ដំណឹងល្អសម្រាប់អ្នកគាំទ្រ Hunter x Hunter នឹងត្រលប់មកវិញជាមួយជំពូកថ្មី

ដំណឹងល្អមួយទៀតគឺថាអ្នកនិពន្ធ Yoshihiro Togashi បានចូលរួម Twitter ហើយចែករំលែកព័ត៌មានគួរឱ្យចាប់អារម្មណ៍​នេះ។

បន្ទាប់ពីបានពន្យាពេលយ៉ាងយូរ ប្រហែលជាអ្នកគាំទ្រអាចអានជំពូកបន្ទាប់របស់ Hunter x Hunter ក្នុងរយៈពេលខាង​មុខ​នេះ។ នេះជាដំណឹងដ៏​ល្អ​សម្រាប់​ការ​ផ្អាកអស់​រយៈពេល​ច្រើន​ឆ្នាំ។

គណនី Twitter ដែលគេចាត់ទុកជារបស់អ្នកនិពន្ធ Hunter x Hunter, Yoshihiro Togashi បានបង្ហោះដំណឹងមួយ​នា​ពេលថ្មីៗនេះ រូបភាពជ្រុងម្ខាងទំព័រ Manga ជាមួយនឹង Caption និយាយថា “ជាដំបូងនៅសល់ ៤ ភាគ” ។ នេះជាគណនីថ្មី ដូច្នេះមិនទាន់ផ្ទៀងផ្ទាត់នោះទេ ថ្វីត្បិតតែ Profile និយាយថានេះជាគណនីផ្លូវការរបស់អ្នកនិពន្ធក៏​ដោយ។ Togashi នឹងប្រើគណនីនេះដើម្បីធ្វើបច្ចុប្បន្នភាពការវិវត្តរបស់ខ្លួន។ អ្នកនិពន្ធ Yusuke Murata របស់ One Punch Man បានបញ្ជាក់ថាគណនីនេះជាកម្មសិទ្ធិរបស់ Togashi ផ្ទាល់។

とりあえずあと4話。 pic.twitter.com/OwoB4ljp1x

— 冨樫義博 (@Un4v5s8bgsVk9Xp) May 24, 2022

Togashi ចាប់ផ្តើម Hunter x Hunter នៅឆ្នាំ ១៩៩៨ ។ រឿង Manga និង Anime ទាំងពីរទៀតកើតឡើងក្នុងពិភព​មួយ​ដែល Hunter ចូលរួមដំណើរផ្សងព្រេងវេទមន្ត ដូចជាការស្វែងរកសត្វចម្លែកគ្រោះថ្នាក់ តាមប្រមាញ់ឧក្រិដ្ឋជន ឬស្វែងរកកំណប់។ រឿងនិយាយពីក្មេងប្រុសម្នាក់ឈ្មោះ Gon ចូលរួមការប្រឡង Hunter ដើម្បីស្វែងរកឪពុក។ ឪពុក​របស់​ក្មេងប្រុសជា Hunter ដ៏អស្ចារ្យម្នាក់។ នៅតាមផ្លូវ Gon ជួប Killua អ្នកស្នងមរតកដែលកំពុងរត់គេចខ្លួន​ពីគ្រួសារ​ឃាតករ Kurapika សមាជិកចុងក្រោយនៃត្រកូលដែលត្រូវសម្លាប់ និង Leorio ជានិស្សិតពេទ្យ។

ខណៈពេលដែលដំណើរផ្សងព្រេងរបស់ Gon ជិតឈានដល់ទីបញ្ចប់ រីឯសៀវភៅរឿងថ្មីនេះនិយាយពី Kurapika ។ ជាមួយនឹងបេសកកម្មសងសឹកអោយត្រកូលដែលដួលរលំរបស់ខ្លួន និងយកភ្នែកដែលត្រូវលួចរបស់ត្រកូលមក​វិញ Kurapika ចូល​រួម​ដំណើរ​គ្រោះ​ថ្នាក់ទៅកាន់ទឹកដីដែលមិនមានឈ្មោះ ធ្វើជាអង្គរក្សក្មេងស្រីម្នាក់។

រហូតដល់ថ្ងៃ Manga ចាប់ផ្តើមឡើងវិញ តើអ្នកចង់អានរឿងមុននោះដែរទេ?

Sacchan