ក្រុមហ៊ុនជប៉ុនផលិតម៉ាឡាកាំងក្រដាសដើម្បីចូលរួមកាត់បន្ថយការបំពុល​បរិស្ថាន

ម៉ាឡាកាំងគឺជាផ្នែកមួយដែលមិនអាចខ្វះបានក្នុងហាងលក់សម្លៀកបំពាក់ទាន់សម័យ។ ភាគច្រើនម៉ាឡាកាំងធ្វើ​ពីប្លាស្ទិក ប៉ុន្តែក្នុងបរិបទដែលប្រទេស​ជប៉ុន​កំពុង​កាត់​បន្ថយ​ប្លាស្ទិកដើម្បីការពារបរិស្ថាន ម៉ាឡាកាំងធ្វើពីក្រដាស​ត្រូវ​បាន​ផលិត។

ម៉ាឡាកាំងក្រដាសជាអំណោយមួយ មិនត្រឹម​តែសម្រាប់ផែនដីប៉ុណ្ណោះទេ ថែមទាំងសម្រាប់កម្មករផលិតផងដែរ។

ម៉ាឡាកាំងក្រដាសជាផលិតផលរបស់ Tomane ដែលជាក្រុមហ៊ុនផលិតម៉ាឡាកាំងមានប្រវត្តិ ៨០ ឆ្នាំនៅប្រទេស​ជប៉ុន។ 

https://gunosy.com/articles/arYZd?s=s

ដំណើរការផលិតម៉ាឡាកាំងទាំងមូលត្រូវបានបំប្លែងទៅជាវត្ថុធាតុដើមក្រដាស។ ម៉ាឡាកាំងប្លាស្ទិកត្រូវការសារធាតុរំលាយសរីរាង្គច្រើនក្នុងដំណើរការផលិត ប៉ុន្តែចំណុចនេះមិនចាំបាច់ទេ។ លើស​ពី​នេះ​សារធាតុរំលាយបង្កើន​ហានិភ័យ​ដល់​កម្មករ​ព្រោះវាមានជាតិពុល។

ក្រៅពីនេះម៉ាឡាកាំងក្រដាសមានទម្ងន់ត្រឹមតែ ១,៦ គីឡូក្រាម ដែលមានន័យថាប្រហែល ១/៥ ម៉ាឡាកាំងធម្មតាប៉ុណ្ណោះ។

ជាទូទៅម៉ាឡាកាំងតែងតែត្រូវផ្លាស់ប្តូរសម្លៀកបំពាក់ញឹកញាប់ ដូច្នេះម៉ាឡាកាំងក្រដាសទាំងនេះត្រូវបានផលិត ជួយឱ្យការផ្លាស់ប្តូរសម្លៀកបំពាក់សម្រាប់ម៉ាឡាកាំងកាន់តែងាយស្រួល។

ក្រដាស Washi (ក្រដាសជប៉ុន) ជាក់ស្តែងជាប្រភេទក្រដាស Nishinouchi មកពី Ibaraki ក្រដាសនេះមានភាព​ធន់​ខ្ពស់។

ក្រដាសត្រូវបានផលិតដោយដៃសិប្បករជំនាញ មិនមែននៅក្នុងរោងចក្រផលិតច្រើននោះទេ។ កម្មករ​ត្រូវ​ទទួល​ការ​​បណ្តុះ​បណ្តាល​រយៈ​ពេល​ ១០ ​ឆ្នាំទើបមានលក្ខណៈគ្រប់គ្រាន់ ដូច្នេះ Washi ត្រូវបានជ្រើសរើសជាសម្បត្តិវប្បធម៌អរូបី​របស់​ជប៉ុន។​

ល្អចំពោះបរិស្ថាន និងមនុស្ស ជាពិសេសកម្មករកាត់ដេរសម្លៀកបំពាក់ ម៉ាឡាកាំងក្រដាសថែមទាំងថែរក្សាការពារភាព​ស្រស់​ស្អាត​នៃ​វប្បធម៌​ជប៉ុន​ផង​ដែរ។

ខ្ញុំសង្ឃឹមថាភាពស្រស់ស្អាតនេះនឹងត្រូវបានផ្សព្វផ្សាយទៅកាន់ពិភពលោកដូចជាឧស្សាហកម្មធំមួយនៅ Ibaraki ។

Kengo Abe