ព្រោះតែភ័ន្តច្រឡំគ្រួសារមួយបានទទួលប្រាក់ឧបត្ថម្ភកូវីដ ១៩ របស់ ៤៦៣ គ្រួសារផ្សេងទៀត ហើយ​មិន​អាច​បង្វិល​សង​វិញ​

រដ្ឋាភិបាលទីក្រុងភាគខាងលិចប្រទេសជប៉ុនបានប្រកាសថា ខ្លួនបានផ្តល់ប្រាក់ឧបត្ថម្ភកូវីដ ១៩ ប្រមាណ ៤៦,៣ លាន​យ៉េន​ដល់គ្រួសារមួយ ប៉ុន្តែអ្នកទទួលនិយាយថាពួកគេមិនអាចសងវិញ។

គ្រួសារដែលមានចំណូលទាបទទួលបានការលើកលែងពន្ធលំនៅឋាននៅ Abu ខេត្ត Yamaguchi នឹងទទួលបានប្រហែល ១០ ម៉ឺន​យ៉េន​ប្រាក់​ឧបត្ថម្ភកូវីដ ១៩ ។

កាលពីថ្ងៃទី ១ ខែមេសា មន្ត្រីរតនាគារបានបញ្ជូនបញ្ជីទិន្នន័យធនាគាររបស់ប្រជាពលរដ្ឋចំនួន ៤៦៣ គ្រួសារដែលស្នើសុំប្រាក់ឧបត្ថម្ភ ប្រាំថ្ងៃក្រោយមកបែរជាផ្ញើ​ទម្រង់​ផ្ទេរ​ប្រាក់ច្រឡំ រាយបញ្ជីអ្នកទទួលមានតែម្នាក់ប៉ុណ្ណោះ។ ដោយ​សារ​ការ​យល់ច្រឡំនេះធ្វើអោយគ្រួសារមួយទទួលបានប្រាក់ឧបត្ថម្ភរបស់ ៤៦៣ គ្រួសារ។

ក្រោយមក រដ្ឋាភិបាលក្រុងបានទាក់ទងទៅកាន់គ្រួសារនេះនៅថ្ងៃទី ២១ ខែមេសា ប៉ុន្តែ​គ្រួសារ​បាន​និយាយ​ថា​ប្រាក់​ត្រូវ​បានផ្ទេរទៅកន្លែងផ្សេង ហើយ​មិន​អាច​បង្វិល​សង​វិញ​បាន​ទេ។

ដើមឡើយគ្រួសារ​នេះនិយាយ​ថាពួក​គេ​នឹងសង​ប្រាក់វិញ ប៉ុន្តែ​បាត់ទំនាក់ទំនងជាមួយរដ្ឋាភិបាលក្រុង​រហូត​ដល់​ថ្ងៃ​ទី ២១ ខែ​មេសា។ នៅ​ពេល​នេះ ក្រុម​គ្រួសារ​បាន​និយាយ​ថា ពួក​គេ​មិន​អាចសង​ប្រាក់វិញភ្លាមៗ​ឡើយ។

នេះ​បើ​តាម​ព័ត៌មាន​ពី Mainichi បុគ្គលិកទទួលខុសត្រូវផ្ទេរប្រាក់ដែលជាអ្នកធ្វើខុសបាននិយាយថា “ប្រាក់ត្រូវបានផ្ទេរទៅកន្លែងណាមួយ និងមិន​អាច​សង​វិញ។ ខ្ញុំនឹងមិនរត់ទៅណាទេ ហើយសុខចិត្តទទួលខុសត្រូវកំហុសរបស់ខ្លួន” ។

អភិបាលក្រុង Abu លោក Norihiko Hanada មានប្រសាសន៍ក្នុងកិច្ចប្រជុំថា នេះជាស្ថានភាព “គួរឱ្យសោកស្តាយ​បំផុត” ហើយ​ទីក្រុង​កំពុងប្រឹងប្រែងអស់ពីសមត្ថភាពដើម្បីដោះស្រាយបញ្ហានេះ។

Sacchan