ត្រឹម​រូបភាពជណ្តើរមួយសន្លឹកបង្ហាញពីវប្បធម៌ជប៉ុនប្លែកៗជាច្រើន

ប្រហែលជាអ្នកធ្លាប់អានអត្តបទជាច្រើននិយាយពីវប្បធម៌ជប៉ុនមានភាពសម្បូរបែប ត្រឹមរូបភាពមួយសន្លឹកមាន​អត្តន័យ​យ៉ាង​ច្រើន។

នេះជារូបថតដែលអ្នកប្រើគណនី Twitter @TZH331029_Evae បានចែករំលែក រូបភាពនេះបង្ហាញយ៉ាងច្រើនអំពី​វប្បធម៌​ជប៉ុន។

រូបថតជណ្តើរនៅស្ថានីយ៍មានស្លាកសញ្ញាពីរសងខាង ស្លាកសញ្ញាខាងឆ្វេងសរសេរថា “ដើរចុះ” ចំណែកខាងស្តាំសរសេរ​ថា “ដើរឡើង” ។ អ្នកមើលឃើញទេថាផ្នែកខាងឆ្វេងជណ្តើរសើម ចំណែកផ្នែកខាងស្តាំស្ងួត។

ដើម្បីយល់ពីអ្វីដែលកើតឡើងក្នុងរូបថតនេះ យើងត្រូវពិចារណាកត្តាខាងក្រៅ។ ជាដំបូង អ្នកប្រើគណនី Twitter ថតរូបភាពនៅស្ថានីយ៍ Yushima ទីក្រុងតូក្យូ ជាចំណតមួយនៃខ្សែរថភ្លើង Chiyoda ។ ថ្ងៃច័ន្ទ ដែលជាថ្ងៃថតរូបភ្លៀងធ្លាក់។

いかに日本人が律儀なのかがよくわかる写真

ヒント:外は雨 pic.twitter.com/GlrYhGgFEK

— もきち (@TZH331029_Evae) May 9, 2022

មូលហេតុ​ផ្នែកជណ្តើរខាង​ឆ្វេង​សើមដោយសារអ្នកដែលដើរចុះមកពីខាងក្រៅស្ថានីយ៍ ទើបស្បែកជើងរបស់ពួកគេ​សើម (ស្លាកសញ្ញាម្ខាងទៀតសម្រាប់អ្នកទាំងនេះអាន) ។ ម្យ៉ាងវិញទៀត អ្នកដែលឡើងរថភ្លើងមួយរយៈពេលស្បែក​ជើង​របស់​ពួក​គេ​ស្ងួត ដូច្នេះ​ស្បែកជើងរបស់ពួកគេមិនទទឹកទឹកភ្លៀង។

ហេតុ​អ្វីបានជាត្រូវរចនាស្លាក​សញ្ញាណែនាំ​បែបនេះ? ដោយសារតែនៅម៉ោងមមាញឹក ស្ថានីយ៍ Yushima ក៏ដូចជាស្ថានីយ៍រថភ្លើងផ្សេងទៀតនៅក្នុងប្រទេសជប៉ុន មានមនុស្សច្រើនណាស់។ ការរចនាស្លាកសញ្ញាណែនាំទិសដៅអនុញ្ញាត​ឱ្យ​លំហូរ​អ្នកដំណើររលូន កាត់បន្ថយការកកស្ទះ និងការប៉ះទង្គិច។

ចំពោះទម្លាប់ដើរខាងឆ្វេង ឬខាងស្តាំជណ្តើរ បើតាមទំនៀមទម្លាប់ក្នុងស្រុកមួយចំនួនខុសគ្នា។ ទោះជាយ៉ាងណា ជា​មួយ​នឹង​ស្លាកសញ្ញាបែបនេះ មិនថាប្រជាជននៅទីណា ជនជាតិជប៉ុនភាគច្រើនគោរពតាម ទោះបីជាផ្ទុយនឹងទម្លាប់​របស់ពួកគេក៏ដោយ។ ចំណុចនេះបង្ហាញថា ជនជាតិជប៉ុនយកចិត្តទុកដាក់ចំពោះស្លាកសញ្ញា ហើយមានវិន័យ​​ខ្ពស់​​ក្នុង​ការ​អនុវត្ត​តាម​ច្បាប់ និងបទប្បញ្ញត្តិ។

Sacchan