ស្លឹក​តែ Shizuoka ១ គីឡូក្រាមត្រូវ​បាន​ដាក់​លក់​ដេញ​ថ្លៃ​ក្នុង​តម្លៃ​កំណត់​ត្រា ១,៩៦ លាន​យ៉េន

ស្លឹកតែជប៉ុនដែលធ្វើដោយដៃ ១ គីឡូក្រាមនៅខេត្ត Shizuoka ភាគកណ្តាលប្រទេសជប៉ុនត្រូវបានលក់ក្នុងតម្លៃកំណត់​ត្រា ១,៩៦ លានយ៉េនក្នុងការដេញថ្លៃតាមរដូវកាល។

ស្លឹកតែបៃតងទាំងនេះដាំនៅ Fujinomiya ហើយត្រូវបានលក់ក្នុងការដេញថ្លៃប្រចាំឆ្នាំនៃទីផ្សារតែជប៉ុន Shizuoka ដើម្បី​ទាក់​ទាញការចាប់អារម្មណ៍​នៃ​ដំណាំ​ថ្មីបំផុត។

ខេត្ត Shizuoka ល្បីជាមួយនឹងតែបៃតង នេះ​បើ​តាម​មន្ត្រី​មូលដ្ឋានបាន​អោយ​ដឹង​ថា ទោះបីជាតែឆ្នាំនេះមានកំណើនយឺតជាងរាល់ឆ្នាំ ប៉ុន្តែ​គុណភាព​នៅ​តែ​ល្អ។

សេចក្តីថ្លែងក្នុងពិធី ប្រធានរៀបចំផ្សារតែជប៉ុនលោក Yasuhide Uchino បាននិយាយថា ទោះ​បី​ជា​តម្លៃ​ប្រេង​ និង​​វត្ថុ​​ធាតុ​ដើម​នៅ​តែ​បន្ត​កើន​ឡើង​ ទីផ្សារ “កំពុងខិតខំប្រឹងប្រែងដើម្បីធានាការផ្គត់ផ្គង់តែល្អក្នុងតម្លៃសមរម្យ”។

កណ្តឹងចាប់​ផ្តើមការ​ជួញ​ដូរ​រោទ៍​នៅ​ម៉ោង ៧ ព្រឹក ហើយអ្នកផលិតតែ ឈ្មួញតែ និងអ្នកដទៃទៀតកំពុងចរចាតម្លៃ គិតគូរ “soroban” របស់ជប៉ុន។ សម្លេងទះដៃបន្លឺឡើងនៅពេលដែលប្រតិបត្តិការបានបញ្ចប់។

Natsuki Wada អាយុ ៣៥ ឆ្នាំ ជាអ្នកលក់ដុំតែកែច្នៃដែលមានមូលដ្ឋាននៅទីក្រុង Shizuoka បាននិយាយថា “យើង​អាច​ទិញតែដែលមានពណ៌ និងរូបរាងស្អាត” ។

ការជួញដូរក៏ត្រូវបានធ្វើឡើងសម្រាប់តែដែលដាំនៅខាងក្រៅខេត្ត Shizuoka ផងដែរ រួមទាំងខេត្ត Kagoshima នៅភាគនិរតី និងភាគខាងត្បូង កោះ Okinawa ។ ចុងខែមេសាត្រូវគេព្យាករណ៍ថាជារយៈពេលមមាញឹកបំផុតក្នុងការផលិតតែដោយដៃ។

ទីផ្សារតែ Shizuoka បានរាយការណ៍ថា គិតត្រឹមម៉ោង ៨ៈ១០ នាទីព្រឹក បរិមាណនៃការជួញដូរតែបៃតងដែលដាំនៅ Shizuoka មាន​ចំនួន ១,៧៣២ គីឡូក្រាម ជាមួយនឹងតម្លៃជាមធ្យមក្នុងមួយគីឡូក្រាម ៥,០២៧ យ៉េន។

Hana