ហាង Shiseido ប្រវត្តិម៉ាកយីហោដែលអ្នកនិពន្ធជប៉ុនចូលចិត្ត

ថ្ងៃអង្គារ 12/04/2022 | 16:25 ល្ងាច

នៅអគារពណ៌ឥដ្ឋត្រង់ចំណុចប្រសព្វ Ginza ៨ chome កាច់ជ្រុង Tokyo Ginza Shiseido គឺហាងកាហ្វេ Shiseido Parlour ។

តើអ្នកដឹងទេ Shiseido ដែលជាម៉ាកគ្រឿងសំអាងលំដាប់ពិភពលោក ក៏មានហាងកាហ្វេដែរ?

ហាងនេះមានប្រវត្តិយូរណាស់មកហើយ ជាង ១០០ ឆ្នាំ ហើយក៏ជាកន្លែងដែលអ្នកនិពន្ធចូលចិត្តផងដែរ។

ថ្ងៃនេះយើងនឹងស្វែងយល់អំពី Shiseido ដែលមិនមែនគ្រប់គ្នាសុទ្ធតែស្គាល់នោះទេ។

តាំងពីដើម Shiseido មិនមែនជាក្រុមហ៊ុនជំនាញខាងគ្រឿងសំអាងទេ។ Shiseido ត្រូវបានបង្កើតឡើងជាកន្លែងចែកចាយឱសថស្ថានបែបបស្ចិមប្រទេសដំបូងគេក្នុងប្រទេសជប៉ុន។ នាពេលនោះជាសម័យ Meiji បន្ទាប់ពីបញ្ចប់សម័យសាមូរ៉ៃ។ ក្រុមហ៊ុនបង្កើតឡើងអំឡុងពេលភាវូបនីយកម្មឧស្សាហកម្មវេជ្ជសាស្ត្រជប៉ុន ខណៈដែលឱសថបូព៌ានៅតែជាមូលដ្ឋាន។ បន្ទាប់មកក្រុមហ៊ុនចាប់ផ្តើមលក់គ្រឿងសំអាង ហើយអភិវឌ្ឍទៅជាម៉ាកយីហោធំក្នុងវិស័យនេះ។

ទោះជាយ៉ាងណា អត្តបទថ្ងៃនេះនិយាយពីហាងកាហ្វេ Shiseido ។ នៅជ្រុងម្ខាងក្នុងហាងមានកន្លែងដាក់សូដា និងការ៉េម។

សូមក្រឡេកមើលរូបភាពដែលបានថតនៅឆ្នាំ ១៩០២ ។

មើលទៅធំទូលាយ និងប្រណិតណាស់មែនទេ?

ភេសជ្ជៈ និងអាហារសម្រន់ដូចជា Sandwich ស្រដៀងទៅនឹងរចនាប័ទ្មហាងកាហ្វេសម័យនេះ។

គួរអោយសោកស្តាយ ក្នុងអំឡុងពេលរញ្ជួយដី Kanto បានបណ្តាលឱ្យខូចខាតធ្ងន់ធ្ងរនៅទីក្រុងតូក្យូ អគារដួលរលំ។ ហេតុដូច្នេះ Shiseido ចាប់ផ្តើមឡើងវិញនៅកន្លែងមួយផ្សេងទៀតក្រោមឈ្មោះ Shiseido Ice Cream Parlour ។

បរិយាកាសកន្លែងថ្មីកាន់តែប្រណិតជាងមុន ជាមួយនឹងចង្កៀងព្យួរលើពិដាន និងក្រណាត់តុពណ៌ស ដែលមើលទៅដូចជាភោជនីយដ្ឋានអាពាហ៍ពិពាហ៍ជាងហាងកាហ្វេ។ នៅជាន់ទី ២ ទុកសម្រាប់កម្មវិធីប្រគុំតន្ត្រី ភ្ញៀវមកចូលរួមភាគច្រើនជាអភិជន។

នៅទីនេះក៏ជាកន្លែងប្រមូលផ្តុំអ្នកនិពន្ធ ដូចជាអ្នកនិពន្ធ Ogai Mori ល្បីល្បាញដោយសារស្នាដៃដូចជា Maihime ឬ Takasebune ជាដើម។

អ្នកនិពន្ធស្រឡាញ់កូនស្រីច្បងខ្លាំងណាស់ ហើយតែងតែនាំនាងមកហាងកាហ្វេ Shiseido ញ៉ាំការ៉េម។ នៅពេលនោះការ៉េមមានលក់គ្រប់ទីកន្លែងក្នុងទីក្រុង ប៉ុន្តែមនុស្សគ្រប់គ្នាគិតថាមានតែនៅ Shiseido ទើបអាចញ៉ាំការ៉េមគុណភាពខ្ពស់។

Osamu Dazai ដែលជាអ្នកនិពន្ធតំណាងឱ្យសម័យដើម Showa ក៏ជាភ្ញៀវរបស់ Shiseido Parlour ផងដែរ។ អ្នកនិពន្ធ Dazai ត្រូវបានគេស្គាល់ជាមួយនឹងស្នាដៃដូចជា Ningen Shikkaku, Hashire Merosu ។ល។ ជាអ្នកនិពន្ធដែលខ្ញុំចូលចិត្ត។ ប៉ុន្តែជីវិតរបស់បុរសម្នាក់នេះមានរឿងអាស្រូវច្រើន ក្រៅពីភរិយា Osamu Dazai មានស្រីស្នេហ៍ ២ នាក់។ គាត់ធ្លាប់ព្យាយាមធ្វើអត្តឃាតជាច្រើនដងមិនបានសម្រេច ហើយនៅទីបំផុតសម្រេចដូចបំណង។ ជីវិតរបស់អ្នកនិពន្ធត្រូវបំផ្លាញដូចជាតួអង្គក្នុងស្នាដៃនិពន្ធរបស់គាត់។

ភេសជ្ជៈដែលលោក Osamu Dazai ចូលចិត្តគឺសូដាការ៉េម។

អ្នកនិពន្ធជាមនុស្សសម្បូរស្នេហ៍ ដូច្នេះហើយនេះជាកន្លែងដែលគាត់ចូលចិត្តណាត់ជួបគូស្នេហ៍។

អ្នកនិពន្ធចុងក្រោយក៏ផ្សារភ្ជាប់នឹងហាងកាហ្វេ Shiseido នេះដែរ ឈ្មោះ Shotaro Ikenami ដែលល្បីដោយសារប្រលោមលោកប្រវត្តិសាស្ត្រ។ ទីកន្លែងកំណើតនៅ Asakusa អ្នកនិពន្ធ Shotaro ជាអ្នកដែលចូលមិនទទួលទាន។ គាត់ស្វែងយល់មុខម្ហូបបស្ចិមប្រទេសនៅហាង Ginza ហើយជាពិសេសចូលចិត្តបាយមាន់នៅទីនេះ។