បញ្ហាជនភៀសខ្លួនអ៊ុយក្រែនយកសត្វចិញ្ចឹម​ទៅប្រទេសជប៉ុន

បច្ចុប្បន្នអ៊ុយក្រែននៅតែស្ថិតក្នុងស្ថានភាពសង្រ្គាម។ ជប៉ុន​ក៏​កំពុង​សហការ​ជាមួយ​ប្រទេស​នេះ​ដើម្បី​ទទួល​យក​ជន​ភៀស​ខ្លួន ដោយជួយពួកគេឱ្យរួចផុតពីសង្រ្គាមក្ដៅគគុកបណ្តោះអាសន្ន។ មិនមែនជារឿងធម្មតាទេដែលជប៉ុន​ឆ្លើយ​តបលឿនដូចនេះ ព្រោះជប៉ុនជាប្រទេស​តឹងរ៉ឹង​ខ្លាំង​ពេល​ទទួល​ជន​ភៀសខ្លួន។ ទោះ​ជាយ៉ាង​ណា​ក៏​នៅ​តែ​​មាន​បញ្ហា​ក្នុង​ដំណើរ​ការ​ទទួល​បាន​សិទ្ធិ​ជ្រកកោន។

បញ្ហាស្ថិតនៅលើសត្វចិញ្ចឹមរបស់ជនភៀសខ្លួន ដូច្នេះមិនមែនមានន័យថា ជនភៀសខ្លួនមិនអាចនាំឆ្កែ ឆ្មាទៅប្រទេស​ជប៉ុន​នោះ​ទេ ប៉ុន្តែត្រូវរៀបចំមុន។

ជាដំបូងខ្ញុំនឹងពន្យល់អំពីវិធីសាស្រ្តធម្មតា។

សត្វចិញ្ចឹមដែលចង់ទទួលបានសិទ្ធិជ្រកកោននៅប្រទេសជប៉ុនត្រូវតែ៖

• ដំឡើងមីក្រូឈីប
• ចាក់វ៉ាក់សាំងជំងឺឆ្កែឆ្កួតលើកដំបូង
• ចាក់វ៉ាក់សាំងជំងឺឆ្កែឆ្កួតលើកទីពីរ
• ធ្វើតេស្តឈាម
• រង់ចាំរយៈពេល ១៥០​ ថ្ងៃនៅប្រទេសម្ចាស់ផ្ទះ
• បង្ហាញឯកសារនៅវិទ្យាស្ថានជំងឺឆ្លងសត្វ
• ធ្វើការត្រួតពិនិត្យសុខភាព

ដើម្បីឆ្លងកាត់ដំណាក់កាលទាំងនេះត្រូវចំណាយពេលពី ៨ ទៅ ១០ ខែ សម្រាប់រៀបចំ។ ជាការពិតណាស់ តម្រូវការខាងលើសំខាន់ក្នុងការធានាសុវត្ថិភាព ប៉ុន្តែបើពិចារណាស្ថានភាពជនភៀសខ្លួន ពួកគេមិនមានពេលច្រើនក្នុងការ​រៀប​ចំនោះ​ទេ។

មិនត្រឹម​តែប៉ុណ្ណឹង ប្រសិនបើជនភៀសខ្លួនយកសត្វចិញ្ចឹមតាម ប៉ុន្តែមិនបានបំពេញលក្ខខណ្ឌខាងលើ ជម្រើសបន្ទាប់សម្រាប់ពួកគេពិតជាពិបាកណាស់។ ជម្រើសទីមួយអ្នកត្រូវទុកសត្វចិញ្ចឹមនៅស្ថានីយ៍ដាក់ឱ្យនៅដាច់ដោយ​ឡែក​សម្រាប់​ត្រួត​ពិនិត្យ ជាមួយនឹងតម្លៃ ១ យប់ ៣.០០០ យ៉េន x ៥៤៦.០០០ យ៉េន។

មានន័យថាអ្នកត្រូវទុកសត្វចិញ្ចឹម​នៅកន្លែងចម្លែករយៈពេលកន្លះឆ្នាំ ហើយត្រូវចំណាយប្រាក់ច្រើន។ តើជនភៀសខ្លួន​មាន​ប្រាក់​ច្រើន​ដែរឬ? ប៉ុន្តែនៅតែប្រសើរជាង​ជម្រើស​យកទៅសម្លាប់។

សរុបទៅ ប្រសិនបើអ្នកមិនទាន់រៀបចំឯកសារ អ្នកត្រូវតែមានប្រាក់ បើមិនមានទាំងពីរ សត្វចិញ្ចឹមរបស់អ្នកនឹងត្រូវ​សម្លាប់។

ដោយផ្អែកលើមូលដ្ឋានបទបញ្ញត្តិធានាសុវត្ថិភាព ជប៉ុន​មិនបាន​ធ្វើ​ខុស​ទេ ប៉ុន្តែបើឈរលើគោលជំហររបស់​ជន​ភៀស​ខ្លួន ទាំងនោះជាបទបញ្ញត្តិសាហាវ និងឃោរឃៅបំផុត។ 

ជប៉ុន​កំពុង​ប្រឹងប្រែង​ប្រមូល​កម្លាំង​ស្វ័យការពារ​ដើម្បី​ទទួល​ជនភៀសខ្លួន​អ៊ុយក្រែន។ ទោះជាយ៉ាងណា ខ្ញុំ​គិត​ថា ការ​ប៉ាន់​ស្មាន និង​​​វិធាន​​​ការ​របស់​​​ការិយាល័យ​​រដ្ឋាភិបាលមិនទាន់ដោះស្រាយនៅឡើយទេ។

Kengo Abe