បង្គោលបង្គន់សាធារណៈសម្រាប់ឆ្កែ មានប៊ូតុងចុចសម្រាប់​ចាក់​ទឹក

នៅបរទេសពេលនាំឆ្កែដើរចេញទៅក្រៅ អ្នកត្រូវត្រៀមឧបករណ៍ចាំបាច់សម្រាប់សម្អាតពេលឆ្កែជុះ​នោម។ ទោះ​បីជា​អ្នក​បាន​រៀប​ចំ​គ្រប់​គ្រាន់ ហើយឆ្កែរបស់អ្នកក៏ស្តាប់បង្គាប់ ប៉ុន្តែមិនអាចគ្រប់គ្រងអនាម័យរបស់ឆ្កែគ្រប់ពេលនោះទេ។

Takahiro Yasuno (Twitter@takahiroanno) ថ្មីៗនេះបានរកឃើញឧបករណ៍សាធារណៈមួយ ដែលធ្វើអោយម្ចាស់សត្វឆ្កែជាច្រើន​សប្បាយ​ចិត្ត ហើយចាត់ទុកដូចជារបកគំហើញសម្រាប់អ្នកនាំឆ្កែដើរលេង។ Yasuno បានប្រទះឃើញឧបករណ៍​នេះ​ដោយចៃដន្យនៅ Daikanyama ស្ថិតនៅ Shibuya ទីក្រុងតូក្យូ។

ឧបករណ៍​នេះជា​បង្គោលដែលមានរូបភាពសត្វ​ឆ្កែកំពុងនោម រួម​ជាមួយ​នឹង​ការ​ណែនាំ​ថា “សូមទុកអោយឆ្កែរបស់អ្នកនោមនៅលើបង្គោលនេះ” ថែមទាំងមានប៊ូតុងចុចសម្រាប់​ចាក់​ទឹក​ទៀត។

これは昨日代官山にあって衝撃を受けた犬のおしっこ棒（水洗） pic.twitter.com/sMwnXpqCVC

— 安野貴博 (@takahiroanno) April 17, 2022

ឧបករណ៍នេះគេហៅថា “Suisen Oshikko Pole” ដែលបង្កើតឡើងដោយក្រុមហ៊ុនឧស្សាហកម្ម Shinken ។ ប្រជា​ជន​ជប៉ុន​ជា​ច្រើនមានការភ្ញាក់ផ្អើលចំពោះការប្រទះឃើញឧបករណ៍នេះ ដែលបង្ហាញថាវាមិនពេញនិយមនៅក្នុងប្រទេស​ជប៉ុន។

ភ្លាមៗនោះរូបថតទទួលបានការចាប់អារម្មណ៍យ៉ាងខ្លាំង។ ក្នុង Comment មនុស្សជាច្រើនពេញចិត្តចំពោះការរចនា​ក៏ដូចជាភាពងាយស្រួលរបស់ឧបករណ៍ ហើយក៏សង្ឃឹមថារកឃើញ និងប្រើប្រាស់ឧបករណ៍នេះ។

Sacchan