រូបសាក់បែបជប៉ុន​ទទួល​បាន​ការ​ចាប់​អារម្មណ៍​យ៉ាង​ខ្លាំង ចុះ​នៅ​ក្នុង​ប្រទេស​ជប៉ុន?

សាក់មិនត្រឹម​តែជា​ចំណូល​ចិត្ត​ផ្ទាល់ខ្លួន ប៉ុន្តែជា​វប្បធម៌​ដែលផ្សព្វផ្សាយ​ជុំវិញ​ពិភពលោក។ នៅជប៉ុនរូបសាក់គេហៅថា Irezumi ដែលមានក្នុងជីវិតប្រចាំថ្ងៃរបស់ប្រជាជនជប៉ុនតាំងពីបុរាណកាល។ ដូច្នេះហើយរូបសាក់នៅជប៉ុន​​មាន​​ការវិវត្តន៍តាមរបៀបពិសេសដោយឡែក ជាអ្វីដែលប្រទេសជាច្រើនទៀតសរសើរ។

កាលពីប៉ុន្មានថ្ងៃមុន ធ្លាប់មានអ្នកសាក់ជនជាតិ New Zealand ម្នាក់ឈ្មោះ Maori បានមកដល់ជប៉ុន ដើម្បីផ្លាស់ប្តូរវប្បធម៌ ជា​មួយ​នឹង​អ្នក​សាក់​នៅ​ប្រទេស​ជប៉ុន។

https://www.buzzfeed.com/jp/ryosukekamba/maori

Maori ធ្វើជាអ្នកសាក់រូបផង ជា​សាស្ត្រាចារ្យ​សិល្បៈ​នៅ​វិទ្យាស្ថានបច្ចេកវិទ្យាបូព៌ា ជាគ្រឹះស្ថានឧត្តមសិក្សានៅប្រទេស New Zealand ។ ឃើញថាប្រទេស New Zealand ទទួលស្គាល់រូបសាក់ជាវប្បធម៌សិល្បៈផ្លូវការ ផ្ទុយពីប្រទេស​ជប៉ុន។

បច្ចុប្បន្ននៅមានកន្លែងត្រាំទឹកក្តៅជា​ច្រើន​មិន​អនុញ្ញាត​ឱ្យ​អ្នក​មាន​រូបសាក់​ចូល​។ ហើយរូបសាក់ក៏ជាចំណុចមិនល្អមួយដែរ ប្រសិនបើអ្នកចង់ស្វែងរកការ​ងារ​ធ្វើ​នៅ​ក្នុង​ប្រទេស​នេះ។

ជាងនេះទៅទៀត ធ្វើជាអ្នកសាក់នៅជប៉ុនត្រូវមានអាជ្ញាប័ណ្ណវេជ្ជសាស្រ្ត តាម​ពិតដូច​ជាហាមមិនអោយសាក់អញ្ចឹង។ ប្រសិនបើអាចទទួលបានអាជ្ញាប័ណ្ណវេជ្ជសាស្ត្រ ប្រាកដជាមានអត្ថប្រយោជន៍សេដ្ឋកិច្ចច្រើន បើអ្នក​ធ្វើការខាងផ្នែក​វេជ្ជសាស្ត្រ ឋានៈ​សង្គម​ក៏​ខ្ពស់​ផង​ដែរ។

ប្រសិនបើអ្នកមិនមានសញ្ញាប័ត្រ​ពេទ្យ ឬ​​អ្នក​មាន​សញ្ញាប័ត្រ​ពេទ្យតែ​គ្មាន​ទេពកោសល្យ​សិល្បៈ តើ​អ្នក​ណា​ធ្វើ​​ជា​​អ្នក​​សាក់?

ទោះជាយ៉ាងណា សាស្ត្រាចារ្យ New Zealand បានសង្កត់ធ្ងន់ថា រូបសាក់គួរតែត្រូវបានទទួលស្គាល់ជាលក្ខណៈវប្បធម៌របស់ជប៉ុន។ គាត់​បាន​និយាយ​ថា៖ “រូបសាក់ជប៉ុនជាសិល្បៈដ៏អស្ចារ្យ ត្រូវបានពិភពលោកទទួលស្គាល់” ។

ប៉ុន្តែដំណោះស្រាយបញ្ហាខុសគ្នារវាងវប្បធម៌មិនងាយស្រួលនោះទេ។

ដើមឡើយ រូបសាក់ជាសញ្ញាសម្គាល់ឧក្រិដ្ឋជននៅក្នុងប្រទេសជប៉ុន។ ប្រជាជនជប៉ុនពីបុរាណប្រើរូបសាក់ដែលមិនអាច​លុប​សម្រាប់​សម្គាល់​អ្នក​ទោស។ ផ្ទុយទៅវិញ ឧក្រិដ្ឋជនប្រើរូបសាក់បង្ហាញពីឥទ្ធិពល ការ​គំរាម​កំហែង។

តាមរយៈគំនិតនេះ រូបសាក់ដូចជា “មុខ​សញ្ញា​គ្រោះ​ថ្នាក់” ជាជាង “សិល្បៈ” ដូច្នេះបានជាអ្នកមានរូបសាក់ត្រូវហាមមិនអោយ​ចូល​កន្លែង​ត្រាំទឹកក្តៅ ឬជ្រោះទឹកក្តៅជាដើម។

សរុបទៅបើអ្នកចូលចិត្តរូបសាក់បែបជប៉ុន អ្នកអាចរកមើលនៅខាងក្រៅប្រទេសជប៉ុន។

Kengo Abe