ឧបករណ៍ចាប់កាំពន្លឺលំហសកលរកឃើញរលកយក្សស៊ូណាមិដំបូងគេនៅជប៉ុន

យើងទាំងអស់គ្នាដឹងអំពីផលប៉ះពាល់ដែលបណ្តាលមកពីរលកយក្សស៊ូណាមិ ទាំងនេះបានជំរុញឱ្យអ្នកវិទ្យា​សាស្ត្រ​កែ​លម្អវិធីសាស្រ្តជួយរកឃើញគ្រោះមហន្តរាយ។

តាមការស្រាវជ្រាវថ្មីមួយបានបង្ហាញពីដំណោះស្រាយចាប់យករលកយក្សស៊ូណាមិ តាមរយៈគ្រាប់ muon ។

Muon គឺជាភាគល្អិតបឋមដែលមានថាមពលខ្ពស់ ដែលបង្កើតឡើងនៅពេលដែលកាំពន្លឺលំហសកលបញ្ចាំងពី​លើ​លំហ។ ភាគល្អិតទាំងនេះមាននៅគ្រប់ទីកន្លែងក្នុងបរិយាកាស និងអាចឆ្លងកាត់ស្ទើរតែទាំងអស់ដោយគ្មានគ្រោះថ្នាក់​ រួម​ទាំង​រាង​កាយមនុស្សផងដែរ។

ភាគល្អិតប្រមាណ ១០០,០០០ គ្រាប់អាចឆ្លងកាត់រាងកាយមនុស្សត្រឹម​រយៈពេលប៉ុន្មានវិនាទី។ អ្វីដែលសំខាន់ផ្លូវរបស់វាអាចនឹងត្រូវផ្លាស់ប្តូរបន្តិចដោយកម្លាំងធម្មជាតិធំ រួមទាំងរលកយក្សស៊ូណាមិ។

ដើម្បីរកមើលចលនារបស់គ្រាប់ muon មនុស្សត្រូវការឧបករណ៍ច្បាស់ ដូចជាឧបករណ៍ចាប់ TS-HKMSDD នៅ​ឈូង​សមុទ្រ Tokyo ។ ឧបករណ៍នេះត្រូវបានដំឡើងខាងក្នុងផ្លូវរូងក្រោមដី Tokyo Bay Aqua-Line ។

TS-HKMSSD រកឃើញរលកយក្សស៊ូណាមិតាមរយៈការរំកិលគ្រាប់ muon លើកដំបូង។ សំខាន់តាមទស្សនៈនៃការ​ជូន​ដំណឹង​ពី​មុន ការរកឃើញកើតឡើងក្នុងពេលវេលាជាក់ស្តែង និងបង្ហាញឱ្យឃើញថាមានភាពត្រឹមត្រូវ។

វិធីសាស្រ្តផ្សេងទៀតរួមមានរង្វាស់ជំនោរ ពោងអណ្តែត រូបភាពផ្កាយរណបថតពីលើអាកាស និងប្រភេទឧបករណ៍ចាប់​សញ្ញាផ្សេងទៀត។ ទោះជាយ៉ាងណាវិធីសាស្ត្រតាមដាន muon សន្យាថាលឿន ថោក និងងាយស្រួលក្នុងការថែ​រក្សា​ជាង​វិធីសាស្ត្រខាងលើ។

ការស្រាវជ្រាវថ្មីបង្ហាញពីប្រព័ន្ធ TS-HKMSDD រកឃើញរលកយក្សស៊ូណាមិកម្រិតស្រាលឆ្លងកាត់ឈូងសមុទ្រ Tokyo ក្នុងខែកញ្ញា ឆ្នាំ ២០២១ ដែលបង្កឡើងដោយខ្យល់ព្យុះចូលប្រទេសជប៉ុនភាគខាងត្បូង។ នៅពេលដែល​មហា​សមុទ្រប្រែប្រួល ចំនួនគ្រាប់ muon ប្រែប្រួលបន្តិចបន្តួច បំបែកដោយបរិមាណទឹក។

បច្ចុប្បន្ន TS-HKMSSD បាន​បង្ហាញ​ថា​​វា​អាច​រក​ឃើញ​ការផ្លាស់ប្តូររបស់គ្រាប់ muon ទាំងនេះ។ ក្រុមស្រាវជ្រាវស្នើឱ្យដំឡើងឧបករណ៍ស្រដៀងនឹង TS-HKMSSD ក្នុងផ្លូវរូងក្រោមដីផ្សេងទៀតនៅតំបន់ដែលងាយរងគ្រោះដោយ​សារ​រលក​យក្ស​ស៊ូណាមិ និងប្រើឧបករណ៍វាស់ជំនោរ ជាផ្នែកមួយនៃប្រព័ន្ធព្រមានអោយដឹងមុន។

Tanaka បាននិយាយថា “ដោយពឹងលើភាពជោគជ័យនៃការសាកល្បងដំបូងដូចនេះ ប្រព័ន្ធស្រដៀងគ្នាមួយចំនួន​​ក៏​ត្រូវ​បានសាកល្បងនៅអង់គ្លេស និងហ្វាំងឡង់” ។

ឧបករណ៍ចាប់សញ្ញា muon បង្កើតប្រព័ន្ធ TS-HKMSSD តូចបំផុត មានប្រវែងត្រឹមតែ ២ ម៉ែត្រប៉ុណ្ណោះ។

បច្ចុប្បន្នឧបករណ៍ដូចនេះចំនួន ២០ ត្រូវបានដំឡើងតាមផ្លូវរូងក្រោមដីឈូងសមុទ្រ Tokyo ដោយធ្វើការរួមគ្នាដើម្បី​បង្កើត​ប្រព័ន្ធ​ទាំង​មូល។

ក្រៅពីរកឃើញរលកយក្សស៊ូណាមិកំពុងចូល ប្រព័ន្ធបែបនេះអាចត្រូវបានប្រើដើម្បីស្វែងរកឧស្ម័នធម្មជាតិ និងរកឃើញរញ្ជួយដី។ នៅពេលនេះក្រុមស្រាវជ្រាវរីករាយក្នុងការប្រើ TS-HKMSSD ជាឧបករណ៍ចាប់រលកយក្សស៊ូណាមិ​ត្រឹម​ត្រូវ។

AD