ការស្ទង់មតិបង្ហាញថា ៧០% គ្រូបង្រៀនមធ្យមសិក្សាជប៉ុនកំពុងធ្វើ​ការ​ហួស​កម្លាំង

ជាក់ស្តែង ការស្ទង់មតិបង្ហាញថា គ្រូបង្រៀនមធ្យមសិក្សាជប៉ុនជាង ៧០% ធ្វើការថែមម៉ោង ៨០ ម៉ោងក្នុងមួយ​ខែ ដែលជា​កម្រិត​​ត្រូវគេចាត់ទុកថាធ្វើការហួសកម្លាំងអាចបណ្តាលឱ្យស្លាប់។

ម៉្យាងវិញទៀត ការស្ទង់មតិដែលធ្វើឡើងដោយក្រុមអ្នកស្រាវជ្រាវរួមមាន Ryo Uchida សាស្ត្រាចារ្យនៅសាកលវិទ្យាល័យ Nagoya បាន​រក​ឃើញ​ថា គ្រូបង្រៀនម្នាក់ក្នុងចំណោមគ្រូបង្រៀនបឋមសិក្សា ៣ នាក់បានរាយការណ៍ធ្វើការ ៤០ ម៉ោង​ឡើងក្នុងមួយសប្តាហ៍ ហើយនិយាយថាពួកគេត្រូវគ្រប់គ្រង និងអ្នកផ្សេងទៀតទាមទារឱ្យរាយ​ការណ៍​ពេលវេលាទាបជាង។

Uchida បានវាយតម្លៃថា “បញ្ហាគ្រូធ្វើ​ការ​ច្រើន​ម៉ោង​នឹង​មាន​ឥទ្ធិពល​អវិជ្ជមាន​ដល់​សិស្ស។ នេះ​ជា​បញ្ហា​សង្គម” ។

ការស្ទង់មតិដាច់ដោយឡែកត្រូវបានធ្វើឡើងក្នុងឆ្នាំ ២០១៦ ស្តីពីលក្ខខណ្ឌការងាររបស់គ្រូបង្រៀនដែលធ្វើឡើងដោយក្រសួងអប់រំបានបង្ហាញថា គ្រូបង្រៀនបឋមសិក្សាប្រហែល ៣០% និងគ្រូបង្រៀនមធ្យមសិក្សា ៦០% ធ្វើការ​ថែម​ម៉ោង​ជាង ៨០ ម៉ោងក្នុងមួយខែ។

ក្នុងការស្ទង់មតិចុងក្រោយបង្អស់ដែលធ្វើឡើងនៅខែវិច្ឆិកា ឆ្នាំ ២០២១ Uchida និងអ្នកស្រាវជ្រាវផ្សេងទៀតបានកំណត់គោលដៅអ្នកចូលរួមការស្ទង់មតិចុះឈ្មោះអនឡាញ និងទទួលបានការឆ្លើយតបពីគ្រូបង្រៀនចំនួន ៩២៤ នាក់ដែលមានអាយុចន្លោះពី ២០ ទៅ ៥០ ឆ្នាំ ធ្វើការពេញម៉ោង​នៅ​សាលា​បឋម​សិក្សា និងមធ្យមសិក្សារដ្ឋ។ អ្នកចូលរួមទទួលបានសំណួរ តើពេលវេលាពួកគេចាប់ផ្តើម និងបញ្ចប់ការងារនៅម៉ោងប៉ុន្មានក្នុងមួយសប្តាហ៍ ហើយពួក​គេ​ត្រូវ​ចំណាយ​ពេល​ធ្វើការនៅផ្ទះប៉ុន្មានម៉ោង ជាមួយនឹងសំណួរផ្សេងទៀត។

ការស្ទង់មតិបានបង្ហាញថា ៧៤,៤% គ្រូបង្រៀនមធ្យមធ្វើការជាង ៨០ ម៉ោងក្នុងមួយខែ។ សរុបទៅ គ្រូបង្រៀនសរុបចំនួន ៦៦,៩% បានរាយ​ការណ៍​ថា ធ្វើការថែមម៉ោង ២០ ម៉ោងឡើងក្នុងមួយសប្តាហ៍ លើសបន្ទាត់កំណត់ការស្លាប់​ដោយ​សារ​ធ្វើការហួសកម្លាំង ហៅថា “karoshi” ជា​ភាសា​ជប៉ុន។ ក្រៅពីនេះ គ្រូមធ្យម ១៨,១% និង គ្រូបឋមសិក្សា ១០,៨% ធ្វើការថែមម៉ោងពី ៤០ ម៉ោងឡើងក្នុងមួយសប្តាហ៍។ ជាងនេះទៅទៀត ទាំង​នៅ​សាលា​បឋម​សិក្សា និង​មធ្យម​សិក្សា ប្រហែល​ពាក់​កណ្តាលគ្រូ​ដែល​ត្រូវ​បាន​ស្ទង់​មតិ​​និយាយ​ថា ​ពួក​គេ​មិនមានពេលសម្រាកទេ។

ការស្ទង់មតិក៏បានរកឃើញសំណើរបស់បុគ្គលិកគ្រប់គ្រងចំពោះគ្រូបង្រៀនក្នុងការរាយការណ៍អំពីពេលវេលាធ្វើការ។ នៅពេលទទួលបានសំណួរ តើពួកគេអាចនឹងត្រូវស្នើឱ្យសរសេរប្រវត្តិរូបការងារឡើងវិញ ដើម្បីឱ្យមើលទៅដូច​ជា​គ្រូ​បង្រៀន​បានធ្វើការបន្ថែមម៉ោងតិចជាងក្នុងរយៈពេល ២ ឆ្នាំឬអត់ ១៦,៦% អ្នកចូលរួមស្ទង់មតិឆ្លើយថាពួក​គេ​ត្រូវបានស្នើឱ្យធ្វើដូច្នេះ។ ក្រៅពីនេះ ៤៣% គ្រូបង្រៀនបឋមសិក្សាបាននិយាយថា “ពួកគេមិនបានរាយការណ៍​ត្រឹម​ត្រូវ” ម៉ោងធ្វើការចុងសប្តាហ៍របស់ខ្លួនឡើយ។

ឆ្លើយ​តប​នឹង​សំណួរ​បំណង​ចង់​ធ្វើ​ការ​របស់​គ្រូ​បង្រៀន ពួកគេនិយាយថាពេលវេលាធ្វើការកាន់តែច្រើន ពួកគេកាន់​តែព្រួយបារម្ភ។ ក្នុងចំណោមគ្រូបង្រៀនដែលធ្វើការ ៤០ ម៉ោងឡើងក្នុងមួយសប្តាហ៍ មាន ៨១,៩% នាក់បញ្ជាក់​​អំពី​រឿង​នេះ ជាក់ស្តែងមានអ្នកឆ្លើយថា “ខ្ញុំ​បារម្ភ​ថា​តើអាច​រក​ឃើញ​​សកម្មភាព​គំរាម​កំហែង​ឬអត់” ឬ ៧០,១% ឆ្លើយ​ថា “ខ្ញុំចូលថ្នាក់រៀនដោយ​គ្មាន​ការ​ត្រៀម​ខ្លួន​គ្រប់គ្រាន់” ។

Uchida និយាយថា “ជាមួយនឹងគោលការណ៍ណែនាំតឹងរ៉ឹងលើការគ្រប់គ្រងពេលវេលាធ្វើការ ចំណុចនេះធ្វើឱ្យគ្រូបង្រៀន​យកការងារទៅផ្ទះ។ ពួកគេ​ក៏​បង្កើន​ចំនួន​បុគ្គលិក​ដើម្បីកាត់បន្ថយពេលវេលាធ្វើការ ឬការងារមួយចំនួនអាច​ជួល​នៅខាង​ក្រៅ” ។

Sacchan