម្មុយនិស្ត ហើយ​សង្ស័យ​លើមាគ៌ាបច្ចុប្បន្នរបស់ប្រទេស។ ជាការពិតណាស់ ជំនឿ និងភាពស្មោះត្រង់ចំពោះលទ្ធិម៉ាក្សលេនីនជាសេរីភាព ប៉ុន្តែដោយសារអំពើភេរវកម្មរបស់ក្រុមខាងលើ ទើបជនជាតិជប៉ុនស្អប់ខ្ពើម និងរក្សាគម្លាត​ចំពោះប្រទេសដែលកាន់លទ្ធិកុម្មុយនិស្ត បង្កបញ្ហា និងការយល់ច្រលំជាច្រើនក្នុងទំនាក់ទំនងអន្តរជាតិនាពេលក្រោយ ព្រោះ​​សកម្មភាព​​របស់​អង្គភាពភេរវករត្រូវចាត់ទុកដូចជាកុម្មុយនិស្ត ស្រដៀងទៅនឹងបណ្តាប្រទេសសង្គមនិយម។

សរុបទៅអង្គភាពរបស់ Shigenobu Fusako បានធ្វើអ្វី និងបង្កផលវិបាកអ្វីខ្លះ?

ការសម្លាប់រង្គាលនៅព្រលានយន្តហោះ Lod

កងទ័ពក្រហមជប៉ុនមានមូលដ្ឋានប្រតិបត្តិការនៅមជ្ឈិមបូព៌ា បាញ់​កាំភ្លើង​ស្វ័យប្រវត្តិ​នៅ​អាកាសយានដ្ឋានប្រទេស​អុីស្រាអែល។ នេះជាករណីសម្លាប់​រង្គាលដែល​បណ្តាលអោយមនុស្ស ២៤ នាក់​ស្លាប់ និង ៧៦ នាក់​រង​របួស​ធ្ងន់។

បន្ទាប់​មកព្រឹត្តិការណ៍​ចាប់​ស្ថានទូត​អាមេរិក​នៅ​ទីក្រុង​គូឡាឡាំពួ (រដ្ឋធានី​ម៉ាឡេស៊ី) ក្នុង​គោល​បំណង​ទាមទារអោយដោះលែង​សមាជិក​អង្គភាពត្រូវ​ជាប់​ឃុំ។ មនុស្ស​មួយ​ក្រុម​នេះក៏ឈរនៅ​ពីក្រោយ​ការ​វាយប្រហារ​ភេរវកម្ម​ប្លន់​យន្តហោះ JAL ពី​ប៉ារីស​ទៅ​តូក្យូ។ បន្ទាប់​មក​មាន​ការ​វាយ​ប្រហារ​ជា​បន្តបន្ទាប់​នៅ Jakarta (រដ្ឋធានី​ឥណ្ឌូណេស៊ី) រ៉ូម និង​​ណា​បែល ជា​ទីក្រុង​អុីតាលី។

គោលបំណងអង្គភាពខាងលើដើម្បីអនុវត្តបដិវត្តន៍នៅប្រទេសជប៉ុន ពង្រីកលើលទ្ធិម៉ាក្សលេនីនទូទាំងពិភព​លោក។ ជឿលើមនោគមវិជ្ជាសេរីភាព ប៉ុន្តែផ្អែកលើការសម្លាប់ ធ្វើឱ្យមនុស្សដែលមិនជាប់ពាក់ព័ន្ធរង​របួស​ជា​បទ​​ឧក្រិដ្ឋ។

ក្រោយមក កងទ័ពក្រហមជប៉ុនចុះខ្សោយបន្តិចម្តងៗ ដោយសារ Fusako Shigenobu ត្រូវចាប់ខ្លួន។ ប៉ូលីសជប៉ុនបន្ត​​តាម​​ចាប់​​អ្នក​ដែល​នៅ​​សេស​សល់ បើ​ទោះ​បីជា​កងទ័ព​ក្រហម​បាន​ប្រកាស​រំសាយ​​ក៏​ដោយ។

តើ​ពិត​ទេ​ដែល​កងទ័ព​ក្រហម​ត្រូវ​បាន​រំសាយ? ជាពិសេសបន្ទាប់ពី Fusako Shigenobu ទើបតែត្រូវបានដោះលែង តើអង្គភាពគួរអោយខ្លាចខាងលើអាចដំណើរការឡើងវិញទេ? សម្រាប់​អ្នក​ដែល​ចាប់​អារម្មណ៍​នឹង​ព័ត៌មាន​នេះ ប្រាកដជា​ជៀសមិន​ផុតពីភាពភ័យខ្លាចនោះទេ។

ឥឡូវនេះគាត់មានអាយុ ៧៦ ឆ្នាំនៅតែអាចធ្វើសកម្មភាពបាន។ ប្រាកដ​ណាស់​សមាជិក​ដែលលាក់ខ្លួនកំពុង​រង់​ចាំ​ថ្ងៃ​ដែល​មេ​ដឹក​នាំ​ត្រឡប់​មក​វិញ។ ខ្ញុំ​គ្រាន់​​តែ​​សង្ឃឹម​​ថា ក្រុមមនុស្សដែលគួរអោយខ្លាចនេះមិន​ប្រមូល​ផ្តុំ​គ្នា។

Kengo Abe