ប្អូន​ប្រុស​ជនជាតិ​ជប៉ុនបណ្តុះសក់វែងសម្រាប់បរិច្ចាគ​ដល់​កុមារ​ដែល​​ជ្រុះ​​សក់​​ដោយសារ​ជំងឺ

ប្អូនប្រុស Koya Kubota អាយុ ១២ ឆ្នាំនៅសាលា Chisato ទីក្រុង Shinshiro ខេត្ត Aichi នានិទាឃរដូវនេះ។ ប្អូនប្រុស​ម្នាក់នេះបានចាប់ផ្តើមបណ្តុះសក់វែងកាលពី ៣ ឆ្នាំមុន បន្ទាប់ពីត្រូវបានបំផុសគំនិតដោយម្តាយរបស់ខ្លួន Hisako នៅពេលដែលម្តាយបានបរិច្ចាគសក់អោយអង្គការ​សប្បុរសធម៌។

ទោះជាយ៉ាងណាទង្វើល្អរបស់ Kubota មិនងាយទេ ពេលដែលប្អូនតែងតែត្រូវគ្រូ និងមិត្តភក្តិនៅសាលាបឋមសិក្សានិយាយថា៖ “មើលទៅប្អូនដូចស្រីណាស់” និង “សូមទៅកាត់សក់” ។

Kubota បាន​ពន្យល់​ជាច្រើន​ដង​ពី​មូលហេតុ​មិន​កាត់សក់​ឱ្យ​អ្នក​រាល់​គ្នា​យល់៖ “ខ្ញុំបណ្តុះសក់របស់ខ្លួនសម្រាប់ជូនអ្នក​​ដែល​មិន​មាន​សំណាង​ ហើយខ្ញុំនឹងបន្តធ្វើបែបនេះ” ។

ម្តាយរបស់ Kubota បានអនុញ្ញាតឱ្យប្អូនប្រើសាប៊ូកក់សក់ដែលមានគុណភាពខ្ពស់នៅផ្ទះ ដើម្បី “ថែរក្សាសក់ឱ្យមើល​​ទៅ​​ស្អាតបំផុតសម្រាប់ជូនអ្នកដទៃ” ។ បន្ទាប់ពីសក់វែង ប្អូនប្រុសកាត់បន្ថយសម្ងួតសក់ ជួនកាលក៏ក្រង​សក់​ឱ្យ​ស្អាត​ផងដែរ។

នៅ​ព្រឹក​ថ្ងៃ​ទី ១ ខែ​មេសាឆ្នាំ​នេះ នៅពេលដែលសក់វែង​ប្រហែល ៦០ សង់ទីម៉ែត្រ Kubota បានទៅដល់ហាងធ្វើសក់ Akirio ជា​កន្លែង​ទទួល​សក់​បរិច្ចាគ។ ទោះ​បី​ជា​ភ័យ​បន្តិច​តែ Kubota ​ពេញ​ចិត្ត​នឹង​រូបរាង​ថ្មី​របស់​ខ្លួន។ ប្អូន​ប្រុស​រូប​​នេះ​បាន​និយាយ​ថា៖ “ខ្ញុំ​មាន​ម៉ូដ​សក់​ស្អាត ខ្ញុំ​ចូល​ចិត្ត​ណាស់” ។

សក់របស់ Kubota រួមជាមួយម្ចាស់ជំនួយជាច្រើនផ្សេងទៀតនឹងបរិច្ចាគជូនគម្រោងធ្វើសក់ក្លែងក្លាយ សម្រាប់បរិច្ចាគដល់កុមារដែលបាត់បង់សក់ដោយសារជំងឺ ឬរបួស។

Hana