នាយកក្រុមហ៊ុនតាក់ស៊ីធំនៅជប៉ុនបានប្រកាសចូលនិវត្តន៍នៅអាយុ ១០០ ឆ្នាំ

នាយកតំណាង និងជាប្រធាន Daiichi Kotsu Sangyo ដែលជាក្រុមហ៊ុនតាក់ស៊ីធំនៅក្នុងប្រទេស​ជប៉ុន បានប្រកាសចូលនិវត្តន៍នៅថ្ងៃទី ៦ ខែមេសា នៅអាយុ ១០០ ឆ្នាំ។

លោក Hajime Kurotsuchi បានអោយដឹងក្នុងសន្និសីទសារព័ត៌មានថា លោក​នឹង​ចុះ​ចេញ​ពី​តំណែង​ក្នុង​កិច្ច​ប្រជុំ​ម្ចាស់​ហ៊ុន​របស់​ក្រុមហ៊ុន​នៅ​ខែ​មិថុនា ហើយនឹងក្លាយជាទីប្រឹក្សារបស់ក្រុមហ៊ុន។

លោក Kurotsuchi បាន​បង្កើត​ក្រុមហ៊ុន​ដែល​មាន​មូលដ្ឋាន​នៅទីក្រុង​នេះដើម្បីដំណើរការទូទាំងប្រទេស។ គាត់​បាន​និយាយ​ថា “ខ្ញុំ​សង្ឃឹម​ថា​អ្នក​រាល់​គ្នា​អាច​រស់​នៅ​រហូតដល់អាយុ ១០០ ឆ្នាំឡើងទៅ” ។

លោក Kurotsuchi កើតនៅ Nakatsu ខេត្ត Oita ។ គាត់ចេញពីវិទ្យាល័យពាណិជ្ជកម្ម Oita (ឥឡូវនេះជាផ្នែកសេដ្ឋកិច្ច​នៃ​សាកល​វិទ្យាល័យ Oita) មុនពេលបញ្ចប់ការសិក្សា គាត់ត្រូវបំពេញកាតព្វកិច្ចយោធាក្នុងកំឡុងសង្គ្រាមលោក​លើក ២ ។

បន្ទាប់ពីត្រឡប់មកពីប្រទេសចិន គាត់ចូលបម្រើកងទ័ពអធិរាជជប៉ុន គាត់ធ្វើការក្នុងក្រុមហ៊ុនពាណិជ្ជកម្មមួយ និងកន្លែងផ្សេងទៀតក្រោយសង្គ្រាម។ លោក Kurotsuchi បានបង្កើតក្រុមហ៊ុនដំបូង Daiichi Kotsu ជា​មួយនឹង​តាក់​ស៊ី ៥ គ្រឿង ក្នុងឆ្នាំ ១៩៦០ ។

លោក Kurotsuchi បានពង្រីកដំណើរការអាជីវកម្មតាមរយៈការរួមបញ្ចូលគ្នាជាមួយក្រុមហ៊ុនតាក់ស៊ីផ្សេងទៀតនៅទូទាំងប្រទេសជប៉ុន។ ហើយក៏ដំណើរការនៅទីក្រុងតូក្យូផងដែរ បច្ចុប្បន្ន Daiichi Kotsu ជា​ម្ចាស់​រថយន្ត​តាក់ស៊ី​ច្រើន​​ជាង​​គេ​​ក្នុង​​ប្រទេស​​ជប៉ុន ដោយ​មាន​ចំនួន ៨០០០ គ្រឿង។

លោក Kurotsuchi ត្រូវបានតែងតាំងជាប្រធានក្រុមហ៊ុនក្នុងឆ្នាំ ២០០១ ។ គាត់​បាន​ប្រគល់​សិទ្ធិ​តំណាង​របស់​ខ្លួន​ទៅ​ឱ្យ​ក្រុមហ៊ុន​ក្នុង​ឆ្នាំ ២០១៥ ពេល​គាត់​រង​របួស ហើយបន្ទាប់​មក​បាន​ត្រឡប់​មក​ធ្វើ​ជា​នាយក​តំណាង​នៅ​ឆ្នាំ ២០១៧ ។

គាត់នៅតែមកការិយាល័យជារៀងរាល់ថ្ងៃ និងចូលរួមស្ទើរតែរាល់កិច្ចប្រជុំក្រុមប្រឹក្សាភិបាលដែលធ្វើឡើងតាម​អន​ឡាញ។

លោក​បាន​ថ្លែង​ជា​សារ​ដល់​បុគ្គលិក​របស់​ខ្លួនក្នុង​សន្និសីទ​សារព័ត៌មាន​ថា “សូម​អនុវត្ត​គោលការណ៍របស់ក្រុមហ៊ុន ដូចជាគោរពមនុស្សគ្រប់គ្នា ហើយ​ចងចាំ និង​ដឹងគុណចំពោះ​អតិថិជន” ។

លោក Kurotsuchi បានចែករំលែកបន្ថែមអំពីអាថ៌កំបាំងនៃការរស់នៅប្រកបដោយសុខភាពល្អ “កុំបរិភោគ ឬ​ផឹក​ច្រើន​ពេក ហើយ​ហាត់​ប្រាណ​ជា​រៀងរាល់ថ្ងៃរយៈពេល ១០ ទៅ ២០ នាទី” ។

ក្នុងសន្និសីទសារព័ត៌មាន លោកមានប្រសាសន៍ពេលឈានចូលអាយុ ១០០​ ឆ្នាំនាខែមករាឆ្នាំនេះថា “ឥឡូវនេះខ្ញុំមាន​អាយុ ១០០ ឆ្នាំ​ហើយ។ ពេល​វេលាដើរ​លឿន​ណាស់” ។

លោក​មាន​គម្រោង​បង្កើត​មូលដ្ឋាន​ដើម្បី​ជួយ​ដល់​ក្រុមហ៊ុន​ខ្នាត​តូច និង​មធ្យម។

yuki