ប្រៀបធៀបប្រាក់ចំណូលប្រចាំឆ្នាំរបស់អ្នកស្រុកក្នុងប្រទេសជប៉ុន ដើម្បីដឹងថា តើរស់នៅកន្លែងណាងាយនឹងក្លាយជាអ្នកមាន?

ប្រសិនបើអ្នកគិតចង់ទៅជប៉ុនដើម្បីរកប្រាក់ តើអ្នកចង់ធ្វើការនៅកន្លែងណា?

ជាទូទៅ អ្នករាល់គ្នានឹងធ្វើដំណើរទៅកាន់ទីក្រុងធំៗ ដូចជាតូក្យូ ឬអូសាកា។ តំបន់​ទាំងនេះ​មាន​តម្រូវការ​ការងារ​ខ្ពស់​ ហើយ​ជាក់​ស្តែង​បង្ហាញ​​ថា​មាន​អ្នក​រក​ចំណូល​បាន​ច្រើន​។

ទោះជាយ៉ាងណា ជាទូទៅការគិតនេះមិនប្រាកដជាត្រូវនោះទេ។

ជាដំបូង សូមសង្កេតមើលស្ថិតិខាងក្រោម៖

នេះជាតារាងប្រាក់ចំណូលប្រចាំឆ្នាំជាមធ្យមតាមតំបន់។

គ្មាននរណាម្នាក់បដិសេធថាទីក្រុងតូក្យូជាប់ចំណាត់ថ្នាក់លេខ ១ នោះទេ។ ទោះជាយ៉ាងណា ប្រសិនបើអ្នកពិចារណា​រវាង​ចំនួន​ទឹកប្រាក់ដែលរកបាន និងចំនួនទឹកប្រាក់ត្រូវចំណាយ នៅទីក្រុងតូក្យូពិបាកនឹងក្លាយជាអ្នកមាន​ណាស់។ Kanagawa និង Chiba ជាតំបន់ស្ថិតក្នុងបរិវេណទីក្រុងតូក្យូ។ តម្លៃជួលមិនខ្ពស់ដូចនៅទីក្រុងតូក្យូឡើយ ដូច្នេះអ្នកអាចកាត់បន្ថយសម្ពាធក្នុងការចំណាយ។

ក្រៅពីនេះ ទោះបីជាប្រាក់ចំណូលនៅ Okinawa ទាបជាងទីក្រុងតូក្យូដល់ទៅ ១ លានយ៉េន ប៉ុន្តែតម្លៃនៅទីនោះទាប ដូច្នេះ​អាច​រស់នៅយ៉ាងល្អ។

សរុបទៅ គ្មានអ្វីចម្លែកនឹងណាត់ថ្នាក់តំបន់ខ្ពស់ និងតំបន់ទាបបំផុតនោះទេ។ ប៉ុន្តែបញ្ហាស្ថិតលើ Osaka ជាប់ត្រឹម​​ចំណាត់​ថ្នាក់ ២១ ។ Osaka គឺជាតំបន់ទីប្រជុំជនដែលមានភាពអ៊ូអរ អាចប្រៀបនឹងទីក្រុងតូក្យូ ប៉ុន្តែហេតុ​អ្វីបាន​ជា​ជាប់​ចំណាត់ថ្នាក់ទាបម្ល៉េះ?

ម្យ៉ាងវិញទៀតចំណាត់លេខ ៨ របស់ Yamaguchi លេខ ១០ របស់ Shiga និងលេខ ១១ របស់ Mie ក៏គួរ​ឱ្យ​កត់​សម្គាល់​ផង​ដែរ។ ទោះ​បី​ជា​មិន​មាន​មុខ​មាត់ដូចតំបន់ទីក្រុង តំបន់ទាំងនេះជាប់ចំណាត់ខ្ពស់ល្អ ខ្ញុំ​មិន​ធ្លាប់​រស់​នៅ​​កន្លែង​ខាង​លើ​នោះ​ទេ ប៉ុន្តែ​ប្រាកដ​ណាស់​ថា​តម្លៃ​ជួល​នៅ​ទីនោះ​ថោក​ជាង​តូ​ក្យូ ឬ​អូ​សា​កា ។

ប្រហែលជាយើងគួរតែបោះបង់ចោលគំនិតរស់នៅក្នុងទីក្រុងធំទើបអាចធ្វើឱ្យយើងក្លាយទៅជាអ្នកមាន។ ឥឡូវនេះផលិត​ផល​ត្រូវ​បាន​ចែក​ចាយ​ទូទាំង​ប្រទេស ការទិញទំនិញតាមអនឡាញកាន់តែមានភាពងាយស្រួលជាងមុនទៅទៀត។ តម្រូវ​ការ​ផលិត​ផល​ក្នុង​ស្រុក​លែង​ជាបញ្ហាទៀតហើយ។

លើស​ពី​នេះ​ទៅ​ទៀត មានចំណុចមួយដែលមិនទាន់លាត​ត្រដាង​តាម​រយៈ​តារាង​ស្ថិតិ​ខាង​លើ។ សូមក្រឡេកមើលផ្នែក​ពណ៌​បៃ​តង ជួរឈរនេះបង្ហាញពីប្រាក់ចំណូលជាមធ្យមឆ្នាំមុន។ នៅពេលប្រៀបធៀប អ្នកអាចមើលឃើញថាតំបន់​ភាគ​ច្រើន​មាន​តួលេខ​ប្រាក់ចំណូលទាបជាងបើធៀបនឹងឆ្នាំមុន។

ពិតណាស់មូលហេតុមួយផ្នែកបណ្តាលមកពីជំងឺរាតត្បាត ទោះជាយ៉ាងណានេះមិនមែនជាទិសដៅវិជ្ជមាននោះទេ។

សូមព្យាយាមឡើង ប្រទេសជប៉ុនទាំងមូល។

Kengo Abe