ទំព័រដើម
Japo- ថ្ងៃនេះ
មន្ទីរពេទ្យ Kyoto ជប៉ុនទទួលបានជោគជ័យក្នុងការវះកាត់ប្តូរសួតដែលមានប្រភេទឈាមខុសគ្នាលើកដំបូងនៅលើពិភពលោក

មន្ទីរពេទ្យ Kyoto ជប៉ុនទទួលបានជោគជ័យក្នុងការវះកាត់ប្តូរសួតដែលមានប្រភេទឈាមខុសគ្នាលើកដំបូងនៅលើពិភពលោក

ថ្ងៃអង្គារ 19/04/2022 | 8:00 ព្រឹក

មន្ទីរពេទ្យសាកលវិទ្យាល័យក្យូតូកាលពីថ្ងៃទី ១២ ខែមេសា បានប្រកាសប្តូរសួតមួយផ្នែកពីឪពុកដែលមានឈាមប្រភេទ B និងម្តាយដែលមានឈាមប្រភេទ O ទៅអោយកូនស្រីអាយុ ១០ ឆ្នាំដែលមានឈាមប្រភេទ O ។

យោងទៅតាមមន្ទីរពេទ្យ នេះជាការវះកាត់ប្តូរសួតពីអ្នកបរិច្ចាគដែលនៅរស់ដំបូងលើពិភពលោកមានប្រភេទឈាមខុសគ្នា។

ការវះកាត់ប្តូរត្រូវបានធ្វើឡើងនៅថ្ងៃទី ១៦ ខែកុម្ភៈ ដំណើរការវះកាត់ដោយរលូន ហើយអ្នកជំងឺចេញពីមន្ទីរពេទ្យនៅថ្ងៃទី ១១ ខែមេសា។

រហូតមកដល់ពេលនេះការវះកាត់រវាងមនុស្សដែលមានប្រភេទឈាមខុសគ្នា និងអ្នកបរិច្ចាគសរីរាង្គ ភាគច្រើនត្រូវបានធ្វើនៅលើតម្រងនោម និងថ្លើម ហើយមិនធ្លាប់ធ្វើចំពោះសួតនោះទេ ព្រោះតែសួតងាយនឹងបញ្ចេញចោល និងឆ្លងមេរោគដល់សរីរាង្គខាងក្នុងផ្សេងទៀត។

អ្នកជំងឺស្រីរស់នៅតំបន់ Kanto ភាគខាងកើតប្រទេសជប៉ុន។ នាងមានជំងឺរលាកទងសួត ស្ទះ ស្ថានភាពបណ្តាលអោយស្ទះផ្លូវដង្ហើមផ្នែកតូចក្នុងសួត បន្ទាប់ពីបានទទួលការវះកាត់ប្តូរខួរឆ្អឹង។

នៅខែកញ្ញាឆ្នាំ ២០២១ ស្ថានភាពធ្ងន់ធ្ងររហូតដល់ថ្នាក់ត្រូវការម៉ាស៊ីនដកដង្ហើម។ ដូច្នេះហើយមន្ទីរពេទ្យបានសម្រេចចិត្តធ្វើការវះកាត់ប្តូរសួតរស់។

ក្នុងករណីនេះ អ្នកជំងឺត្រូវការអ្នកបរិច្ចាគសួតចំនួន ២ នាក់ ដូច្នេះមន្ទីរពេទ្យបានប្រើសួតរបស់ឪពុកដែលមានប្រភេទឈាមខុសកូនស្រី ក៏ដូចជាមួយផ្នែកពីម្តាយរបស់ប្អូនស្រី។ ឪពុកម្តាយរបស់ប្អូនសុទ្ធតែមានអាយុជាង ៤០ ឆ្នាំ។

ដើម្បីជៀសវាងស្ថានភាពបញ្ចេញចោលរបស់សួត វេជ្ជបណ្ឌិតចេញវេជ្ជបញ្ជាឱ្យលេបថ្នាំ និងអនុវត្តវិធីព្យាបាលមួយចំនួនទៀតប្រហែល ៣ សប្តាហ៍មុនពេលវះកាត់។

ក្រោយពេលវះកាត់ ទោះបីជាអ្នកជំងឺមានរោគសញ្ញាបញ្ចេញចោលធ្ងន់ធ្ងរ ស្ថានភាពត្រូវបានព្យាបាលភ្លាមៗតាមរយៈវិធីព្យាបាលដោយ steroid ។

បច្ចុប្បន្ននេះអ្នកជំងឺលែងត្រូវការម៉ាស៊ីនដកដង្ហើមទៀតហើយ អាចដើរដោយខ្លួនឯងបាន។ តាមសេចក្តីរាយការណ៍ប្អូនស្រីចេញពីមន្ទីរពេទ្យក្នុងស្ថានភាពសុខភាពល្អនៅថ្ងៃទី ១១ ខែមេសា។