លើកដំបូងនៅក្នុងប្រទេសជប៉ុនមាន “ម៉ាសុីនស្កេនខួរក្បាល MRI ចល័តនៅស្ថានីយ៍ប្រេងឥន្ធនៈ”

សេវាពិនិត្យខួរក្បាល MRI ស្ថិតនៅស្ថានីយ៍ប្រេងឥន្ធនៈ ជួយឱ្យប្រជាជនខេត្ត Yamaguchi អាចត្រួតពិនិត្យសុខភាព​នៅគ្រប់ទីកន្លែង ត្រូវបានដាក់ឱ្យដំណើរការនៅថ្ងៃទី ២៣ ខែមេសា។ នេះជាសេវាកម្មដែលកម្រមាន ដែលត្រូវបាន​ដំឡើង​ដំបូង​នៅ​ទីក្រុង Sanyo-Odona ខេត្ត Yamaguchi ប្រទេសជប៉ុន។

សេវាស្កេនខួរក្បាល MRI ត្រូវបានក្រុមហ៊ុនប្រេង Idemitsu Kosan ដែលមានមូលដ្ឋាននៅទីក្រុងតូក្យូ និងក្រុមហ៊ុន IT វេជ្ជសាស្ត្រ Smart Scan សហការអនុវត្ត។

ខណៈ​ដែល​ចំនួន​ស្ថានីយ៍ប្រេងឥន្ធនៈថយចុះ​ដោយ​សារ​ការ​ធ្លាក់ចុះតម្រូវការប្រេងសាំង ក្នុងពេលជាមួយគ្នានេះ ដោយសារកិច្ចខិតខំប្រឹងប្រែងបង្កើនប្រសិទ្ធភាពប្រេងឥន្ធនៈរថយន្ត ក្រុមហ៊ុន Idemitsu Kosan ចង់បង្កើត “គំនិត​ហាង​ឆ្លាតវៃទូទៅ” ដើម្បីផ្គត់ផ្គង់សេវាកម្មទាក់ទងនឹងអាហារ សុខភាព និងតម្រូវការផ្សេងទៀតរបស់ប្រជាពល​រដ្ឋ​ក្នុង​មូលដ្ឋាន ដោយប្រើប្រាស់បណ្តាញស្ថានីយ៍ប្រេងឥន្ធនៈទូទាំងប្រទេស។

បច្ចុប្បន្ននេះ ពួកគេកំពុងផ្តោតលើម៉ាស៊ីនស្កេនខួរក្បាល MRI ជាសេវាកម្មដែលកម្រនឹងប្រើប្រាស់ទូលំទូលាយ ហើយ​ប្រជាជនកម្រមានឱកាសទទួលបានបទពិសោធន៍។ ជាពិសេស រថយន្ត​ដឹក​ឧបករណ៍ MRIទៅកាន់​តំបន់​ផ្សេងៗ​​ក្នុង​​ប្រទេស​ជប៉ុន ដោយជួយប្រជាជនពិនិត្យជំងឺ។

ចំណាយពេលត្រឹមតែ ៣០ នាទីស្កេន MRI ចល័តនៅស្ថានីយ៍ប្រេងឥន្ធនៈ។ រូបភាពដែលថតបានដោយម៉ាស៊ីនស្កេន MRI ត្រូវបានធ្វើរោគវិនិច្ឆ័យពីចម្ងាយដោយបុគ្គលិកពេទ្យ ហើយអ្នកជំងឺអាចទទួលបានលទ្ធផលពិនិត្យតាម​រយៈ​ស្មាត​ហ្វូន ឬឧបករណ៍ផ្សេងទៀត។

ប្រសិនបើ​រក​ឃើញមានភាពមិនប្រក្រតីណាមួយ អ្នកជំងឺ​នឹង​ត្រូវ​បញ្ជូន​ទៅ​មណ្ឌល​សុខភាព​ដែល​ជិត​បំផុត​ ដើម្បី​ព្យាបាល​​ទាន់​​ពេល​វេលា។

សេវាកម្មថ្មីនេះកំពុងត្រូវបានផ្តល់ជូននៅស្ថានីយ៍ប្រេងឥន្ធនៈ Self Takachiho នៅទីក្រុង Sanyo-Onoda ខេត្ត Yamaguchi រហូត​ដល់​ថ្ងៃទី ១០ ខែឧសភា។

អង្គភាពគ្រប់គ្រងសេវាកម្មក៏គ្រោងនឹងដឹកជញ្ជូន MRI ទៅកាន់ទីតាំងផ្សេងទៀតនាពេលអនាគត ដោយអនុញ្ញាត​ឱ្យ​ប្រជាពល​រដ្ឋមានភាពងាយស្រួលក្នុងការត្រួតពិនិត្យសុខភាព។

Yukio Saegusa បុគ្គលិកប្រតិបត្តិរបស់ក្រុមហ៊ុន Idemitsu Kosan បាននិយាយថា “ជាមួយនឹងសេវាកម្មដាក់នៅស្ថានីយ៍ប្រេងឥន្ធនៈ យើង​សង្ឃឹម​ថា​យើង​អាច​ចូល​រួម​ចំណែការពារ​សុខភាព​ប្រជាជន​ក្នុង​មូលដ្ឋាន ដោយពង្រឹងការថែទាំសុខភាព” ។

សេវាស្កេន MRI នៅស្ថានីយ៍ប្រេងឥន្ធនៈមិនគ្របដណ្តប់ដោយធានារ៉ាប់រង និងមានតម្លៃប្រហែល ២២,០០០ យ៉េន/ដង។ អាច​កក់​ទុក​មុន​តាមរយៈគេហទំព័រ smartdock.jp (ជាភាសាជប៉ុន) ។

Hana