គូស្នេហ៍ស្រលាញ់ភេទដូចគ្នាបន្ទាប់ពីរៀបការកាលពី ១៣ ឆ្នាំមុននៅ DisneySea និងឧបសគ្គជាច្រើនដែលពួកគេត្រូវប្រឈមមុខ

ដើម្បីមានកូន គូស្នេហ៍នេះត្រូវឆ្លងកាត់បច្ចេកវិទ្យាបន្តពូជទទួលមេជីវិតឈ្មោលពីភាគីទីបី។ នៅប្រទេសជប៉ុនមិនអនុញ្ញាត​អាពាហ៍​ពិពាហ៍ភេទដូចគ្នាទេ ដូច្នេះ​គូស្នេហ៍​បែប​នេះពិបាកទទួលការព្យាបាលណាស់។

“កូនក្រមុំទាំងពីរ” បានរៀបចំពិធីមង្គលការភេទដូចគ្នានៅ DisneySea ក្នុងឆ្នាំ ២០១៧ ប៉ុន្តែអាពាហ៍ពិពាហ៍នោះគ្រាន់តែជាការចាប់ផ្តើមប៉ុណ្ណោះ នៅមានឧបសគ្គជាច្រើនដែលពួកគេត្រូវប្រឈមមុខជាមួយគ្នា។

“យើងអាចរៀបចំពិធីមង្គលការ ប៉ុន្តែមិនមានឯកសារផ្លូវច្បាប់បញ្ជាក់ពីអាពាហ៍ពិពាហ៍នេះទេ” ។ ទោះជាយ៉ាងណា Ryo និង Haru នៅតែសម្រេចចិត្តរៀបចំពិធីមង្គលការនៅ DisneySea ជាមួយនឹងការជូនពរជាច្រើន។

“ចំពោះបញ្ហាមានកូន ពួកយើង​ត្រូវ​ពិភាក្សា​គ្នា​ជា​ច្រើន​ដង។ យើង​ត្រូវ​ចំណាយ​ពេល​វេលា និង​ប្រាក់​ច្រើន​លើ​បញ្ហា​នេះ​​ជាង​​គូស្នេហ៍​​ធម្មតា” ។

ជាការពិតគូស្នេហ៍​ស្រឡាញ់​ភេទ​ដូច​គ្នាស្រីចង់មានកូនត្រូវទទួលមេជីវិតឈ្មោលពីភាគីទីបី។ ទោះជាយ៉ាងណា នៅប្រទេស​ជប៉ុនមិនមានច្បាប់ជាក់លាក់ណាមួយឡើយ ដូច្នេះមណ្ឌលសុខភាពត្រូវធ្វើតាមការណែនាំរបស់សមាគមសម្ភព និង​រោគ​ស្ត្រីជប៉ុន។ កំណត់ចំពោះ “គូស្វាមីភរិយាស្របច្បាប់” ។

ដោយសារមិន​អាច​ទទួលបាន​ការ​ព្យាបាល ដូច្នេះងាយនឹងជួបបញ្ហាដូចជាត្រូវ​បង់​ថ្លៃ​ឈ្មួញ​ជើងសា​បន្ថែម។ ការស្វែងរកអ្នកផ្តល់មេជីវិតឈ្មោលក៏ត្រូវចំណាយពេល ករណីខ្លះត្រូវរួមភេទ ប៉ុន្តែករណីនេះងាយនឹងឆ្លងជំងឺកាមរោគ ឬជាប់ពាក់ព័ន្ធនឹងបណ្តាញឧក្រិដ្ឋកម្ម។

“តើពួកយើងអាចទទួលបានអនាគតមួយផ្សេងដែរទេ?”

 Ryo បាននិយាយថា “ខ្ញុំ​មាន​សំណាង​ទទួល​បាន​ការ​ព្យាបាល ប៉ុន្តែនៅតែប្រឈមមុខនឹងឧបសគ្គ ដោយសារប្រទេស​ជប៉ុន​មិនទទួលស្គាល់អាពាហ៍​ពិពាហ៍​ភេទដូចគ្នា” ។

ជាក់ស្តែងចំពោះបញ្ហាដូចជាថ្លៃព្យាបាលខ្ពស់ ព្រោះតែមិនស្ថិតក្នុងបុគ្គលទទួលការឧបត្ថម្ភធនសម្រាប់ការព្យាបាលបញ្ហាគ្មានកូន។ លើសពីនេះ បញ្ហា​សុំ​ឈប់​នៅសហគ្រាសសម្រាប់ព្យបាលក៏ពិបាកដែរ។ ម្យ៉ាងទៀតពេលវេលាកំណត់ក្នុងការមានកូនខ្លី ព្រោះអាស្រ័យលើថ្លៃព្យាបាល។ ទោះបីជាខ្ញុំមិនសោកស្តាយចំពោះការព្យាបាល ប៉ុន្តែ Ryo នៅតែប្រាថ្នាថាមានជម្រើសផ្សេង អនាគតសម្រាប់កូនរបស់ពួកគេ។

ទោះជាយ៉ាងណា មិនមានអនាគតផ្សេងឡើយ ដោយសារសេចក្តីព្រាងច្បាប់នាពេលខាងមុខប្រឆាំងនឹងអ្វីដែលពួក​គេ​កំពុង​ធ្វើ។

សភា​កំពុង​ដាក់​ចេញ​ច្បាប់ដែល​កំណត់បទដ្ឋានសម្រាប់បច្ចេកវិទ្យាជំនួយបន្តពូជ ក្នុង​នោះបុគ្គលទទួលការព្យាបាល​សម្រាប់​តែគូស្វាមីភរិយាដែលរៀបការហើយ។ បុគ្គលទទួលការព្យាបាលនឹងត្រូវត្រួតពិនិត្យយ៉ាងតឹងរ៉ឹងក្នុង​រយៈ​​ពេល ៥ ឆ្នាំ បន្ទាប់ពីអនុម័តច្បាប់ផ្លូវការ និងការកែតម្រូវកំពុងស្ថិតក្រោមការពិចារណានៅឡើយ។ ត្រង់ចំណុច​​នេះ គូស្នេហ៍​បារម្ភ​មិន​អាច​បន្ត​ការ​ព្យាបាល​។

“ពេលខ្ញុំមើលកូនរបស់មិត្តភក្តិ ខ្ញុំស្រក់ទឹកភ្នែក ជាពិសេសនៅពេលដែលអ្នកលួងលោមខ្ញុំថា អ្នកចង់ឃើញខ្ញុំចិញ្ចឹម​​ក្មេង។ ឥឡូវនេះ ខ្ញុំកំពុងប្រឈមនឹងបញ្ហារអាក់រអួលក្នុងការព្យាបាល ទោះបីជាខ្ញុំខំប្រឹងអស់ពីសមត្ថភាព​ក៏ដោយ” ។

មានអង្គការជាច្រើនកំពុងពិភាក្សាអំពីសារៈសំខាន់នៃច្បាប់។ មនុស្ស​មួយ​ចំនួន​ចោទ​ជា​សំណួរ​ថា ការ​ជជែក​ដេញ​ដោល​​កំពុង​​តែ​​បន្ត ដោយមិនស្តាប់ភាគីដែលចង់មានកូន។ Ryo ក៏មានអារម្មណ៍ដូចគ្នាដែរ។

“បំណងចង់មានកូន ស្រលាញ់កូន និងការចិញ្ចឹមបីបាច់​ពួកគេ​ឱ្យ​ក្លាយ​ជា​មនុស្សល្អ គឺជាបំណងប្រាថ្នារបស់​គូស្នេហ៍​គ្រប់​រូប មិនត្រឹម​តែគូស្នេហ៍ស្រឡាញ់ភេទដូចគ្នាប៉ុណ្ណោះទេ។ លើស​ពី​នេះ​ទៅ​ទៀត កុំ​និយាយ​ថា NO ចំពោះបំណង​ចង់​មានកូនរបស់នរណាម្នាក់។ ខ្ញុំសង្ឃឹមថាពួកគេនឹងប្រឈមមុខនឹងវត្តមានរបស់អ្នក​​ស្រឡាញ់​​ភេទ​​ដូច​គ្នា និង​​កូនៗ​​របស់​​ពួក​គេ” ។

Sacchan