ទីក្រុង Miyazaki ផ្ញើច្រឡំសាច់ដែលមានតម្លៃជាង ២ លាន​​យ៉េន​ទៅ​អោយ​មនុស្ស ១៤០ នាក់​

ថ្មីៗនេះករណីចាប់កំហុសអាជ្ញាធរមូលដ្ឋានកំពុងតែពេញនិយមខ្លាំងនៅជប៉ុន។ បន្ទាប់ពីករណីផ្ញើប្រាក់ច្រឡំ ៤៦ លាន​យ៉េន​ទៅ​អោយបុរសម្នាក់នៅ Yamaguchi តំបន់នៅក្បែរនោះ Miyazaki ក៏ជាប់ពាក់ព័ន្ធនឹងករណីផ្ញើច្រឡំផ្សេង​ទៀត​ដែរ។

ហេតុការណ៍នេះបានកើតឡើងនៅទីប្រជុំជនក្រុង Miyazaki កន្លែងទទួលការបញ្ជាទិញសាច់ដែលជាផ្នែកមួយក្នុងយុទ្ធនាការ “ពន្ធក្នុងស្រុក” (Furusato Nozei: នេះជាប្រព័ន្ធដែលមនុស្សម្នាក់រស់នៅតំបន់មួយផ្សេងទៀតអាច​បង់​ពន្ធ​សាងសង់តំបន់ណាមួយ ជាថ្នូរមកវិញនឹងទទួលបានអំណោយពីតំបន់ដែលពួកគេបង់ពន្ធ ជា​ទូទៅ​ទទួលបាន​អាហារ​​ក្នុង​​តំបន់​​នោះ) ។

អំណោយពីទីក្រុង Miyazaki មានប្រភេទសាច់ដូចជា សាច់គោ សាច់មាន់ សាច់ជ្រូក ។ល។ សម្រាប់អ្នកដែលមានចិត្ត​សប្បុរស​ចូលរួមចំណែកក្នុងមូលដ្ឋាន។ ទោះជាយ៉ាងណា ក្នុងអំឡុងពេលចែកចាយសាច់ ពួកគេបានផ្ញើសាច់ចំនួន ១៤០ ការបញ្ជាទិញដោយចៃដន្យ ដែលមានតម្លៃប្រហែល ២,១ លានយ៉េន ដល់ទៅពីរដង។

យោងទៅតាមព័ត៌មានពីអាជ្ញាធរមូលដ្ឋាន អំណោយដែលបានផ្ញើលើកដំបូងកាលពីខែកុម្ភៈឆ្នាំនេះ ប៉ុន្តែក្នុងកំណត់​ត្រា​មិន​បានកត់សម្គាល់ថាផ្ញើនោះទេ។ ដូច្នេះចំពោះការ​ដឹក​ជញ្ជូនបន្ទាប់​នៅ​ថ្ងៃ​ទី ១៥ ខែ​ឧសភា ពួក​គេ​បន្តផ្ញើ​បន្ថែម​ទៀត។

ក្រុមគាំទ្រការបង់ពន្ធក្នុងស្រុកនៅ Miyazaki ជាភាគីទទួលខុសត្រូវត្រួតពិនិត្យ ហើយសន្យានឹងទូទាត់ថ្លៃទំនិញ និង​ការ​ដឹកជញ្ជូន។ ពួកគេក៏​បាន​ផ្ញើ​អុីម៉ែល​ទៅ​កាន់​អ្នក​ទទួល​ទាំង​អស់ ដោយប្រាប់ពួកគេកុំប្រគល់សាច់មកវិញ ព្រោះ​ជា​ការ​ខ្ជះខ្ជាយ គួរតែទទួលទានជំនួសវិញ។

https://twitter.com/sennmusann/status/1341944157112156160?ref_src=twsrc%5Etfw%7Ctwcamp%5Etweetembed%7Ctwterm%5E1341944157112156160%7Ctwgr%5E%7Ctwcon%5Es1_&ref_url=https%3A%2F%2Fvn.japo.news%2Fcontents%2Fdoi-song%2Fbon-mua%2F149283.html

នេះ​ជា​ទង្វើ​ល្អ ប៉ុន្តែបើពិចារណា​លើ​រឿង​អាស្រូវ​មុននោះ​នៅ Yamaguchi ប្រជាជន​ប្រុង​ប្រយ័ត្ន​ចំពោះការ​ទទួល​ទំនិញ​​ដែល​​ផ្ញើ​​ច្រឡំ​ពី​​រដ្ឋាភិបាល។ ទោះជាយ៉ាងណា ករណីនេះមិនអាចប្រៀបធៀបនឹងករណីមុនបានទេ។

ដោយសាររឿងនេះអាចចាត់ទុកជាប្រភេទផ្សាយពាណិជ្ជកម្មសាច់ក្នុងស្រុកដោយប្រយោល គ្រាន់តែសង្ឃឹមថាអ្នក​ទទួល​​ខុស​​ត្រូវ​​មិន​ប្រឈម​នឹងការលំបាកផ្នែកហិរញ្ញវត្ថុណាមួយ បន្ទាប់ពីលុបកំហុសរបស់ខ្លួន។

Sacchan