ម៉ាសក្រណាត់ Abenomasks រាប់សិបលានត្រូវបានចែកចាយធ្វើជាបង់រុំឬកន្សែងដៃ

ថ្ងៃពុធ 06/04/2022 | 17:12 ល្ងាច

ម៉ាសក្រណាត់ Abenomask រាប់សិបលានដែលអាចប្រើឡើងវិញ ប៉ុន្តែកំពុងរក្សាទុកក្នុងឃ្លាំងចាប់តាំងពីពេលផ្ទុះជំងឺកូវីដ ១៩ ។

កាលពី ២ ឆ្នាំមុន នៅទីបំផុតម៉ាសទាំងនេះក៏ត្រូវបានរដ្ឋាភិបាលចែកចាយ បន្ទាប់ពីមានការអំពាវនាវពីសាធារណជន អាជ្ញាធរមូលដ្ឋាន និងអង្គការនានា។

ម៉ាសក្រណាត់រាប់សិបលានដែលមានឈ្មោះថា “Abenomasks” កំពុងត្រូវបានស្តុកទុក។

កម្មវិធីម៉ាសរបស់លោក Shinzo Abe អតីតនាយករដ្ឋមន្ត្រីទទួលការសើចចំអកយ៉ាងខ្លាំងពីសំណាក់សាធារណជន។ ម៉ាសត្រូវគេដាក់ឈ្មោះចំអកថា “Abenomasks” ចាប់ផ្តើមចែកជូនក្នុងឆ្នាំ ២០២០ ។

ប្រជាជនជប៉ុនត្អូញត្អែរថាម៉ាស់មានទំហំតូចពេក គ្របមុខមិនជិត ឡើងលឿង ឬចំណាយពេលយូរទើបទទួលបាន។

អាជ្ញាធរបានអោយដឹងថា ម៉ាសចំនួន ៨៣ លានកំពុងត្រូវចំណាយច្រើនក្នុងការរក្សាទុក។

ក្រសួងសុខាភិបាលជប៉ុនបានប្រកាសចែកម៉ាស់ក្រណាត់ដោយឥតគិតថ្លៃពេលដែលទទួលបានសំណើច្រើន។ មន្ត្រីក្រសួងបាននិយាយថា នៅថ្ងៃទី ១ ខែមេសា ពួកគេចាប់ផ្តើមចែកម៉ាស់ដល់បុគ្គល អាជ្ញាធរមូលដ្ឋាន និងមជ្ឈមណ្ឌលថែទាំមនុស្សចាស់។

ម៉ាសចំនួន ៧១ លានចុងក្រោយនឹងត្រូវបានចែកចាយនៅចុងខែឧសភាក្នុងតម្លៃប្រហែល ៥០០ លានយ៉េន។

ក្រុមមន្ត្រីបានបន្ថែមថា ម៉ាសចំនួន ៧,៣ នឹងត្រូវបានកែច្នៃជំនួសឱ្យការចែកចាយដោយសារតែមានកំហុសឬព្រោះតែវាមិនដែលត្រូវបានពិនិត្យត្រឹមត្រូវ មុនពេលប្រគល់ទំនិញលើកដំបូង។

គិតត្រឹមចុងខែមករា ក្រសួងទទួលបានប្រហែល ៣៧០,០០០ សំណើចែកម៉ាស់ចំនួន ២៩០ លានដោយឥតគិតថ្លៃ។ ប៉ុន្តែសំណើប្រើម៉ាសក្នុងគោលបំណងផ្សេង ដូចជាបង់រុំ កន្សែងដៃជាដើម។

ពួកគេបាននិយាយថាម៉ាសចំនួន ២៩,៤ លាននឹងត្រូវបានចែកជូនបុគ្គលប្រមាណ ៣០០,០០០ នាក់ និង ៩,៣ លានឬច្រើនជាងនេះចែកជូនអាជ្ញាធរមូលដ្ឋានប្រមាណ ១,៨០០។

ក្រៅពីនេះ ប្រហែល ៣២,៣ លានម៉ាសនឹងត្រូវបានផ្ញើទៅកាន់ ៣៣,០០០ ស្ថាប័ន និងមជ្ឈមណ្ឌលថែទាំ។

អ្នកដែលស្នើសុំម៉ាសតិចជាង ៥០ នឹងទទួលបាន ១០ ម៉ាស ចំណែកអ្នកដែលស្នើសុំ ៥០ ឡើងនឹងទទួលបាន ១០០ ម៉ាស។

សំណើរបស់អាជ្ញាធរមូលដ្ឋាននឹងត្រូវបានឆ្លើយតបដោយគ្មានការជំទាស់។

Japo Cambodia