កន្លែងទេសចរណ៍ដែលទទួលបានរង្វាន់ពី Japan Travel Awards ឆ្នាំ ២០២២

រង្វាន់ទេសចរណ៍ជប៉ុនចេញផ្សាយនៅឆ្នាំនេះ ដែលផ្តល់កិត្តិយសដល់ទីកន្លែង អង្គការនានាចូលរួមចំណែកដោះស្រាយ និង​លើក​កម្ពស់ភាពសម្បូរបែប ការដាក់បញ្ចូល និរន្តរភាព និងបដិសណ្ឋារកិច្ចសម្រាប់វិស័យទេសចរណ៍ជប៉ុន។

ជាមួយនឹងរង្វាន់ក្នុងឆ្នាំដំបូងនេះ Japan Travel Awards បានប្រគល់ជូនចំនួន ៨ ទីតាំង និងអង្គការដែលឈ្នះ ៧ ចំណុច​ខុសៗគ្នា។ ក្រៅពីនេះ មានរង្វាន់ពិសេសចំនួន ៦ និងរង្វាន់ Grand Prix ផងដែរ។

គណៈ​វិនិច្ឆ័យ​រង្វាន់ Japan Travel Awards រួមមានអ្នកនិពន្ធផ្នែកទេសចរណ៍ អ្នកទីផ្សារ និងសហគ្រិន។

ថ្វីត្បិតតែជប៉ុនមិនទាន់មានគម្រោងបើកវិស័យទេសចរណ៍ភ្លាមៗ ទោះជាយ៉ាងណា អ្នកនៅតែអាចមើលបញ្ជីទីកន្លែងខាងក្រោម សម្រាប់អ្នកដែលចង់ធ្វើដំណើរកំសាន្ត និងស្វែងយល់អំពីប្រទេសជប៉ុន។

ប្រភេទចំណាត់ថ្នាក់

មជ្ឈមណ្ឌលទេសចរណ៍នៅ Fukushima មានឯកទេសផ្តល់សេវាកម្មពហុភាសាសម្រាប់អ្នកដំណើរដែលត្រូវការ បានក្លាយជាអ្នកឈ្នះចំណាត់ថ្នាក់ “ងាយស្រួលធ្វើដំណើរ” នៃ Japan Travel Awards ឆ្នាំ ២០២២ ។

មជ្ឈមណ្ឌលនេះក៏ផ្តល់សេវាកម្មប្រឹក្សាដល់អាជីវកម្មក្នុងស្រុក និងភ្នាក់ងារទេសចរណ៍ ដើម្បីជួយដល់ពួកគេស្វែងរកដំណោះស្រាយត្រឹមត្រូវ បង្កើនគុណភាពទេសចរណ៍។

ចំណាត់ថ្នាក់សេវាកម្មល្អបំផុត

នៅខេត្ត Yamanashi រមណីយដ្ឋាន Fufu Kawaguchiko ហ៊ុំព័ទ្ធដោយព្រៃឈើខៀវស្រងាត់ មានទេសភាពស្រស់ស្អាត។ នៅកន្លែងនេះផ្តល់សេវាកម្មប្រកបដោយគុណភាពសម្រាប់ភ្ញៀវទេសចរណ៍ ត្រូវបានគណៈវិនិច្ឆ័យជ្រើសរើសជាកន្លែងដែលមាន “សេវាកម្មល្អបំផុត” នៃ Japan Travel Awards ឆ្នាំ ២០២២ ។

ជាទូទៅ ភ្ញៀវមានអារម្មណ៍សុវត្ថិភាពជាមួយនឹងបរិយាកាសត្រជាក់ សម្រាកលំហែរកាយក្នុងអំឡុងពេលស្នាក់នៅ រួម​ជា​មួយ​បុគ្គលិក​រួសរាយរាក់ទាក់​នឹង​សហគមន៍ LGBTQ+ ។

ចំណាត់ថ្នាក់និរន្តរភាព

ចំណាត់ថ្នាក់នេះមានតំណាងឈ្នះចំនួន ២ គឺសណ្ឋាគារ Hotel Why និងតំបន់ទេសចរណ៍រួមទាំងតំបន់ Nishi-Awa នៃភ្នំ Tsurugi តំបន់ទេស​ចរណ៍​ទន្លេ Yoshino ។ ទាំងអស់ស្ថិតនៅខេត្ត Tokushima ។

សណ្ឋាគារ Hotel Why នៅ Kamikatsu ជាទីក្រុងគ្មានសំរាមល្បីលើពិភពលោករបស់ជប៉ុន។ សណ្ឋាគា​និរន្តរភាព​នេះ​​ត្រូវ​​បាន​​សាងសង់​ឡើង​ដោយ​ឈើ​តាត្រៅដែល​ប្រមូល​បានពីព្រៃ​ក្នុង​ស្រុក។

ជាពិសេស គ្រឿងសង្ហារិមខាងក្នុងសណ្ឋាគារ Hotel Why ត្រូវបានកែច្នៃឡើងវិញពីទ្វារធំ បង្អួច និងគ្រឿងសង្ហារឹមដែល​លែង​ប្រើ​របស់​អ្នកស្រុកនៅទីនេះ។

ភ្ញៀវ​ទេសចរ​ណ៍អាច​ទៅ​មើល​មជ្ឈមណ្ឌលកាក​សំណល់​នៅ​ក្បែរ​នោះ ដើម្បីស្វែងយល់ពីរបៀបដែលទីក្រុងបញ្ចូលការ​កែ​ច្នៃ​ឡើង​វិញ​ទៅ​ក្នុងជីវិតប្រចាំថ្ងៃ។

កន្លែងឈ្នះទីពីរគឺភ្នំ Tsurugi និងតំបន់ទេសចរណ៍ទន្លេ Yoshino នៅខេត្ត Tokushima ។ តំបន់ដ៏ពេញនិយមនេះត្រូវគេចាត់ទុកជាកន្លែងធម្មជាតិ ជាកន្លែងដែលប្រជាជនរស់នៅដោយសុខដុមជាមួយនឹងធម្មជាតិ។

ចំណុចពិសេសគឺ Earthship Mima ផ្ទះសំណាក់និរន្តរភាពដែលសាងសង់ដោយសម្ភារៈកែច្នៃ និងដំណើរការដោយអគ្គិសនី និងទឹកដែលផលិត​ដោយ​ខ្លួន​ឯង។

ចំណាត់ថ្នាក់ស្និទ្ធស្នាលនឹងគ្រួសារ

Happy Raft នៅខេត្ត Kochi តែងតែនាំមកនូវដំណើរផ្សងព្រេងលំដាប់ពិភពលោកដូចជាបណ្តែតក្បូន ឡើងភ្នំ និង​មគ្គុទ្ទេសក៍​ជា​ភាសា​អង់គ្លេស និងភាសាជប៉ុន ចាត់ក្នុងប្រភេទ “ចំណាត់ថ្នាក់ស្និទ្ធស្នាលនឹងគ្រួសារ” ។

មិនដូចជាក្រុមហ៊ុនផ្តល់បទពិសោធន៍កីឡាខាងក្រៅផ្សេងទៀតទេ Happy Raft ក៏បង្កើតសេវាកម្មសម្រាប់គ្រួសារដែលមានកូនអាយុក្រោម ៣ ឆ្នាំ​ផង​ដែរ។

ក្រុមមគ្គុទ្ទេសក៍ដែលទទួលបានការបណ្តុះបណ្តាលយ៉ាងល្អតែងតែធានាសុវត្ថិភាពរបស់កុមារ និងភ្ញៀវក្នុងអំឡុងពេល​ធ្វើ​ដំណើរ ក៏ដូចជារៀបចំការស្នាក់នៅពេលយប់ផងដែរ។

ចំណាត់ថ្នាក់ស្និទ្ធស្នាលនឹងសមាគមន៍ LGBTQ+

ទើបតែបើកថ្មីកាលពីឆ្នាំមុន សណ្ឋាគារ W Osaka ដែលជាកម្មសិទ្ធិរបស់ម៉ាកយីហោសណ្ឋាគារ Marriott International ល្បី​ឈ្មោះ លេចធ្លោជាមួយនឹងការរចនាគួរឱ្យទាក់ទាញ និងលើកកម្ពស់ភាពសម្បូរបែប ការរួមបញ្ចូល​ត្រូវ​បាន​ចាត់ចំណាត់ថ្នាក់ “ស្និទ្ធស្នាលនឹងសហគមន៍ LGBTQ+” ។

តាំងពីពេលបើកដំណើរការ សណ្ឋាគារ W Osaka បានរៀបចំព្រឹត្តិការណ៍មានអត្ថន័យជាច្រើនដូចជា Queer Me Out ឬ What She Said ដោយលើកឡើងពីបញ្ហាសង្គមសំខាន់ៗដូចជា ប្រារព្ធពិធីសម្បូរបែប និងផ្តល់សិទ្ធិដល់ស្ត្រី។

ចំណាត់ថ្នាក់ស្នាក់នៅប្រណីតបំផុត

ក្នុងចំណាត់ថ្នាក់នេះ រមណីយដ្ឋានមាត់សមុទ្រ Hoshinoya Okinawa ស្ថិតនៅភូមិមាត់សមុទ្រ Yomitan បានជាប់ចំណាត់​ថ្នាក់ និងបង្ហាញពីភាពប្រណីតរបស់ជប៉ុន។

មកដល់ Hoshinoya Okinawa ភ្ញៀវទេសចរណ៍អាចរីករាយនឹងសេវាកម្មទាំងអស់ដូចជាបន្ទប់ជាប់មាត់សមុទ្រ អាង​​ហែល​​ទឹក​យ៉ាងស្រស់ស្អាត និងសកម្មភាពជាច្រើនទៀត រួមមានជិះសេះតាមឆ្នេរសមុទ្រ។

ចំណាត់ថ្នាក់បទពិសោធន៍ប្រណីតបំផុត

ការសម្តែងឯកជនរបស់ Iwami Kagura ដែលជារបាំប្រពៃណីសាសនា Shinto បួងសួងសុំអោយការប្រមូលផល និងសុខភាពល្អ។

សព្វថ្ងៃនេះការសម្តែង Iwami Kagura មានកំណត់ ហើយមិនពេញនិយមដូចពីមុននោះទេ។ ទោះជាយ៉ាងណា ភ្ញៀវទេសចរណ៍អាចមើលនៅខេត្ត Shimane ជាកន្លែងមាន Kagura ជាង ១៥០ ក្រុម នៅតែដំណើរដើម្បីរក្សាលក្ខណៈប្រពៃណី​បុរាណ។

រង្វាន់ពិសេស និងរង្វាន់ Grand Prix

រង្វាន់ពិសេសរបស់ Japan Travel Award ២០២២ ត្រូវបានផ្តល់ជូន ៦ ចំណុចសំខាន់ៗផ្សេងទៀតនៅក្នុងប្រទេស​ជប៉ុន។

សូមមើលបញ្ជីឈ្មោះពេញទីកន្លែងឈ្នះនៅលើគេហទំព័រ Japan Travel Awards ។

រង្វាន់ Grand Prix នៅឆ្នាំនេះត្រូវបានប្រគល់ជូនមជ្ឈមណ្ឌលទេសចរណ៍ Fukushima ដោយសារតែសេវាកម្មពិសេស ក៏ដូចជាការផ្តល់ជូន រួមជាមួយនឹងគំនិតផ្តួចផ្តើមជួយភ្ញៀវទេសចរណ៍មានភាពងាយស្រួលជ្រើស​រើស​គោល​​​ដៅ​​ទេស​ចរណ៍​ប្រណីត។

yukie