មន្ទីរពិសោធន៍កំដៅបរមាណូធំជាងគេលើពិភពលោក តើប្រទេស​ជប៉ុន​អាច​នឹងក្លាយជាមហាអំណាចថាមពលដែរទេ?

អគ្គិសនីបានក្លាយទៅជាផ្នែកមួយដែលមិនអាចខ្វះបានក្នុងជីវិតមនុស្ស។ សាកស្រមៃមើលបើដាច់ភ្លើង តើអ្នកនឹង​រស់​នៅ​បែប​ណា? សព្វ​ថ្ងៃ​នេះ​សង្គម​មនុស្សពឹងផ្អែកលើឧបករណ៍ប្រើប្រាស់អគ្គិសនីច្រើនជាងអ្វីដែលអ្នកគិត។

បច្ចុប្បន្ន សង្គ្រាមរវាង​រុស្ស៊ី និង​អ៊ុយក្រែននៅតែបណ្តាលអោយមានបញ្ហាផ្គត់ផ្គង់​ឧស្ម័ន​ជុំវិញ​ពិភពលោក។ ពិភព​លោក​កំពុង​ផ្លាស់​ប្តូរ​ទិសដៅដែលប្រទេសនានាត្រូវបង្កើតយុទ្ធសាស្ត្រថាមពលឯករាជ្យ ដោយមិនពឹងផ្អែកលើប្រទេស​ផ្សេង។

ប្រភពថាមពលដែលមានទាំងស្ថេរភាព ធានាបញ្ហាបរិស្ថាន។ នៅពេលនិយាយពីរឿងនេះ មនុស្ស​ជា​ច្រើន​គិត​ភ្លាមដល់​ថាម​ពល​​នុយក្លេអ៊ែរ ដែលជាបច្ចេក​វិទ្យា​របស់​មនុស្សជាតិ។ ទោះជាយ៉ាងណា បញ្ហានុយក្លេអ៊ែរមានភាពរសើបខ្លាំង​នៅ​ក្នុង​ប្រទេស​ជប៉ុន។

យើងទាំងអស់គ្នាដឹងអំពីព្រឹត្តិការណ៍ទម្លាក់គ្រាប់បែកបរមាណូនៅលើទីក្រុងចំនួន ២ របស់ជប៉ុនក្នុងអំឡុងសង្គ្រាម​លោក​លើក​ទីពីរ។ មិនដូចការបំផ្ទុះគ្រាប់បែកធម្មតាទេ ការបំពុលវិទ្យុសកម្មនុយក្លេអ៊ែរមានផលវិបាកយូរអង្វែង ហើយ​បន្តរហូតមកដល់បច្ចុប្បន្ន។

មិនត្រឹម​តែប៉ុណ្ណឹង ឧប្បត្តិហេតុ​រោងចក្រ​ថាមពល​នុយក្លេអ៊ែរ Fukushima និងគ្រោះមហន្តរាយនៅជប៉ុន ឆ្នាំ ២០១១ ធ្វើ​ឱ្យ​ជនជាតិ​ជប៉ុនមាន​ការ​ប្រកាន់​​យ៉ាង​​ខ្លាំង​​ចំពោះ​ពាក្យ​ “នុយក្លេអ៊ែរ” ។ ទាំង​នោះជា​ការ​ឈឺ​ចាប់​ដែល​មិន​​អាច​​បំភ្លេច​​បាន ហើយ​ក៏​មិន​ត្រូវ​បំភ្លេច​​ដែរ។

ឧបទ្ទវហេតុនុយក្លេអ៊ែរមានទ្រង់ទ្រាយធំ តែក៏ពិបាកនឹងកើតឡើង ប៉ុន្តែប្រជាជនជប៉ុនជួបប្រទះដល់ទៅពីរដង។ ដូចជាប្រទេសជប៉ុនមានគំនុំនឹង​​នុយក្លេអ៊ែរ​អញ្ចឹង។ តាមទស្សនៈមនោសញ្ចេតនាជាតិនិយម អ្នក​នយោបាយឆ្ពោះ​ទៅ​រក​ការ​ដក​ខ្លួន​ចេញ​ពី​នុយក្លេអ៊ែរ។

បច្ចុប្បន្ននេះមានការជជែកគ្នាជាច្រើនអំពីបញ្ហាផ្ទុកបរិមាណឧស្ម័ន Metan Hydrat បច្ចេកវិទ្យាថ្មីនឹងក្លាយជាការពិត​ទៅ​តាម​ពេល​វេលា ទោះជា​យ៉ាង​ណា នៅ​ពេល​នេះ​ជប៉ុននៅតែត្រូវពឹងផ្អែកលើថាមពលនុយក្លេអ៊ែរ។

ត្រង់ចំណុចនេះ មនុស្សកំពុងជជែកគ្នាអំពីប្រតិកម្មនុយក្លេអ៊ែរ ចំពោះវិធីសាស្រ្តប្រើប្រាស់ថាមពលនុយក្លេអ៊ែរថ្មី។ ថាមពលនុយក្លេអ៊ែរធម្មតាប្រើដំណើរការកំដៅបរមាណូ ទទួល​បាន​ដោយ​ការ​គ្រប់​គ្រងល្បឿនកំដៅបរមាណូកើតឡើងក្នុង​ប្រតិកម្ម​​ហ្សែន។ ក្នុងករណីដំណើរការមិនបានគ្រប់គ្រងយ៉ាងតឹងរ៉ឹង ផលវិបាក​មិន​អាច​ស្មាន​ដល់នោះទេ។

បញ្ហាត្រង់ចំណុចនេះស្ថិតនៅលើដំណាក់កាលគ្រប់គ្រង។ ឧបទ្ទវហេតុ Fukushima កើតឡើងដោយសារតែមិនអាចគ្រប់​គ្រង​ដំណើរ​ការ។

ម៉្យាងវិញទៀត ប្រតិកម្ម​នុយក្លេអ៊ែរមាន​លក្ខណៈពិបាក​នឹង​កើត​ឡើង​ដោយ​ឯកឯង។ ក្នុងដំណើរការផលិត ត្រូវមាន​ការ​គ្រប់គ្រងរបស់មនុស្សទើបខ្សែសង្វាក់ថ្មីអាចកើតឡើងជាបន្តបន្ទាប់ ក្នុងករណីមានឧបទ្ទវហេតុ គ្មានប្រតិកម្ម​ខ្សែសង្វាក់កើតឡើង ប្រសិនបើមិនមានផលប៉ះពាល់ ដូច្នេះអាចចាត់ទុកថាជាចំណុចសុវត្ថិភាព។

ដោយសារប្រតិកម្មនុយក្លេអ៊ែរស្ទើរតែដូចប្រភពថាមពលពន្លឺព្រះអាទិត្យ ដូច្នេះមនុស្សមួយចំនួនគិតថា “តើព្រះអាទិត្យជាខ្សែសង្វាក់កំដៅបរមាណូ​មែន​ទេ?” បញ្ហានេះពិបាកពន្យល់ណាស់ ដូច្នេះអ្នកអាចសាក​ល្បង​ស្រាវ​ជ្រាវ​ដោយ​​ខ្លួន​​ឯង។

ត្រលប់ទៅបញ្ហាបង្កើតថាមពលកំដៅបរមាណូ។ ការស្រាវជ្រាវជាច្រើនកំពុងត្រូវបានធ្វើឡើងនៅជុំវិញពិភពលោក ហើយក៏កំពុង​ពេញនិយមនៅក្នុង​ប្រទេស​ជប៉ុន​ផង​ដែរ។

ឧបករណ៍ពិសោធន៍កំដៅបរមាណូដែលជប៉ុន និងសហភាពអឺរ៉ុបសហការអនុវត្តត្រូវគេរំពឹងថានឹងចាប់ផ្តើមដំណើរការនៅ Ibaraki ឆ្នាំ ២០២២ ។ នេះជា​ឧបករណ៍​ធំ​ជាង​គេលើពិភពលោក ហើយគ្រោងនឹងប្រមូលផ្តុំអ្នកស្រាវជ្រាវមក​ពី​ជុំវិញ​ពិភព​លោក។

មានការសន្និដ្ឋាន និងវិធីសាស្រ្តជាច្រើនស្តីអំពីប្រតិកម្មនុយក្លេអ៊ែរ ទោះជាយ៉ាងណា វិធីសាស្រ្តផលិតថាមពលដែល​មន្ទីរពិសោធន៍​នេះអនុវត្តមានអត្ថប្រយោជន៍ជាច្រើនដូចខាងក្រោម៖

១​. ងាយស្រួលគ្រប់គ្រង សុវត្ថិភាពខ្ពស់

ចំពោះបញ្ហានេះ កថាខណ្ឌ​ខាង​លើ​បាន​ពន្យល់​រួច​ហើយ។

២. ប្រេងឥន្ធនៈមានប្រភពមកពីទឹកសមុទ្រ និងមិនចេះអស់

ជប៉ុនជាប្រទេសកោះដែលហ៊ុំព័ទ្ធដោយសមុទ្រ ដូច្នេះហើយ នេះជា​ប្រភព​មិនចេះខ្វះសម្រាប់​ប្រទេសជប៉ុន។

៣. បង្កើតថាមពលខ្លាំងជាមួយនឹងបរិមាណតិចតួច

ត្រឹម​តែបរិមាណប្រេងឥន្ធនៈបន្តិចអាចផលិតថាមពលដែលស្មើនឹងប្រេង ៨ តោន។

៤. គ្មានការបំភាយ carbon dioxide

នេះ​ជា​កត្តាល្អក្នុង​ការ​ទប់​ស្កាត់​ការ​ឡើង​កំដៅ​ផែនដី។

៥. គ្មានកាកសំណល់វិទ្យុសកម្មកម្រិតខ្ពស់

នេះក៏ជាបញ្ហាទូទៅនៅក្នុងរោងចក្រថាមពលនុយក្លេអ៊ែរធម្មតាផងដែរ។

បច្ចុប្បន្នព័ត៌មានមានភាពវិជ្ជមានច្រើន ប៉ុន្តែតើគ្រប់យ៉ាងអាចនឹងអំណោយផលដូចនេះ? មានតែពេលវេលាទើបអាចឆ្លើយតប។

តើ​អ្នកធ្លាប់​គិត​ថាជប៉ុនដែល​ជា​ប្រទេស​គ្មាន​ធនធាន​នឹង​ក្លាយ​ជា​មហាអំណាច​ថាមពលដែរ​ឬទេ?

Kengo Abe