តើប៉ូលីសជប៉ុនប្រើក្បាច់គុនប្រភេទណាសម្រាប់ចាប់ខ្លួនឧក្រិដ្ឋជន?

លក្ខណៈវប្បធម៌ដែលមិនមែនគ្រប់គ្នាសុទ្ធតែដឹងពេលរំលឹកដល់ជប៉ុនគឺសិល្បៈក្បាច់គុន។ ​យើង​ប្រាកដ​ជា​ដឹង​ហើយ​ថា Karate, Judo, Akido, Kendo មានប្រភពមក​ពី​ប្រទេស​ជប៉ុន។ មុនពេល Anime ល្បី ក្បាច់គុនជប៉ុនជាចំណុចដែលធ្វើឱ្យជនបរទេសជាច្រើននិយាយថា “ខ្ញុំចង់ទៅ​ប្រទេស​ជប៉ុន” ។

ក្រៅពីផ្នត់គំនិតចំពោះសិល្បៈក្បាច់គុនជប៉ុនដូចជា “ផ្លូវទៅកាន់ការត្រាស់ដឹង” ក្បាច់គុនត្រូវបានប្រើយ៉ាងទូលំទូលាយ។ ប៉ូលីស​ជប៉ុន​ប្រើ​ក្បាច់គុនក្នុងការងារប្រចាំថ្ងៃរបស់ពួកគេ។

ប៉ូលីសជប៉ុនធ្វើការក្នុងបរិយាកាស និងប្រើឧបករណ៍ខុសពីប៉ូលីសអាមេរិក។ ប្រសិនបើប៉ូលីស​អាមេរិក​ប្រើ​កាំភ្លើង​គំរាម និង​​បង្ក្រាប​ឧក្រិដ្ឋជន តើ​ប៉ូលីស​ជប៉ុន​ប្រើ​អ្វី?

ការប្រើប្រាស់កាំភ្លើងនៅក្នុងប្រទេសជប៉ុន មិនថាអ្នកប្រើជាប៉ូលីស ក៏អាចបណ្តាលអោយមានផលប៉ះពាល់ដែលមិននឹកស្មាន ដូច្នេះប៉ូលីសជប៉ុនត្រូវមានវិធីសាស្រ្តមួយផ្សេង កាត់បន្ថយការបង្ករបួស ប៉ុន្តែនៅតែអាចបង្ក្រាបឧក្រិដ្ឋជន​គ្រោះ​ថ្នាក់។

មានក្បាច់គុនមួយប្រភេទហៅថា taiho-jutsu 逮捕術 បកប្រែតាមន័យចំគឺ “ក្បាច់ចាប់ខ្លួន” ។ ប៉ូលីសជប៉ុន អ្នកការ​ពារ​រាជរង្ស កងកម្លាំងស្វ័យការពារ ជាដើម។ សរុបទៅអង្គភាពអនុវត្តច្បាប់បែបយោធានៅក្នុងប្រទេសជប៉ុន (រួម​ទាំង Kamen Rider) ប្រើ taiho-jutsu ។

ទីភ្នាក់ងារអនុវត្តច្បាប់ជប៉ុនប្រើ​ក្បាច់​គុនក្នុងរយៈពេលយូរ ប៉ុន្តែក្បាច់ taiho សម័យទំនើបមិនត្រូវបានបង្កើតឡើង​រហូតដល់ក្រោយសង្គ្រាមលោកលើកទីពីរ ប្រហែលឆ្នាំ ១៩៤៧ ។ ក្រោយសង្រ្គាម ជប៉ុនត្រូវគ្រប់គ្រងទាំងស្រុងដោយ​កងកម្លាំងអាមេរិក ចំណុចនេះបាន​ដាក់​កម្រិត​មួយ​ចំនួន​លើ​របៀប​ធ្វើ​ការ​របស់​ប៉ូលីស​ជប៉ុន រួមទាំងរឹតបន្តឹង​ការប្រើកម្លាំង និងក្បាច់គុនបុរាណ។

នេះ​ជា​បញ្ហា​ធំ​មួយ នៅ​ពេល​ដែលប្រទេសស្ថិតក្នុងភាពចលាចល ការដាក់កម្រិតលើសមត្ថភាព​​របស់​ប៉ូលីសមាន​ន័យ​ថា​ពួកគេ​ពិបាក​ក្នុង​ការ​រក្សា​សណ្តាប់​ធ្នាប់។ សំណាង មន្រ្តីប៉ូលីសជប៉ុនដឹងពីរបៀបសម្របខ្លួនទៅនឹងស្ថាន​ភាព ហើយ taiho-jutsu ចាប់កំណើតក្នុងពេលវេលាពិសេសបែបនេះ។

ប្រសិនបើអ្នកស្គាល់ Krav Maga ក្បាច់គុនដែលបង្កើតឡើងដោយប៉ូលីស និងយោធាអុីស្រាអែល នោះអ្នកនឹងយល់ច្បាស់អំពី Taiho jutsu ។ ទាំងពីរនេះត្រូវបានបង្កើតឡើងសម្រាប់យោធា និងកម្លាំងអនុវត្តច្បាប់ ហើយទាំងពីរនេះ​ត្រូវ​បានបង្កើតឡើងដោយផ្អែកលើសិល្បៈក្បាច់គុនខុសៗគ្នា។ Taiho jutsu មិនដូច Krav Maga ទេ ទទួលបានអត្ថប្រយោជន៍ដោយសារបង្កើតឡើងនៅក្នុងប្រទេសទំនៀមទម្លាប់ប្រពៃណីក្បាច់គុនរឹងមាំ។ នៅពេលដែលការិយា​ល័យ​ប៉ូលីសក្រុងតូក្យូកំពុងដំណើរការបង្កើត Taiho jutsu ពួកគេបានប្រមូលផ្តុំគ្រូបង្រៀនគ្បាច់គុនខុសៗគ្នា​រួម​មាន Judo និងក្បាច់ដាវ ជាមួយនឹងអ្នកជំនាញក្នុងការប្រយុទ្ធប្រដាប់អាវុធ។

ក្បាច់គុន​ដែល​បង្កើត​ឡើង​ក្នុង​សម័យ​ក្រោយ​សង្គ្រាម​មាន​តាំង​ពី​ពេល​នោះ​មក ជាមួយនឹងការកែប្រែបន្តិចបន្តួច​លើ​ដំណើរ​ការ​អភិវឌ្ឍន៍។ វារួមបញ្ចូលវិធីជាច្រើនក្នុងកាដណ្តើមអាវុធរបស់គូប្រកួត ក្រៅពីប្រើដំបង និងកាំភ្លើង។

ជាការពិតណាស់ Taiho jutsu ខុសពីការ​សម្ដែង​ក្បាច់​គុន នៅពេលអ្នកប្រយុទ្ធពាក់ឧបករណ៍ការពារ និងត្រូវបានបណ្តុះបណ្តាលដូចគ្នា ទោះជាយ៉ាងណាការប្រយុទ្ធតាមបែបពិព័រណ៍ទាំងនេះក៏គួរឱ្យចាប់អារម្មណ៍ណាស់ដែរ។

មិន​មែន​មន្ត្រី​ប៉ូលីស​ទាំង​អស់ទទួលបានការ​បណ្តុះ​បណ្តាល​ដូច​គ្នា​នោះ​ទេ។ ក្នុងប្រទេសតំបន់មួយចំនួនសង្កត់ធ្ងន់​លើ​រចនា​ប័ទ្មជាក់​លាក់ មិនថា Judo, Kendo ឬ Aikido ឡើយ។

Sacchan