លោក Elon Musk លើកឡើងអំពីបញ្ហា តើជប៉ុននឹងវិនាស?

នៅទីបំផុតជប៉ុននឹងវិនាស នោះ​ជា​អ្វី​ដែល​លោក Elon Musk បុគ្គល​ល្បី​ឈ្មោះ​លើ​ពិភពលោក​បាន​និយាយ។

លោក Elon Musk ជាស្ថាបនិក នាយកប្រតិបត្តិ និងជាប្រធានវិស្វករ/អ្នករចនា SpaceX អ្នកវិនិយោគដំបូង នាយកប្រតិបត្តិ និងជាស្ថាបត្យករផលិតផលរបស់ Tesla ដែលជាម៉ាកនាំយករថយន្តអគ្គិសនីទៅកាន់ពិភព​លោក។ គំនិតឈានទៅដល់អវកាសរបស់បុគ្គលរូបនេះក៏ប្រហាក់ប្រហែលនឹងគំនិតអនាគតលើលំហរបស់ជប៉ុនដែរ។

បច្ចុប្បន្នប្រជាជនជប៉ុនមានចំនួន ១២៥,៥០០,០០០ នាក់។ បើ​ធៀបទៅ​នឹង​ឆ្នាំ​មុន ចំនួនប្រជាជនក្នុងប្រទេសនេះថយ​ចុះចំនួន ៦៤០.០០០​ នាក់។ នេះជាអ្វីដែលត្រូវបានសរសេរនៅលើ Twitter របស់លោក Elon Musk ។

ជាការពិតណាស់ លុះត្រា​តែ​អត្រា​កំណើត​លើស​អត្រា​ស្លាប់​ក្នុង​ប្រទេស។ មានន័យថានៅថ្ងៃណាមួយ ចំនួនប្រជាជនក្នុងប្រទេសនេះនឹងថយចុះហើយ​វិនាស។

ផលវិបាកនេះអាចជាការខាតបង់ដ៏ធំសម្រាប់ពិភពលោក។

ខ្ញុំ​មិន​គិត​ថា​ចំនួន​ប្រជាជន​ជប៉ុន​នឹង​ស្មើសូន្យទេ ប៉ុន្តែ​ប្រសិនបើ​ចំនួន​ប្រជាជន​បន្ត​ថយចុះ សក្តានុពល​របស់​ប្រទេស​​នេះ​ក៏​នឹង​ថយចុះ​ ហើយប្រទេសនេះនឹងរលាយបាត់។

ក្រៅពីនេះមានមតិមួយចំនួននិយាយថា ចំនួនប្រជាជនជប៉ុនគួរតែមានប្រហែល ៣៥,០០០,០០០ នាក់។ ឧទាហរណ៍​នៅ​សម័យ​អេដូ ដែលត្រូវបានចាត់ទុកថាមានស្ថិរភាព និងសន្តិភាពក្នុងសម័យរុងរឿងរបស់សាមូរ៉ៃ ចំនួន​​ប្រជាជន​សរុប​នៅ​ពេល​នោះ​គឺ ៣៣,០០០,០០០ នាក់។ បន្ទាប់មកក្នុងសម័យ Meiji ឈានចូលដំណើរការទំនើប​ភាវូប​នីយកម្ម ប្រជាជនមានចំនួនប្រហែល ៣៥,០០០,០០០ នាក់ អាចចាត់ទុកជាសម័យដែលចំនួនប្រជា​ជនមានស្ថេរភាពបំផុត។ បើ​ធៀប​នឹង​ពេល​នេះ ចំនួនប្រជាជនពេលនោះមាន​ត្រឹម​តែ ១/៤ ប៉ុណ្ណោះ។

ចំនួនប្រជាជនតិចមានន័យថាគ្មានកម្លាំងពលកម្ម គ្មានអ្នកបង់ពន្ធ។ នៅពេលនិយាយដល់ចំណុចនេះ មនុស្សមួយ​ចំនួន​គិត​ថា មនុស្សយន្ត និង AI អាចធ្វើការងារជំនួសមនុស្សបាន។

ទោះជាយ៉ាងណាចំនួនប្រជាជនមិនត្រឹម​តែជាបញ្ហារបស់ជប៉ុនប៉ុណ្ណោះទេ។ សាកលវិទ្យាល័យអាមេរិកព្យាករណ៍ថាចំនួនប្រជាជនពិភពលោកនឹងកើនឡើងដល់ ៩,៧ ពាន់លាននាក់នៅឆ្នាំ ២០៦៤ ហើយចាប់ផ្តើមថយចុះបន្ទាប់ពីនោះ។

ហេដ្ឋារចនាសម្ព័ន្ធសង្គមជាក់លាក់ពិតជាចាំបាច់ដើម្បីទ្រទ្រង់ការអភិវឌ្ឍន៍អរិយធម៌។ ក្នុងនោះចំនួនប្រជាជនដើរ​តួយ៉ាង​សំខាន់ និងមិនអាចខ្វះបាន ប៉ុន្តែពិភពលោកដែលយើងរស់នៅកំពុងប្រឈមមុខនឹងការផ្លាស់ប្តូរជាច្រើន។

រហូតដល់ពេលដែលមនុស្សយន្ត និង AI ពិតជាអាចធ្វើអ្វីៗស្ទើរតែទាំងអស់ជំនួសមនុស្សដូចជា Anime ហានិភ័យមនុស្សផុតពូជអាចនឹងកើតឡើង។

តើធ្វើយ៉ាងណាអាចទប់ស្កាត់បញ្ហាជប៉ុននឹងវិនាស? ចម្លើយ​ចំពោះ​សំណួរ​នេះ​មិន​ត្រឹមតែ​សំដៅ​លើជន​ជប៉ុន​ប៉ុណ្ណោះ​​ទេ ប៉ុន្តែ​​អាច​​ពង្រីក​​ដល់​ពិភពលោក​ទាំងមូល​។

ជប៉ុនធ្លាក់ក្នុងស្ថានភាពលំបាករយៈពេលយូរដោយ​សារ​កំណើន​សេដ្ឋកិច្ច​អវិជ្ជមាន។

តើយើងអាចឆ្លងផុតវិបត្តិវិនាសនេះដែរទេ?

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: