ជប៉ុនឧបត្ថម្ភប្រាក់ឱ្យ​គូស្វាមីភរិយាដែលរស់នៅកន្លែងមានមនុស្សចាស់ច្រើន ដើម្បីដោះស្រាយស្ថានភាពប្រជាជន​មាន​វ័យ​ចំណាស់ក្នុងតំបន់

ចាប់ពីខែមិថុនាខាងមុខ ទីក្រុង Chiba ក្នុងតំបន់តូក្យូប្រទេសជប៉ុន នឹងផ្តល់ប្រាក់ឧបត្ថម្ភរហូតដល់ ៣០ ម៉ឺនយ៉េន​សម្រាប់​គូស្វាមី​ភរិយា​ទើប​រៀបការ នៅពេលពួកគេផ្លាស់ទៅកន្លែងដែលមានមនុស្សចាស់រស់នៅច្រើន។

អ្នកដែលត្រូវបានទទួលស្គាល់ថាជាដៃគូមួយជីវិតយោងទៅតាមបទប្បញ្ញត្តិរបស់ទីក្រុង រួមទាំងសហគមន៍ LGBTQ ក៏មានសិទ្ធិទទួលបានប្រាក់ផងដែរ។ បើតាម VICE World អ្នកដែលមានអាយុក្រោម ៣៩ ឆ្នាំទើបអាចដាក់ពាក្យចូល​រួម​កម្មវិធី​នេះ។

នេះជាការខឹតខំប្រឹងប្រែងរបស់​រដ្ឋាភិបាលដើម្បីបង្វែរ​ស្ថានភាពប្រជាជន​មាន​វ័យ​ចំណាស់ក្នុងតំបន់។

Takeshi Tanikawa ជំនួយការនាយកផ្នែកគ្រប់គ្រងអគារនៃទីក្រុងនិយាយជាមួយ VICE World ថា “យើងសង្ឃឹម​ថាគូស្វាមីភរិយាវ័យក្មេងនឹងតាំងទីលំនៅនៅទីនេះ ដើម្បីជួយអាជីវកម្ម ឬបំពេញចន្លោះការងារដែល​ខ្វះ​ខាត​ក្នុងវិស័យ​នេះ” ។

ក្នុងនាមជាប្រទេសដែលមានប្រជាជនចំណាស់ច្រើនជាងគេលើពិភពលោក ជប៉ុនកំពុងតស៊ូនឹងសង្គមមួយដែលមានចំនួនប្រជាជនថយចុះ ហើយអត្រាកំណើតធ្លាក់ចុះចាប់ពីឆ្នាំ ១៩៧០ ។

មន្ត្រី​មាន​ការ​ព្រួយ​បារម្ភ​ថា ប្រសិនបើបញ្ហានេះមិនត្រូវបានដោះស្រាយ កម្លាំងពលកម្មអាចធ្វើអោយស្ថានភាពកាន់​តែ​ធ្ងន់​ធ្ងរ និងបណ្តាលឱ្យអត្រាកំណើនសេដ្ឋកិច្ចយឺត។

តំបន់ដូចជាទីក្រុង Chiba ដែលពីមុនគេហៅថា “ទីក្រុងខ្មោច” នៃប្រទេសជប៉ុន ជាមូលហេតុបណ្តាលឱ្យកើតមានស្ថានភាពនេះ។

នៅប្រទេសជប៉ុន ក៏ដូចជាបណ្តាប្រទេសជាច្រើនទៀត ជារឿយៗយុវជនតែងតែផ្លាស់ទៅរាជធានី ដើម្បីស្វែងរកការងារកាន់តែច្រើន។ ចំណុចនេះធ្វើឱ្យមានការប្រមូលផ្តុំមនុស្សនៅទីក្រុងធំៗ ចំណែកតំបន់​ជាយក្រុងកាន់តែតិច។

ដើម្បីការពារតំបន់ទាំងនេះ ត្រូវតែមានដំណោះស្រាយប្រកបដោយភាពច្នៃប្រឌិត សម្រាប់ស្វាគមន៍យុវជន។

នៅឆ្នាំ ២០១៧ ភូមិ Kosuge ខេត្ត Yamanashi ដែលល្បីជាមួយនឹងទេសភាពដ៏ស្រស់បំព្រងនៃភ្នំហ្វូជី ចាប់ផ្តើម​សាង​​សង់​​ផ្ទះ​តូចៗ​ដែល​មាន​តម្លៃ​សមរម្យ ដើម្បីទាក់ទាញយុវជនមករស់នៅ។

នៅទីក្រុង Minamisoma ខេត្ត Fukushima បរិយាកាសកន្លែងធ្វើការស្អាត មានឥទ្ធិពលទ្វេដងនៃកន្លែងស្នាក់នៅបើកនៅឆ្នាំ ២០១៩ ក្នុង​គោល​បំណង​ផ្តល់​ឱ្យសហគ្រិនវ័យក្មេងនូវទីតាំងដែលអាចបត់បែនបាន ដើម្បីចាប់ផ្តើម​អាជីវកម្ម​របស់​ពួកគេ។

ចំពោះ Chiba ការឧបត្ថម្ភធនជាកម្លាំងជំរុញគូស្វាមីភរិយាវ័យក្មេងផ្លាស់ទៅរស់នៅអគារលំនៅដ្ឋានដែលមានមនុស្ស​ចាស់​ច្រើន ទន្ទឹមនឹងទេសភាពស្អាត និងទីតាំងងាយស្រួល។

ក្រៅពីនេះ danchi (តំបន់លំនៅដ្ឋាន) ក៏នៅជិតសាលារៀន កន្លែងបណ្តុះដើមឈើ ពោពេញទៅដោយលក្ខខណ្ឌរស់​នៅ​ងាយ​ស្រួល​សម្រាប់​អ្នក​ដែល​ចង់​បង្កើតគ្រួសារ។

បើតាមទីក្រុង Chiba បានអោយដឹង ប្រជាជនជាង ៣៦% រស់នៅតំបន់លំនៅដ្ឋានមានអាយុជាង ៦៥ ឆ្នាំ ខ្ពស់ជាង ១០% បើធៀបនឹងចំនួនប្រជាជនទីក្រុងទាំងមូល។ ក្នុងចំណោមអគារមួយចំនួន ជាង​ពាក់​កណ្តាល​អ្នក​រស់​នៅ​​ជា​​មនុស្ស​​ចាស់។

នៅពេលដែលចំនួនប្រជាជនធ្លាក់ចុះ ០,៥១% ក្នុងឆ្នាំ ២០២១ មកត្រឹម ១២៥,៥ លាននាក់ តំបន់ជាយក្រុងនៃប្រទេស​ជប៉ុន​ទទួល​រងចំនួនប្រជានធ្លាក់ចុះច្រើនបំផុត។

សូម្បីតែរាជធានីតូក្យូ ដែលជាគោលដៅដំបូងសម្រាប់អ្នកក្នុងស្រុក និងជនបរទេស ក៏មានការថមថយដែរ។

នៅឆ្នាំ ២០២១ ជាលើកដំបូងចាប់តាំងពីឆ្នាំ ១៩៩៥ ចំនួនប្រជាជនរាជធានីធ្លាក់ចុះ ០,២៧% មួយផ្នែកដោយសារវិធាន​ការ​ត្រួត​ពិនិត្យ​ព្រំដែនតឹងតែងបានកំណត់ចំនួនពលករបរទេសមករស់នៅទីនេះ។

AD

មើលបន្ថែម: