ភាពយន្តជប៉ុនដំបូងគេដែលនិពន្ធដោយ AI​ ចូល​រួម​មហោស្រព​ភាព​យន្ត​​ខ្លី

បញ្ញាសិប្បនិមិត្ត AI កាន់តែមានភាពឆ្លាតវៃ និងត្រូវបានប្រើកាន់តែច្រើនខាងផ្នែកច្នៃប្រឌិត ជាពិសេសគឺសរសេរ​ស្គ្រីប​ភាព​យន្ត។

ភាពយន្តជប៉ុនដំបូងដែលសរសេរដោយ AI ក្នុងគោលបំណងបង្ហាញពីអ្វីដែល AI អាចធ្វើបាន ត្រៀមចូលរួមមហោ​ស្រព​ភាព​យន្ត​ខ្លីធំក្នុងឆ្នាំនេះ។

រឿងខ្លីមានរយៈពេល ២៦ នាទីក្រោមចំណងជើងថា “Boy Sprouted” ត្រូវបានសរសេរដោយ AI ដែលមានឈ្មោះ​ថា Furukoto និងដឹកនាំដោយ Yuko Watanabe ។ ខ្សែភាពយន្តនេះនឹងត្រូវបានបញ្ចូលក្នុងបញ្ជីមហោស្រពភាព​យន្ត​ខ្លី មួយក្នុងចំណោម LHP ធំបំផុតនៅអាស៊ី ក្រោមប្រធានបទឆ្នាំ ២០២២ “Meta Cinema” ។

រឿងនេះនិយាយពីក្មេងប្រុសម្នាក់មិនចូលចិត្តប៉េងប៉ោះ និងការខិតខំប្រឹងប្រែងរបស់ម្តាយ ដើម្បីជួយកូនឱ្យញ៉ាំប៉េងប៉ោះកាន់តែច្រើន។ ប៉ុន្តែម្តាយរបស់ក្មេង​ប្រុសមិន​ដឹង​ពី​មូលហេតុ​ដែល​កូនប្រុសមិនចូលចិត្តញ៉ាំ​ប៉េងប៉ោះ​នោះ​​ទេ។ គំនិត​នេះ​ត្រូវ​បានបង្កើតឡើងដោយ AI Furukoto ។

បង្កើតឡើងដោយក្រុមហ៊ុន Ales របស់ជប៉ុន Furukoto សរសេរស្គ្រីបដោយផ្អែកលើរចនាសម្ព័ន្ធ “Ki-sho-ten-ketsu” ។ នេះជាគំរូប្លង់ធម្មតា តាមការណែនាំ អភិវឌ្ឍន៍ ចំណុចកំពូល និងការសន្និដ្ឋាន។

ឈ្មោះ Furukoto មកពីពាក្យជប៉ុនបុរាណដែលមានន័យថា “រឿង” ។ Furukoto បង្កើតស្គ្រីបដោយជ្រើសរើសប្រយោគ​សម​ស្រប​នឹងប្រយោគសក្តានុ​ពល​មួយចំនួនដោយប្រើបច្ចេកវិទ្យាកម្មសិទ្ធិ “PSL” បង្កើតឡើងដោយក្រុម Ales ។

បច្ចេកវិទ្យា “PSL” ជាអក្សរកាត់ខ្លឹមសាររឿង “ការវិភាគអារម្មណ៍” និង “Logline – សង្ខេបរឿង” ។

Furukoto សរសេរស្រ្គីបបន្ទាប់ពីវាយតម្លៃកត្តាទាំង ៣ ខាងលើដោយប្រើក្បួនដោះស្រាយស្មុគស្មាញជាច្រើន។ វាប្រើបណ្តាញ​ណឺរ៉ូន​ដដែលៗ​ហៅថា LSTM ដើម្បីបង្កើតប្រយោគគំរូ។

បច្ចុប្បន្ននេះ Furukoto អាចសរសេរស្រ្គីបប្រហែលមួយទំព័រក្រដាស A4 ពីការសង្ខេបខ្លីៗប្រហែល ៦០ តួអក្សរ ដែលស្មើនឹងខ្សែភាពយន្តខ្លីមានរយៈពេល ៣០ នាទី។

នេះបើយោងតាមអ្នកដឹកនាំរឿង Watanabe និងផលិតករ Hiroki Tawada អ្នកដឹកនាំគម្រោងអភិវឌ្ឍន៍ Furukoto ទោះ​បី​ជា​ប្រព័ន្ធ AI Furukoto នៅ Ales បានបង្កើនភាពច្នៃប្រឌិតពេលសរសេរស្គ្រីប “Boy Sprouted” ស្គ្រីប​នៅតែមិនអាចប្រៀបនឹងកម្រិតលម្អិតដែលសរសេរដោយមនុស្ស។

ផលិតករ Ryohei Tsutsui បាននិយាយថា រឿង “Boy Sprouted” ក៏ជាគម្រោងស្រាវជ្រាវ និងអភិវឌ្ឍន៍ ដើម្បីពិនិត្យ​មើលថាតើប្រសិទ្ធភាពរឿងដែលសរសេរដោយ AI រស់រវើកយ៉ាងណា ដោយមានការកែប្រែបន្តិចបន្តួចពីអ្នក​ដឹក​នាំរឿង។

Ryohei Tsutsui នាយកក្រុមហ៊ុនផលិតភាពយន្ត Trixta បាននិយាយថា “នោះជាបញ្ហាប្រឈមដ៏ធំមួយក្នុងការបំប្លែង​ស្គ្រីប​ដែលមិនទាន់​ពេញ​លេញ​ទៅ​ជា​ភាពយន្ត។ អ្នកដឹកនាំរឿង និង​ក្រុម​ការងារ​មាន​ការ​លំបាក​ដោយ​សារ​ស្គ្រីប​​មិន​​លម្អិត” ។

ដើម្បីជៀសវាងស្គ្រីបដែលសរសេរដោយ AI មិនល្អិតល្អន់ Watanabe បានពិភាក្សាជាមួយក្រុមការងារ ដោយផ្អែក​លើ​ឈុត​ឆាក​ជាជាងស្គ្រីប។ នាងបាននិយាយថា គ្រាន់តែជ្រើសរើសការសន្ទនាមិនផ្លាស់ប្តូរខ្លឹមសារ និងបរិយា​កាស​រឿង។

ឈុតឆាកស្ងៀមស្ងាត់ក្នុងរឿង “Boy Sprouted” បង្កើតបរិយាកាសចម្លែកសមនឹងខ្សែភាពយន្តនេះ ដែលត្រូវបានអ្នក​ដឹកនាំរឿងចាត់ទុកជាប្រភេទរឿងភ័យរន្ធត់។

ទោះបីជាមានរឿងខ្លីមួយចំនួនផលិតចេញពីស្រ្គីបដែលសរសេរដោយ AI ប៉ុន្តែ Hiroki Tawada បាននិយាយថា “Boy Sprouted” គឺជា​ភាព​យន្ត​​ជប៉ុន​​ដំបូង​​​​​​​​ដែល​និពន្ធ​ដោយ​បញ្ញា​សិប្បនិមិត្ត​ ជាមួយនឹងសាច់រឿង​ដ៏​មាន​អត្ថន័យ។

គាត់ក៏បានបន្ថែមថា “ខ្សែភាពយន្តពីមុន សាច់រឿងមិនស៊ីសង្វាក់គ្នា ប៉ុន្តែជាក់ស្តែង AI ជាអ្នកបង្កើតទើបគួរអោយចាប់អារម្មណ៍” ។

ក្នុងឆ្នាំ ២០១៦ ខ្សែភាពយន្តខ្លីបែបវិទ្យាសាស្រ្តប្រឌិត “Sunspring” របស់អាមេរិកជាមួយនឹងស្គ្រីបដែលបង្កើតឡើង​ដោយ AI Benjamin ចេញផ្សាយមានរយៈពេល ៩ នាទី។

ខណៈ​ដែល​តារា​សម្ដែងចូលតួប្រកបដោយភាពជឿជាក់ ហើយលទ្ធផលធ្វើអោយរំជើបរំជួលយ៉ាងខ្លាំង ចំណែកការសន្ទនា​ភាគច្រើនមានភាពមិនច្បាស់លាស់។

Hitoshi Matsubara អ្នកស្រាវជ្រាវ AI ឈានមុខគេ ដែលបង្កើត Ales ក្នុងឆ្នាំ ២០១៨ បានចែករំលែកថា AI Furukoto ​ផ្អែកលើគំរូផ្លាស់ប្តូរ AR នឹងចាប់ផ្តើមស្រ្គីបបន្ទាប់ពី “Boy Sprouted” ។

Hitoshi Matsubara ញញឹម ហើយ​និយាយ​ថា “ក្តីស្រមៃក្រុមហ៊ុនរបស់យើងគឺយកឈ្នះពានរង្វាន់ Oscar​” ។

Furukoto នៅមិនទាន់សរសេរការសន្ទនា ប៉ុន្តែអ្នកអភិវឌ្ឍន៍កំពុងខិតខំប្រឹងប្រែងរចនាបន្ថែមមុខងារនេះ ក្រៅ​ពី​សរសេរ​ស្រ្គីបវែងល្មមដើម្បីផលិតភាពយន្តពេញលេញមួយ។

ប៉ុន្តែ Matsubara ក៏គិតដែរថាថ្ងៃណាមួយ AI នឹងឈានដល់កម្រិតច្នៃប្រឌិតដូចមនុស្ស ទោះជាយ៉ាងណា នៅតែមាន​ភាព​ខុស​គ្នា។

“មនុស្សគ្រប់គ្នាតែងតែមានអ្វីមួយចង់បង្ហាញ ប៉ុន្តែ AI មិនមានអារម្មណ៍ទេ។ មនុស្សតែងតែរំជួលចិត្ត ហើយ​មាន​ចំណង់​​ចំណូល​ចិត្ត​ក្នុង​នាម​ជា​អ្នក​បង្កើត ប៉ុន្តែចំណុចនេះបែរជាខ្វះក្នុងស្នាដៃរបស់ AI” ។

ទោះជាយ៉ាងណា “Boy Sprouted” គឺជាសក្ខីភាពមួយចំពោះអ្វីដែល Furukoto អាចសម្រេចបានក្នុងរយៈពេលប្រហែល ៤ ឆ្នាំអភិវឌ្ឍន៍ ហើយការប្រើប្រាស់ AI ក្នុងវិស័យកំសាន្តទើបតែចាប់ផ្តើមប៉ុណ្ណោះ។

Watanabe ចែករំលែកថា “តាមរយៈរឿងនេះ ខ្ញុំសង្ឃឹមថាអ្នករាល់គ្នាទទួលបានអារម្មណ៍ថាជម្រើសគ្មានដែនកំណត់​ក្នុង​ជីវិត” ។

yuki

មើលបន្ថែម: