ហេតុអ្វីបានជាឧទ្យាន Nara ស្អាតមិនមានលាមកសត្វក្តាន់បែបនេះ?

នៅពេលរំលឹកដល់ Nara រឿងដំបូងដែលមនុស្សរាល់គ្នាគិតដល់គឺក្តាន់។ ឧទ្យាន Nara នៅទីប្រជុំជនទីក្រុងជាជម្រក​របស់​ហ្វូង​ក្តាន់​ព្រៃ ដែលបានក្លាយជាផ្នែកមួយនៃបេតិកភណ្ឌវប្បធម៌របស់ Nara ។

ដូចដែលអ្នកមើលឃើញមានសត្វក្តាន់ជាច្រើននៅក្នុងឧទ្យាន ហេតុអ្វីបានជាមានលាមកសត្វក្តាន់តិចម្ល៉េះ? តើ​ឧទ្យាន​ធ្វើ​យ៉ាង​ណាសម្អាតកន្លែងដែលមាន​សត្វ​ព្រៃ​ច្រើនបែបនេះ?

ចម្លើយស្ថិតនៅលើក្រុមអ្នកសម្អាតពិសេស មានជំនាញសម្អាតលាមកក្តាន់។ ស្តាប់ទៅដូចជាការងារហត់នឿយណាស់ ប៉ុន្តែតាមពិតក្រុមបោសសម្អាតនេះ មិនមែនជាមនុស្សនោះទេ។

なにいいいいいいいいいいいいいいいい

奈良公園が鹿のフンだらけにならないのは、マメに清掃しているからでなく、大量のコガネムシが分解して頑張ってくれてるからだとおおおおおおおおおお pic.twitter.com/Fg2AuaTWkd

— 万乗　大智 (@jgdjgdjgd) May 15, 2022

ដើម្បីយល់កាន់តែច្បាស់ សូមទស្សនាសារមន្ទីរ Naramachi ដែលជា “ការប្រមូលលាមកសត្វក្តាន់” ដ៏ល្អបំផុត។

សារមន្ទីរនេះមានឈ្មោះថា Naramachi Funchukan (ならまち糞虫館) ជាភាសាជប៉ុន។

សារមន្ទីរបើកសម្ភោធនៅរដូវក្តៅឆ្នាំ ២០១៨ នៅខាងក្នុងមានគំរូសត្វអណ្តើកមាសស៊ីលាមកជាច្រើន គ្រាន់តែជាគំរូមិន​មែន​របស់​ពិត​នោះ​ទេ។

នាយក និងជាស្ថាបនិកសារមន្ទីរលោក Keiichi Nakamura ត្រូវបានព័ណ៌នាលើគេហទំព័រផ្លូវការថា “ព្រះអង្គម្ចាស់​សត្វអណ្តើកមាស” ។ លោក Nakamura ចាប់​អារម្មណ៍​លើ​សត្វ​អណ្តើកមាស​តាំង​ពីរៀនវិទ្យាល័យ ដោយពន្យល់ថាជប៉ុនមានសត្វអណ្តើកមាសសុីលាមកប្រហែល ១៦០ ប្រភេទ ហើយអ្នកអាចរកឃើញប្រហែល ៦០ ប្រភេទនៅ Nara ។

កន្លែងដែលមានហ្វូងសត្វក្តាន់ព្រៃដើរហើរដោយសេរីតាមដងផ្លូវ ដូចជាកោះ Miyajima ទីក្រុង Hiroshima ក៏ជាកន្លែងដែលមានសត្វអណ្តើកមាសសុីលាមកច្រើនផងដែរ។ ប៉ុន្តែនៅតែមិនស្មើ Nara ពិសេសឧទ្យាន។

ក្នុងអំឡុងពេលដើរទស្សនាសារមន្ទីរ អ្នកនឹងដឹងថា មិនមែនសត្វអណ្តើកមាសទាំងអស់សុទ្ធតែរមៀលលាមកដែលពួកវាប្រមូលទៅជារៀងបាល់ធំនោះទេ ហើយពេលខ្លះប្រភេទសត្វល្អិតដូចគ្នាតែរាងកាយ និងពណ៌សម្បុរខុសគ្នា អាស្រ័យលើតំបន់រស់នៅ។

សារមន្ទីរបើកដំណើរការតែថ្ងៃសៅរ៍ និងថ្ងៃអាទិត្យប៉ុណ្ណោះ ដើររយៈពេល ១៥ នាទីពីស្ថានីយ៍ Kinki Nara មិនឆ្ងាយប៉ុន្មានទេ បើធៀបនឹងភាគនិរតីឧទ្យាន។ លោក Nakamura បាននិយាយថា “ខ្ញុំនឹងសប្បាយចិត្តប្រសិនបើយុវវ័យអោយតម្លៃសត្វអណ្តើកមាសសុីលាមក ដែលជាហេតុផលនៅពីក្រោយទេសភាពដ៏ស្រស់ស្អាតនៅ Nara ជាង ១៣០០ ឆ្នាំមកហើយ” ។

ព័ត៌មានទីតាំង

Naramachi Dung Beetle Gallery / ならまち糞虫館

អាស័យដ្ឋាន៖ Nara-ken, Nara-shi, Minamijodocho 28-13 奈良県奈良市南城戸町28-13

ម៉ោងបើកដំណើរការ៖ ម៉ោង ១៣ ដល់ម៉ោង ១៨ (ថ្ងៃសៅរ៍ និងអាទិត្យ)

តម្លៃសំបុត្រ៖ ៣០០ យ៉េន (មនុស្សពេញវ័យ) ១០០ យ៉េន (សិស្សសាលាបឋមសិក្សាចុះ) ។

Website

Sacchan