ប្អូនស្រី Yoyoka Soma ជាអ្នកវាយស្គរដ៏ឆ្នើមម្នាក់

ក្នុង Top ជនជាតិជប៉ុនទាំង ១០០ នាក់ដែលពិភពលោកគោរពមានឈ្មោះរបស់ Yoyoka Soma ជាអ្នកពូកែវាយស្គរម្នាក់ដែលត្រូវបាន Newsweek ជ្រើសរើសដាក់បញ្ចូលបញ្ជីតាំងពីអាយុ ៩ ឆ្នាំ។

កាលអាយុ ១១ ឆ្នាំ ប្អូនត្រូវបានជ្រើសរើសជាអ្នកវាយស្គរក្មេងជាងគេនៅលើពិភពលោកក្នុងបញ្ជីអ្នកវាយស្គរកំពូលទាំង ៥០០ នាក់នៅលើគេហទំព័រពិភពលោក Drummer World ហើយបានសម្តែងជាមួយសិល្បករល្បីៗ។

https://news.tv-asahi.co.jp/news_economy/articles/000250174.html

ក្មេងស្រីនេះសម្រេចចិត្តចាកចេញពីប្រទេសជប៉ុនតាំងពីអាយុ ១២ ឆ្នាំ ក្រៅពីចង់សាកល្បងខ្លួនឯង នៅមានមូលហេតុ​មួយផ្សេងទៀត។ ប្អូននិយាយថា​ស្អប់​មេរៀន​តន្ត្រី និង​សីលធម៌​នៅ​សាលា​ជប៉ុន។ មេរៀន​តន្ត្រី​នៅ​សាលា​តម្រូវ​ឱ្យ​ប្អូនលេង​តាម​អ្វីដែលត្រូវបានបង្រៀន ហើយប្អូនមិនអាចលេងតាមអារម្មណ៍ឡើយ។ ម្យ៉ាងទៀត ថ្នាក់​សីល​ធម៌​ក៏ធ្វើឱ្យប្អូនមានអារម្មណ៍ធុញថប់។ ដំបូងហាក់ដូចជាគ្រប់យ៉ាងល្អណាស់ នៅពេលដែលមិត្តរួមថ្នាក់អាចបញ្ចេញ​មតិរបស់ខ្លួនដោយសេរី ប៉ុន្តែនៅតែតាមការណែនាំក្នុងគម្រោងមេរៀនរបស់គ្រូ។

ប្អូនស្រីអាយុ ១២ ឆ្នាំរូបនេះបានចង្អុលបង្ហាញបញ្ហាជាមូលដ្ឋាននៃការអប់រំជប៉ុន។

កុមារី Yoyoka ចាប់ផ្តើមលេងស្គរតាំងពីអាយុ ១ ខួបកន្លះ ហើយគ្មាននរណាម្នាក់បង្ខំទេ។ ប្អូនជ្រើសរើសស្គរចេញពីឧបករណ៍ភ្លេងជាច្រើន តាមចំណង់ចំណូលចិត្តផ្ទាល់របស់ប្អូន។ កាលចូលបឋមសិក្សា ប្អូនតែងតែគូរផ្តេសផ្តាសក្នុង​សៀវ​ភៅ ប៉ុន្តែឪពុកម្តាយមិនបានស្តីបន្ទោសប្អូនព្រោះរឿងនឹងទេ ផ្ទុយទៅវិញថែមទាំងសរសើរប្អូន។

ប្រព័ន្ធអប់រំជប៉ុនឱ្យតម្លៃលើការសហការ មានទំនោររារាំងលក្ខណៈពិសេស និងបុគ្គលិកលក្ខណៈបុគ្គល។ អាច​និយាយ​​បាន​​ថា​​ប្រព័ន្ធ​អប់រំ​ជប៉ុន​បណ្តុះបណ្តាលមនុស្សពូកែកម្រិតមធ្យម។ រហូតមកដល់សព្វថ្ងៃនេះ ជប៉ុននៅតែស្ថិតក្នុង Top ប្រទេសដែលមានសេដ្ឋកិច្ចខ្ពស់ ដោយពឹងលើគោលនយោបាយអប់រំ ប៉ុន្តែ​បើ​គិត​ទៅ​វិញ ខ្ញុំ​គិត​ថា​ចាប់​​ពី​​ពេល​នេះ ជប៉ុននឹង​ឈាន​​ដល់​សម័យកាល​ដែលអោយតម្លៃតួនាទី​បុគ្គល​។

ទស្សនវិជ្ជាអប់រំរបស់ជប៉ុនអាចនឹងផ្លាស់ប្តូរក្នុងពេលឆាប់ៗនេះ។

តាមការយល់ឃើញរបស់អ្នក តើអ្វី​ទៅ​ជា​ទិសដៅ​ល្អ​សម្រាប់​ការ​អប់រំរបស់​ប្រទេស​មួយ?

Kengo Abe