នារីជនជាតិវៀតណាមម្នាក់ស្លាប់តាមដងផ្លូវក្នុងមាត់មានញាត់កន្សែងជូតដៃមួយ

ថ្ងៃពុធ 04/05/2022 | 15:14 ល្ងាច

នារីជនជាតិវៀតណាមម្នាក់ត្រូវគេប្រទះឃើញស្លាប់នៅតាមផ្លូវក្បែរ Ueno ទីក្រុងតូក្យូ។ បច្ចុប្បន្ននាយកដ្ឋានប៉ូលីសក្រុងតូក្យូកំពុងស៊ើបអង្កេតមូលហេតុករណីនេះ។

នៅព្រឹកថ្ងៃទី ២ ឧសភា វេលាម៉ោង ២:៤០ នាទី ប៉ូលីសទទួលបានព័ត៌មាន “មានមនុស្សធ្លាក់ចុះ” នៅសង្កាត់ Bunkyo, Yushima ខាងក្រោយតំបន់កំសាន្ត។ នៅកន្លែងកើតហេតុ នារីវ័យ ២០ ឆ្នាំម្នាក់ដេកផ្ងារលើផ្លូវ ក្នុងមាត់ញាត់កន្សែងជូតដៃមួយ ក្រោយពេលបញ្ជូនដល់មន្ទីរពេទ្យត្រូវបានបញ្ជាក់ថាស្លាប់បាត់ទៅហើយ ។

នារីនោះត្រូវគេបញ្ជាក់ថាជាជនជាតិវៀតណាមតាមរយៈប័ណ្ណស្នាក់នៅដែលនាងយកតាម។ បុគ្គលិកភោជនីយដ្ឋានម្នាក់ដែលនៅក្បែរនោះបាននិយាយថា៖ “ខ្ញុំស្តាប់ឮសំឡេងស្រែកពីខាងក្រោយ ហើយសំឡេងក៏ចម្លែកខ្លាំងណាស់ដែរ” ។ លើខ្លួនជនរងគ្រោះមិនមានរបួស ឬស្លាកស្នាមបំពានលើសម្លៀកបំពាក់នោះទេ។

នាយកដ្ឋានប៉ូលីសកំពុងប្រញាប់ប្រញាល់បញ្ជាក់អត្តសញ្ញាណរបស់ស្ត្រីនោះ ហើយទន្ទឹមនឹងនោះស៊ើបអង្កេតព័ត៌មានពីបុរសជនជាតិវៀតណាមម្នាក់ដែលមានវត្តមាននៅកន្លែងកើតហេតុ ដែលអាចពាក់ព័ន្ធនឹងស្ថានភាពស្លាប់របស់នារីនោះ។